48191

咦，見你答到咁招積，似乎你覺得自己有能力開間找換店又或者保險公司喎！你唔係話唔得，自己窮吓嘩？
不如由搞檔好似「星輝保險」咁嘅睇睇先喇，如果你有償付能力嘅話
啊，係喎，以你嘅見識同智商，你考到個1仔牌嘅話都劏雞還神喇！

引用:

原帖由 MG-42 於 16-6-2018 03:23 發表


你最後咪又係要講... " 你唔信唔緊要 , 反正我信了..." 哈哈 , 唔洗唔好意思喎


如果要搵人每日走幾十億,自己開找換店同保險公司啦... 洗鬼益你保險公司同找換店咩... 智將

[ 本帖最後由 48191 於 16-6-2018 08:04 編輯 ]

48191

首先，你係咪現在或曾經係行內人？如果唔係，你真係可以收皮。因為你唔識扮識，仲要衰響我手上。
我有兩年響某大保險公司做Underwriting，日日對住一大棟「投保申請表」，乜嘢古靈精怪嘅Exceptional 都見過啲。
大概08-09年，當時大陸都未話俾大陸人響境外買Investment Link保險，但就可以咁短時間內Sorting到一大叠大陸Link單，咁又點解䆁？
唔識，冇料到唔出聲係唔會話你啞。一出聲又唔識，咪出醜囉！

引用:

原帖由 MG-42 於 16-6-2018 03:16 發表



你個表達手法就好似...依家有個人袋粒炮杖過關得左...你就無限放大到,有門路關係可以帶核彈過關... 呢個形容Ok?

[ 本帖最後由 48191 於 16-6-2018 07:10 編輯 ]

48191

係？咁睇你乜單囉！
我所瞄述嘅唔係一般、老強同一般Life單，係瞄述緊基金（Hold五年/ 一炮過）嗰隻取巧保險單喎，COI好低，但變相係全投資單嗰隻喎！
一般/ 團體/ 個人意外保之類，密密開就話啫！個Commission Rate高，但本金本身低，COI又高....攞嚟幫補吓水腳囉！

引用:

原帖由 m11.man 於 15-6-2018 14:08 發表

你既言論會唔會有點兒那個，講到做保險既人好似做走資咁？你有無了解過咩係MDRT？百幾萬數就係走資？而家買架好d既車都成球啦，我亦相信呢度好多大大都有保險，一年交好幾萬保費唔出奇，我當你一個客唔多啦， ...

[ 本帖最後由 48191 於 16-6-2018 08:03 編輯 ]

m11.man

引用:

原帖由 48191 於 16-6-2018 07:20 發表
係？咁睇你乜單囉！
我所瞄述嘅唔係一般、老強同一般Life單，係瞄述緊基金（Hold五年/ 一炮過）嗰隻取巧保險單喎，COI好低，但變相係全投資單嗰隻喎！
一般/ 團體/ 個人意外保之類，密密開就話& ...

你咪回咗我一次囉，做咩又回多我一次，掛著我咪pm我囉，唔洗係度互動嫁，睇咩單就知係咪走資，何為取巧保險單？香港既保險係受監督，請不要再次信口雌黃，仲話做過，返去問下你班老細啦，小小超個間做緊個三年期儲蓄保險，港紙有3.幾，人民幣有4.幾既利息，好過放銀行，唔通呢個又係你講既走資咩，一般保險好多人都知係團體醫療，勞保，車保...所以你唔洗打咁多字，用幫補水腳笑咗，年年續保，佣金穩袋，反而d人壽單得第一年多d佣，下次做足功課先同我互動啦

