公務員(特別係警察)同市民(特別係網民)既討論同衝突，都唔止係CGF發生。
最好當然係可以交流同增加了解，咁就互相都有得著。
但真係交流唔到既 / 唔想交流既，
其實都唔係咩大不了，都係各自表述下意見遮，言論自由嘛。
有工友會「對號入座」係針對警察既討論入面發聲，
個人認為，呢點係因為工友們既族群意識比較強，當遇到有關警隊話題時，自然會特別留意。
當討論出現傾斜，或者出現並非事實既內容時，
工友們出聲去澄清(或者某D人所講既狡辯)，都係正常既表現。
就正如係某D forum有題目針對特定族群時 (例如wargamers、或者某D學校、團體等)
該等族群成員會出聲澄清一樣。
至於點解係CGF「....每一次關於警察的post...又有邊次...無一班做警察的師兄出黎幫自己的同事講野呢.?」
我相信係呢邊比較多工友出沒，而呢班出沒既工友又比較樂意出聲遮。
或者當我地係到討論HKU、CX、九巴、教徒、AGC...etc等題目時 (隨機諗出黎既，無特別意思)
以上既族群成員都可能會樂意回應呢。
其實討論、激烈既討論，甚至爭執、post war等
只要真係言之有物、而非無的放矢既漫罵的話，
都不失為有效既溝通丫?
最緊要係大家打開個心討論遮。
引用:
原帖由 Ｌ 於 1-12-2010 13:40 發表 
所以我咪覺得奇怪...當有人講死差佬的時候...既然唔係講緊你地..又何解要出黎解釋或者澄清或者表達一下立場咁呢..
但而家..你地就掉返轉...去講"刁民"...去講"八十後"...咁有人覺得自己唔係"刁民"..唔係"八十後"的 ...
