seamoncheng

引用:

原帖由 La-9 於 23-11-2010 13:47 發表


唔好成日將復雜問題簡單化, 趙係因為替人維權俾人拉,本身亦有犯法之處, 做唔做判唔判,好大玄機系度.

毒奶粉案主事者無可能逃脫制裁, 但俾查處之當地官員之中有唔少本來就係俾"追究領導責任", 系拉出來頂數而非 ...

哦

tango10

引用:

原帖由 La-9 於 23-11-2010 12:37 發表
我念呢次將原本通常唔司法處理之事"認真"處理,然後超期羈押先宣判本就係做樣,警告其他維權人士唔好再過界, 依家本身目的已達到,讓趙“戴住帽子”出獄一系尊重司法程序,二系讓趙之後都必須循規蹈矩， 本身charge趙條罪 ...

其實真是唔係好明, 點解未判就已經被捕入獄??? 又唔係殺人放火, 打砸搶燒?
只是亂叫亂喊要求查處???

seamoncheng

引用:

原帖由 tango10 於 23-11-2010 22:10 發表

其實真是唔係好明, 點解未判就已經被捕入獄??? 又唔係殺人放火, 打砸搶燒?
只是亂叫亂喊要求查處???

官要做你既...有咩可以講

La-9

引用:

原帖由 tango10 於 23-11-2010 22:10 發表

其實真是唔係好明, 點解未判就已經被捕入獄??? 又唔係殺人放火, 打砸搶燒?
只是亂叫亂喊要求查處???

经检察院批捕之人通常判决之前都会俾羁押,判决后羁押期当作已经服佐既刑期从刑期内扣返.呢个反倒系正常程序, 赵案程序上最唔o岩规矩系超期羁押,过佐羁押期先开始审理.但通常超期羈押對判決結果本身無咩影響,判完對數扣多d刑期而已.

[ 本帖最後由 La-9 於 23-11-2010 23:57 編輯 ]

keane

經過各位數日來超過400個POST 既壓力下,

佢地終於講掂數,  無 事 啦

tango10

引用:

原帖由 La-9 於 23-11-2010 23:53 發表


经检察院批捕之人通常判决之前都会俾羁押,判决后羁押期当作已经服佐既刑期从刑期内扣返.呢个反倒系正常程序, 赵案程序上最唔o岩 ...

係! 我都知偉大祖國有所謂合理的法律程序! 不過都2010年啦!
仲要扣押未被定罪的疑犯等判決這等五千年優秀中華文化傳統, 會否看情理調節一下呢??
醫好就唔準出聲, 咁同清朝有咩分別?
原來老毛發動文革真是對的! 中國人只是換頂帽, 換套衫, 根本就會有變過!

seamoncheng

引用:

原帖由 tango10 於 24-11-2010 09:38 發表

係! 我都知偉大祖國有所謂合理的法律程序! 不過都2010年啦!
仲要扣押未被定罪的疑犯等判決這等五千年優秀中華文化傳統, 會否看情理調節一下呢??
醫好就唔準出聲, 咁同清朝有咩分別?
原來老毛發動文革真是 ...

所謂意見接受...思想照舊

La-9

引用:

原帖由 tango10 於 24-11-2010 09:38 發表

係! 我都知偉大祖國有所謂合理的法律程序! 不過都2010年啦!
仲要扣押未被定罪的疑犯等判決這等五千年優秀中華文化傳統, 會否看情理調節一下呢??
醫好就唔準出聲, 咁同清朝有咩分別?
原來老毛發動文革真是 ...