48191

M11兄，指教指教一下先喇！
我唔知你係邊間，但我以前舊東家，Life係食三年，逐年遞減； 「純基金」單係一炮過，但個Commission rate 係低。
冇錯，意外保係年年續年年食，但係一張當千零蚊一年計數，Commission都係得、四舊一年，要好勤去跑先搞得掂。
首先，我以前唔係Agent，更唔係Broker，只係受薪職員。咁一炮過點解算係保險？原因係佢加入咗「身故賠償」，即係「本金」加約干百分比的賠償，不過當時的比率好低，而保監、金管局亦拍板通過可以賣，但撇除咗少少身故賠償，其實和純投資單冇乜分別，而年期相對Investment Linked Life Insurance係極短。和「投資相連人壽保險」的Life單區別極大。唔該唔好話信口雌黃，如果你覺得我描述有問題，可以指正。
但不要忘記一件事，當時一個大陸人響香港買Life，不論身故與否，保額銀碼按照法律定義，一樣屬於「資產」，亦即時說就算佢係買Term，而唔係Policy，個保額依然是資產，更何況Investment Link產品？咁再極端啲，買一張「投資單」，一炮過五年，五年後到期攞番錢，咁筆錢咪一樣留咗響香港，而唔係留響大陸，咁資金唔算由大陸轉移咗出香港咩？
至於小小超閒公司，我未幫襯過。不過港紙有3喱、人仔4喱咁理想，聽落幾吸引。咁有冇響Proposal度寫一定有先？冇寫「保證現金」、「保證利率」，一切都只是空談。
至於呢句「港紙有3.幾，人民幣有4.幾既利息，好過放銀行」響Sales technique 堂有教」，所以我估你係Salesman。

引用:

原帖由 m11.man 於 16-6-2018 12:56 發表

你咪回咗我一次囉，做咩又回多我一次，掛著我咪pm我囉，唔洗係度互動嫁，睇咩單就知係咪走資，何為取巧保險單？香港既保險係受監督，請不要再次信口雌黃，仲話做過，返去問下你班老細啦，小小超個間做 ...

[ 本帖最後由 48191 於 16-6-2018 19:27 編輯 ]

m11.man

先講講小小超間公司個保險計劃，你坐車路過上環會見到佢門市好大張廣告，你覺得吸引可以入去了解下，有職員會好細心解答你既問題，師兄做過保險業，身邊大把保險朋友，為何一定要覺得買保險一次過比就係走資，唔通你d朋友係專做呢d，仲有人壽單五年就拎返錢，輸多過勝，咁咪哂咗錢，咁不如買股票，仲有股息收，致於你講五仔牌，d客買萬用壽險，同私人銀行夾，用張保單黎融資，融資又何來走資，買保險唔係為咗保障咩，點解比師兄講到咁邪惡，師兄講既一次性付款or五年，應該係講保X，富X，A記，宏X...既儲蓄計劃，個d都係1,3牌就買得，唔洗5仔嫁，做文職都唔了解，你叫前線d人點做 仲有d一般保險，無人叫你做d細野，班大老闆d公司醫療，勞保...一年都袋幾十萬，邊洗冒險為咗個少少佣金，比人話走資，完，謝謝互動

