Dave

事實上警察係有權係任何地方拘捕任何人，無得SAY NO。
但總不見警察真係得閒無事係條街捉個阿婆話佢殺人放火，因為拘捕完佢唔係話告就告，
要落口供，落完寫紙比大SIR 睇，大SIR 睇完覺得有得告先會掟上律政師決定是否提告 ( 如有錯請指正)
亂捉人都算，總不能無證無據上紙比大SIR，真是會吊到你反皮的。
更甚者證據不足不提告，煩到市民比人投訴更加大獲也。

講番P 兄單野，提及「為救市民不要被拉而隨便找些罪名提告」云云，實在匪夷所思，
不但沒有警察/ 海關想捉虫入屎佛，實際操作上亦會做不到更會比人投訴到反眼，而且需要動用的起碼數百全職檢查員之人手更是關口不可能提供的。
做好事不是錯，但不能用人治方法去管理法治社會。

ptqw

引用:

原帖由 Dave 於 20-3-2018 20:33 發表
事實上警察係有權係任何地方拘捕任何人，無得SAY NO。
但總不見警察真係得閒無事係條街捉個阿婆話佢殺人放火，因為拘捕完佢唔係話告就告，
要落口供，落完寫紙比大SIR 睇，大SIR 睇完覺得有得告先會掟上律政師決定 ...

Dave兄有見地

ptqw

作為一個遊客，除非拎左指明要申報的物品出境而無作申報，或超過限定份量如奶粉，被執法人員捉到先能提控。
我拎十幾罐藍罐曲奇、紙尿片出境，就算被查問，我話我家鄉家族有幾十人，買返去當手信有罪嗎？
如何證明我係走水貨？憑數量？定憑我係遊客？
到時口供都咁寫做手信，咁都拉我上法庭見官，除時唔駛審，已經放人。到時要控方賠償，加上非法拘捕，到時係當時執法人員一身蟻。

P兄如係執法人員，咁做嘢法，小弟大開眼界

[ 本帖最後由 ptqw 於 20-3-2018 21:14 編輯 ]

loveless

香港有個特色，就係一定數目既出境控制點，中國係唯一既目的地。
可以針對性從教育及宣傳入手去講解兩地違反出入口條例既後果。

運用法例就係另一回事，奶粉令代表無任何人可以帶超額量離境，不分民族國籍。道理上法例就是一度閘，不能因為我喜歡你就特別寬鬆，我討厭你就特別嚴厲。
如果要用懷疑作為理由扣押離境人仕，而其行李內物品與出境條例並無抵觸，隨即出現既就係無窮無盡既問題：
香港係一個國際貿易點，印度人，非洲人，中東人，菲律賓人，印尼人，日本人，歐洲人，美加人，乜人都有，每日無數外籍人在香港揾貨，寄運代運手提百花齊放，會展隨便一個展覽就有成千上萬外國人帶走無數商品，是否要要求全部人仕都要有工作簽証？要靠法律扣留扣押甚至禁止懷疑水貨客出境，就要有定義，一個可以套用在羅湖落馬洲極之神憎鬼厭人仕身上的法則，就同樣要套用在所有離境人仕身上。
於是大可想像一個情況，帶手信可以被扣押，帶貨辦可以被扣押，總之有商品就可以被扣押，那香港即時變成國際白色恐怖都市。
法律永遠有利有弊，奶粉令係好事，但同時絕對傷害左香港作為一個自由港既穩定性。

現實生活中我都會碰到熱誠要捍衛民主自由法治etc的人，最困惑係通常佢地思維上真正想要想做既，卻往往係相反...

lhyyhy

例如，有人從香港買氣槍返內地，離境時俾香港海關發現，香港海關會點做？

lhyyhy

以師兄舉嘅例，香港海關唔會理挂？ 係做嘢都係深圳海關做啦

loveless

單一針對目的地係中國既過量水貨客，
最快真正可以起到正面實際作用既關鍵並不在於政府，
而係兩間公司，一間叫九廣鐵路公司，另一間叫香港鐵路有限公司....

ptqw

小弟不是香港海關，無法答你標準/官方答案。
如果係氣槍，小弟愚見，佢可能到時搵警察過來睇睇同處理。到時睇當時人點講。
因為大家職能，賦予的權力不同。

至於我的例子，我相信海關人員做唔到什麼。既不能證明我係走水貨（因為我話手信），又不能現場確認我家族如何大或少。加上我帶嘅又唔係多於限奶令的奶粉或其他禁制品。
此情況下，佢用什麼權力去扣留我的手信，什至拘捕我？
或者師兄你又俾到什麼權力/法例俾海關人員做我？

