問心丫，個人相信，其實「主流民意」 (at least係我日常接觸到既果D民意啦)
都係想：有工開、有糧出、夠飯食、夠錢駛，安安定定、開開心心遮，
六千大洋，講得衰D，當做掩口費黎平息民怨既，又有乜問題?
有D人話政府慷他人之概，話舊錢係佢既，點用應該問佢。
戇[_]啦... 交左既稅就係政府架啦，你又試下唔交稅會點?
(我唔討論普選以致政府認受性 / 合法性問題喇...否則天光都未講完)，
既然係已出之物，係呢一刻我地又控制唔到舊錢既用途，
咁我覺得政府拎黎派，買個皆大歡喜無乜做錯。
x x x
當然啦，長遠而言，政府真係要肯承擔返佢既責任，
唔係野野怕日後財政負擔就可以乜都唔做既...
營運政府不同於經營公司，教育、福利、醫療、保安等服務成果並不可能量化，
就連收支平衡都唔會係常態，老實講，上述呢幾項cut budget可能慳到錢，但長遠既社會成本會更高。
到時咪又係得不償失!
x x x
其實下面幾項都可以話係好多人既想法，
希望下屆特區政府肯做下野啦...
(1) 設立「全民社會保障制度」黎取代MPF
(當年返學聽過，完整既制度大約係：全民保障 > 公積金(?) > 強積金 > 自願額外供款) <--有錯請指教
(2) 改善公共服務 (唔止醫療，其實消防，警務，甚至GFS等其實都要駛錢)
eg. 有無人留意過呢十幾年，警察已經無好似英國佬年代咁，一次過換晒批車?
Ford Transit都係2010年先開始唔見晒，
Benz Sprinter 行到就散都仲用緊，我寫字樓果架行左十九萬喇差唔多...
(3) 小班教學 (吉學校就多，其實條件夠，但都係果句，政府怕日後條數)
(4) 房屋 (一句，復建居屋啦...唔駛八萬五，一年二至四萬個居屋/夾屋單位供應已經夠樓市降溫至合理水平)
...etc etc
引用:
原帖由 wonglk 於 3-3-2011 22:41 發表 
師兄好波!
收左6000蚊唔代表政府唔洗做野
錢一樣要出,但政策一樣有野更進
講多少少野啦
每一樣政策,都應該係先切合"最多人數"果班
之後再對特別例子施加特別做法
就好似全香港教育資源唔夠
假設只能起多 ...