48191

真係唔好意思，我真係見過有人係咁Sell，而且仲家住某南區富貴屋苑。
而小小超間公司嘅前身，曾經向一個買咗意外保嘅客拒賠，拒賠理由非常荒謬：一個扭傷關節嘅客，保險公司要求要有表面傷痕先至賠，事發時是2008年。
Investment Link五年Plan嘅玩法係：五年完單係可以自由攞錢走，又或者繼續Keep響保險公司收息，當然可以再轆多次。至於邪不邪惡，我只可以話Link單係一種工具，睇人點用啫！
響2015年前，香港政府有一個名為「資本投資者入境計劃」，計劃目的係要將有能力投資一定數目的金額者申請香港居留權，保險公司嘅基金Plan係其中一項：
https://www.immd.gov.hk/hkt/serv ... t_scheme.html#head1
適用於計劃的保險公司的基金名册：
https://www.immd.gov.hk/hkt/serv ... ive-investment.html
當中提到中國籍人士需要第三國籍。早於2008年前後，香港突然有好多「移民顧問公司」賣廣告，「阿魯亞圖」就係中國公民申請第三國籍的熱門地點，原因在於該國的投資移民申請非常寬鬆。當中國公民拿到第三國籍就申請「資本投資者入境計劃」，去攞香港人身份。當時，這些基金Plan為何會突然熱賣，就是這個原因，和賺、蝕未必劃上等號。再者，基金Plan有一種特性，就是一籃子類別股票以不同比例去分配，相比起單一股票更安全，亦比買賣物業更易脫手。只要一到期仍放在保險公司亦可收息。萬一需要資金轉移，一簽紙，等一、兩個星期已經可以攞由「保險公司發出的支票」鬆人，連Bid都唔駛蝕(個Plan已經完咗，Bid乜春啫？），你唔會唔識呢個玩法啩？如果呢個計劃未玩完，你又識玩呢個遊戲又有客路，你今日應該揸緊Maserati。
再者，呢班富貴嘅「新香港人」，正是利用香港人嘅身份，去外國亦比較中國籍易，因為已經不再受中國政府管束，不論出國或調出資金亦比較方便。甚至經香港再做投資移民去外國（除非你真係好鍾意阿魯亞圖）。

引用:

原帖由 m11.man 於 16-6-2018 23:07 發表
先講講小小超間公司個保險計劃，你坐車路過上環會見到佢門市好大張廣告，你覺得吸引可以入去了解下，有職員會好細心解答你既問題，師兄做過保險業，身邊大把保險朋友，為何一定要覺得買保險一次過比就係走資 ...

[ 本帖最後由 48191 於 17-6-2018 01:32 編輯 ]

m11.man

小小超而家間公司買咗幾年，08年既話係另一間wo，仲有意外wo，照字面睇扭傷關節點賠？你要睇細節wo，斷一定賠，扭傷買醫療咪有得賠醫藥費，買咩意外

48191

有時窮等人家五十幾歲買Life Policy好貴，Term又有期限。年紀大先嚟買Life，COI一定非常高（只要佢肯死，保險公司要通賠喎！咁五條幾嘢離六條幾七條，都嗰頭近近哋喇吓嘩？咁咪快賠啲囉！），醫療亦貴，買張住院現金又未必用得著。求其買張百零蚊一個月嘅意外保傍身，叫做有乜東瓜豆腐意外行開咗都叫有啲殮葬費嘅客你未見過？咁你真係「差齢尚淺」，駛唔駛番學堂背吓178先？

引用:

原帖由 m11.man 於 17-6-2018 00:24 發表
小小超而家間公司買咗幾年，08年既話係另一間wo，仲有意外wo，照字面睇扭傷關節點賠？你要睇細節wo，斷一定賠，扭傷買醫療咪有得賠醫藥費，買咩意外

[ 本帖最後由 48191 於 17-6-2018 01:29 編輯 ]

48191

To MG42兄

引用:

原帖由 MG-42 於 16-6-2018 03:23 發表


你最後咪又係要講... " 你唔信唔緊要 , 反正我信了..." 哈哈 , 唔洗唔好意思喎


如果要搵人每日走幾十億,自己開找換店同保險公司啦... 洗鬼益你保險公司同找換店咩... 智將

m11.man

原來師兄年紀都有返咁上下，08年我仲讀緊書，但師兄話如果有客既，今時今日應該揸緊maserati， 早兩個月係九龍灣個間睇架maserati grancabrio sport，個樣係幾型既，不過香港無咩用，小弟不才，手車屎，而家我女朋友架前七V8,5000cc都用唔盡，咁岩今日同女朋友出街，扮唔知海港城有benz車展，水咗佢落尖沙咀食下午茶，順便睇下車，試下架CLS450，感覺又幾好，九十幾萬又有AMG既野，最重要係2+3既座位，唔洗驚比朋友串，架車長過七人車，但2+2邊夠坐，又要大cc，油錢貴，我玩緊架車個時，我女朋友話有人想試，叫我出返黎，點知一落車，即刻有兩個職員行過黎，一個比張價目表(上面仲釘咗張卡片)，一個就介紹架車，仲話有咩可以電話傾，安排試駕，當然啦，睇咁耐緊係比人扭耳仔，話泊車唔洗錢呀，個職員好醒，即刻話你地有無benz車匙，可以免費泊兩個鐘wo(心諗要上淘寶買返d唔同牌子既車匙先)不過同女人行街免費兩個鐘邊夠，最後走人出閘都要比六十幾蚊，師兄小弟心水車係P1，你唔鍾意去門市睇唔緊要，佢公司係合和中心放咗兩部係停車場比人睇，可惜呢部車我無機會擁有，兩門既，跑車都無我份，我只可以買房跑，七人車之類既車，講完車，講返你話咩保險唔賠，岩岩上網睇咗份藍X字既意外保險，又斷手又斷腳，又話盲...又咩不保事項，但無出現過話扭傷有得賠wo，咁X通唔賠我覺得好正常，唔通周大玩緊左右手扭親又要賠咩，你講既投資移民，你認為佢地真係個個都買你講個d投資單咩，仲有你話買咗保險就係資產，咁點解d人破產，又唔可以充公份保單，你行下圓方啦，周圍既住宅個個都過千，你望下多數係咩人住先啦，佢地移民黎香港係為咗走資？唔可以係欣賞香港既制度，欣賞香港既教育咩，人之初性本善，唔好諗到咩都萬惡咁，做人會開d同多d朋友，正常既討論，不必帶有攻擊性，小弟正如你所講差齢尚淺，齢字係咪解齒字，咁咪幼齒囉 多謝師兄讚我後生，去學堂背下178係咩？我淨係試過係機動部隊度操過，但無178wo，請師兄賜教

m11.man

香港海關除咗反走私，掃毒外，更有一個叫金錢服務監理科，根據香港法例第615章《打擊洗錢及恐怖分子資金籌集條例》，按照打擊洗錢條例，任何欲經營匯款及/或貨幣兌換服務的人士必須向海關關長(關長) 申領牌照，所以要開找換店唔難，唔洗所謂咩門路，做個奉公守法既良好市民，按照牌照辦事處規定申請就可以，代MG42師兄解答你問題謝謝
你做過保險，仲要係文職，應該好熟，就唔洗講點開保險公司啦

MG42師兄就算而家無能力開，你都唔應該串人，世事無常，難保佢聽日就開返間

48191

首先一樣嘢，我亦無意去攻擊你，但是我是將親身見到的嚟同你分享，原因係我一聽你講就知道你應該係行內人，但你話你未聽過呢個計劃，咁我就知你應該都好Green吓。當時入境處有呢個計劃，大陸啲有錢人為咗移民外國，就利用呢個計劃嘅設定去買Plan，咁並唔係巧合嘅事，你未經歷過並不奇怪。2015年計劃中止，原因就在於資產轉移開始加劇。
至於178係乜？其實源自老一輩警界諺語。「入學堂就178，出嚟做嘢就179」，意思係學堂所教你嗰套標準，係Standard嘢，Passing Out之後就179，即係話按實際情況做嘢，唔係嗱死學堂嗰套嚟行事咁古板同冇彈性，但又未至於陽奉陰違嘅地步。唔信可以問吓你刁陀師兄師姐有冇呢個說法。不過而家當差冇So吖，遮仔會就供硬，但冇長俸迫供老強就差好遠嘞！

引用:

原帖由 m11.man 於 17-6-2018 03:56 發表
原來師兄年紀都有返咁上下，08年我仲讀緊書，但師兄話如果有客既，今時今日應該揸緊maserati， 早兩個月係九龍灣個間睇架maserati grancabrio sport，個樣係幾型既，不過香港無咩用，小弟 ...

[ 本帖最後由 48191 於 17-6-2018 09:01 編輯 ]