[ 本帖最後由 ptqw 於 20-3-2018 23:46 編輯 ]

lhyyhy

我同師兄同一諗法, 所以覺得要做嘢都係深圳海關做, 香港海關真係唔知可以做到D咩.

lhyyhy

原來早幾日已經有師兄PO過一單新聞


香港海關檢獲懷疑受管制氣槍及配件（附圖）

＊＊＊＊＊＊＊＊＊＊＊＊＊＊＊＊＊＊＊＊＊

　　香港海關昨日（三月八日）在落馬洲支線管制站檢獲四支懷疑受管制氣槍及配件，估計市值約六千元。

　　海關人員昨日下午在落馬洲支線管制站截查一名出境女旅客，在其攜帶的環保袋內檢獲四支懷疑受管制氣槍及配件。

　　該名三十三歲女子被捕。案件仍在調查中。

　　根據《火器及彈藥條例》，任何人無牌管有槍械，一經定罪，最高可被判罰款十萬元及監禁十四年。

　　香港海關提醒市民，任何人士管有或攜帶違禁品進出香港往返內地，有可能觸犯相關香港或內地法律，後果嚴重及有可能被判監。市民亦不應接受任何人聘請或委託運送違禁物品進出香港。





香港海關昨日（三月八日）在落馬洲支線管制站檢獲四支懷疑受管制氣槍及配件，估計市值約六千元。



完

2018年3月9日（星期五）
香港時間17時50分

48191

其實今次我認為係香港海關刻意用呢個方法扣住佢啲貨，算係救咗佢。因為用呢條罪名去扣佢貨其實有少少牽強。

引用:

原帖由 lhyyhy 於 21-3-2018 00:22 發表
原來早幾日已經有師兄PO過一單新聞


香港海關檢獲懷疑受管制氣槍及配件（附圖）

＊＊＊＊＊＊＊＊＊＊＊＊＊＊＊＊＊＊＊＊＊

　　香港海關昨日（三月八日）在落馬洲支線管制站檢獲四支懷疑受管制氣槍及配 ...

Lolanto

引用:

原帖由 lhyyhy 於 21-3-2018 00:22 發表
原來早幾日已經有師兄PO過一單新聞


香港海關檢獲懷疑受管制氣槍及配件（附圖）

＊＊＊＊＊＊＊＊＊＊＊＊＊＊＊＊＊＊＊＊＊

　　香港海關昨日（三月八日）在落馬洲支線管制站檢獲四支懷疑受管制氣槍及配 ...

海關可能已經衍生出呢招對策黎阻止人走私氣槍返大陸，但對於走私其他物品，似乎未有對策。

wing383

引用:

原帖由 pbay 於 20-3-2018 18:03 發表

repeat多次:
大陸人除非手羅工作簽證, 否則一般自由行簽證皆屬旅遊簽證, 不得在港從事業務或工作取酬.
包括走私貨品, 無論自己生意定職員,
同一款式同一類型物品一次帶幾十件, 就算聲稱係自用, 都係自招嫌疑, ...

"大陸人除非手羅工作簽證, 否則一般自由行簽證皆屬旅遊簽證, 不得在港從事業務或工作取酬...."
"海關肯執正黎做...."

違反逗留條件係海關做架咩?點執正嚟做呀?

Dave

引用:

原帖由 wing383 於 21-3-2018 12:45 發表


"大陸人除非手羅工作簽證, 否則一般自由行簽證皆屬旅遊簽證, 不得在港從事業務或工作取酬...."
"海關肯執正黎做...."

違反逗留條件係海關做架咩?點執正嚟做呀?

入境處表示其實我好多野做架唔好咁啦

bennytsang16

呢類悲劇發生，係基於中港兩地法制的差異。在香港管有2J以下氣槍一般都唔算犯法(除非執法部門證明到你有犯罪意圖)，但在大陸卻是極嚴重罪行。
香港人運氣槍返大陸被捕判監的新聞，近幾年報紙有報、《警訊》有講、電視新聞有報、網上媒體有報、社交媒體和網上討論區都常有報導，咁都話「無知」、「被人呃」好難令人相信。而「無知」亦都唔係有力既抗辯理由。