兩年
咁就兩年，一個人兩年啦。
兩年，好孤獨。
身邊雖然不乏女人出現，但係自已就永遠睇唔入眼
等緊一個所謂既機會，一個永遠都唔能夠重現既機會。
呢兩年，我地都仲有聯絡，一星期平均見一次，
但雖然我地用多左時間了解，
但佢已經有左一個比我更好既男友
連我屋企人都覺得我唔應該再等，
但我同佢一齊左9年，識左十幾年，
我地大家當中既朋友實在太多太多，
關系剪不斷，
十年前同佢拍拖個時，我同佢講我好鐘意一首歌<償還>
之後，過去十年，離離合合幾次，
每次一聽呢首歌，就覺得係自已同佢呢段感情既主題曲
我會不敢問自已一句，點解當日會搵首咁既歌做主題曲。
唉
從未將你的貼相 從右翻至左欣賞
從未躺進髮上 貼身搔癢 怎會當尋常
從未聽你的拇指 撩動花瓣的聲響
從未真正放手 所以以為 擁抱會漫長
＊償還過 才如願
要是未曾償清這心願
星不會轉 謊不會穿
因此太希罕繼續相戀
＃償還過 才情願
閉著目承認故事看完
甚麼都不算甚麼 即使你離得多遠
也不好抱怨
從未等你的眼睛 從夢中看到甦醒
從未跟你暢泳 怎麼知道 高興會忘形
從未跟你飲過冰 零度天氣看風景
從未攀過雪山 所以以為 天會繼續晴
今年，我好驚會收到佢的婚訊！
同時間，我今年新年同自已講，
我希望可以俾我遇到一個可以帶我離開呢個困局既人
08/98-/01/07
[ 本帖最後由 匿名 於 10-1-2009 04:45 編輯 ]
