Dave

散彈槍素來是男人的浪漫，亦是喪屍GAME 最好的朋友，
尚記得小時候已聽過雷明登，以為雷明登是一盞燈，真是家傳戶曉，後來先知原來係一碌散彈槍，
再大D 先知原來係一家廠，不覺經年了。

小弟對SG 所知不多，呢碌乃是兩隻象的 M500 散彈槍，已有 4, 5 年歷史，M500 應該叫作 MOSSBERG 500，
係抄N 年前支 MARUSHIN 的，分別有 8 MM 同 6 MM 版本，但由於 8 MM 彈不好找同埋 6 MM 可以拉一打 5， 8 MM 只有3 發，
以散字行先的槍，打得三發就沒意思了。

此槍玩法乃是氣動拉一打五，但PUMPING 時實頗吃力，幾乎有彈弓槍的程度，不知是因為短版銀行鍍過金屬色，令個身厚了難拉還是甚麼，
後來拉得多，加D SILICON 就好一些。佢阻力處主要是推動活片去HAMMER DOWN ，槓桿比例不足，拉到盡時頗實，回推的頭段亦然。

此槍短版2.5 KG 重，長版不知道了，本身是打算買長版的，因為素來覺得有托是好渣D ，但去麵包店旁買，卻只餘下數支銀版，另外一間自稱非常出名的SSP 鋪則沒有。
只好照買不誤，索價九百餘，銀色雖型，不過很易磨花才是重點。另外試槍時，男老細好熱心教我用，不斷怒CHOK 我支已PAY 的SG 話咁先有「勢」... 真係多很多很多謝...

沒說錯，這是銀色版，之但係點解又變左黑色？原因係一開始打算將銀色磨一磨，令佢亮一些，點知國狗的神奇物料，一磨即變古銅色，
愈磨愈紅，吹帳... 最後噴黑佢完事，但如果大家搵到短版黑色當然是直接買黑了。( PS. 短版才有散熱片，但沒有準星。)
噴油方法基本上太低B 不提也擺，注意銀身上面有些會被模型油溶到的色料，如果要全磨是很花功夫，
因此噴油時可以一層一層的薄噴，讓表面很快乾，一層一又層的就不怕溶，最後補上一層消光，以作保護並其更似金屬色。

相片數張。




基本上是原裝，上面的橋是用 G36 系的短骨，在槍頂用手鑽鑽洞，用平頭螺絲上緊，就是如此簡單，槍身本身是鋼的，只要開洞岩直徑，不上螺絲帽亦會夠實。







這支槍比較特別，一雞五發，入彈位是將前手柄PUMP 後才會露出，是用倒入去的。
五發的話，大概是 0.7 J 一粒，基本上是很難用測速機測的，因為五粒彈是同一管飛出去，排隊咁出，測速會測第一粒的頭跟第五粒的尾，故此不準。
0.7 只是大概之數。但萬一彈倉入面子彈不足，只餘 4 粒， 3 粒.. 2 粒.. 甚至一粒.. 火力會如何呢？不用多說了。總之我用曲奇罐面測... 說不得也。

雖然正常操作是很細力，0.7 打 CQB 也是R 痕力，但不論是有心定意外，呢支槍確實有一發暴走力的可能性，CQB 的話可以肯定極度危險。
大家有呢支槍的玩家亦唔好以為細細力CQB，冇事就冇事，有事就大件事，134 A 測過，同樣是說不得也。

如何測力？就是先清哂所有彈，之後槍咀向上情況下倒一粒彈入去入彈管，槍咀向上才可以直接跌入BOLT 入面，之後PUMP 回把手，射... 就是一發的 J 數，

拆槍方法是先扭甩個散熱片，會見到有2 粒大機米在槍管底，扭鬆佢，就可以拆出外管，再逆時針扭出內管+ 內管坐，
原內管大概是 350 ~ 380 mm 長，小弟大刀闊斧，將佢cut 到得番 5 cm，幾乎是整條管都CUT 掉，磨平番個口，再修斜，裝回。而槍咀內的定管金屬亦要拆走，不然BB 彈散射時會直接打在其上。而定管金屬底有2 個螺絲位，本身是用定管金屬做 「絲帽」角色的，拆了就要用AA 膠固定好了。

最後得出的火力為：

top gas：
5 發： 1 面紙皮力 ( GP 紙盒 )
1 發：1.15 j

134 a：
5 發：勉強入到紙皮攝住
1 發 0.7 j

集彈性就不用貼了，雖然有用靶紙射，但1 米距離已經OUT 哂 TARGET..大概是 3 米已經打一個藍罐曲奇面的分布，再遠就更散，用來CQB 剛好。

另外此槍CUT 管之後，由於出氣量大，每槍都有輕煙，非常有型

withp90

其實都係擔心耐用問題
點都想買支SHOTGUN看下門口咁

alvin155

師兄非常詳細報告, 搞到我心郁郁tim

mr.tamiya

幾錢?

blade_sas

型！攪到我想買支黑色短版，我早幾日在CRW 鰂魚涌新鋪見過話係最後一支。黑得令令地，都係九百幾！

rho837

Good looking!

enflame97

買支掛係屋企都好

Dave

如果齋卦唔打緊係 GP 型D