真係同你講野講唔到幾句佛都來火，成日玩d文革伎倆！

你有d法學常識好唔好啊？內地行緊大陸法系，唔係香港既普通法系， 經檢察院批捕同提出檢控之疑犯就已經係準罪犯身份，無論你是否無辜都已經假定你有罪，實施強制扣押防止疑犯逃跑，自殺或者其他干擾偵訊行動, 請問係準罪犯點解唔扣押得啊？你當然可以拗趙連海案是否需要實施逮捕程序， 因為我都覺得唔需要，但你若準備否定定罪前逮捕呢個程序， 唔好意思大陸法系國家都有呢樣
大陸法系許多歐洲國家都行緊， 同用普通法系既國家差唔多數量， 你係未準備話我知你有資格否定大陸法系？

你志在撩交嗌我無興趣陪你，你自己好自為之。

[ 本帖最後由 La-9 於 24-11-2010 13:12 編輯 ]

tango10

引用:

原帖由 La-9 於 24-11-2010 12:51 發表


真係同你講野講唔到幾句佛都來火，成日玩d文革伎倆！

你有d法學常識好唔好啊？內地行緊大陸法系，唔係香港既普通法系， 經檢察院批捕同提出檢控之人就已經系罪犯身份，無論你是否無辜都已經假定你有罪， 請問 ...

好老實, 我就唔識什麽法律, 亦不像啦兄咁學富五車!
只覺得祖國以往雖窮, 但以前國貨是香港普羅的信心之選!
大地校褸, 可以著幾代人!
珠江汽水比可樂更好!
幸福牌巧克力, 珠江牌巧克力威化, 樂口福....全都是信心保證!
估唔到今日祖國經濟起飛, 實力強橫, 軍力充實之時,
不法商人為了利益而制造有毒奶粉毒害我國的下一代!
與侵華日軍731部隊無異! 真是好痛心!
受害人父親接受不來發聲不滿, 因為恐引起民眾參加, 就要坐牢等判!
這是什麽罪大惡極的犯罪份子要坐牢待判???
希望如你這般有學識的青年才進能為祖國未來發點聲音! 得罪!

Kuznetsov

1.希望大家可以盡量互相忍讓、尊重，各位之言論及發表請勿過於激烈以免影響其他人。

La-9

引用:

原帖由 tango10 於 24-11-2010 13:07 發表

好老實, 我就唔識什麽法律, 亦不像啦兄咁學富五車!
只覺得祖國以往雖窮, 但以前國貨是香港普羅的信心之選!
大地校褸, 可以著幾代人!
珠江汽水比可樂更好!
幸福牌巧克力, 珠江牌巧克力威化, 樂口福....全 ...

一早講佐， 趙連海係因為同其他幾件案件鳴冤而被做， 並非因毒奶粉案， 一來毒奶粉案政府唔會吝嗇賠償，二來通常唔攪當事苦主系慣例，石首事件成個石首市攪翻佐天，當事苦主一樣咩事都無， 我從來無話過趙案係正確處置，我始終講緊既無非系趙案與毒奶粉案無直接關係。趙案很明顯係通過選擇性執法達到政治目的，警告其他維權人士唔好再採取某些手段。

依家夾硬扯埋毒奶粉案確實救到趙出來， 但結果呢？

用人治手段逼政府用政治手段破壞制度放人出來， 係法治之失敗。

趙雖然自由，但依然頂住罪犯o既帽子， 無法享受刑滿釋放人員政府解決工作o既待遇， 就算趙今後生活無憂， 依然無法為社會公益出力，只能夾緊尾巴做過日子，因為戴罪之身，唔可以有半步行錯塌錯。

而原本如果唔扯埋毒奶粉案造勢施壓， 堅持上訴既話，雖然很難判無罪，但比照其他相似案例很容易減刑至1年或者1年半， 那樣扣除羈押期唔需要坐幾耐，甚至可以當庭當做刑滿釋放， 以清白之身獲得自由，趙之後既工作問題等等都可以很容易解決， 亦可以繼續從事維權。

依家既結果只不過係， 官方維持趙案判決，趙案成為案例，並通過新華社詔告天下：如採用同趙連海一樣之維權手段將無疑構成尋釁滋事罪受到製裁。釋放趙看似只不過賣個人情，實際上係以退為進，以放人來中止司法程序，進而剝奪推翻判決之機會。 原本只係嚇阻下，依家係辦成鐵案， 以後查辦其他維權人士就有例可循了！何況趙連海亦根本唔係真正俾釋放!

呢鋪看似中央服軟，其實中央全贏. 所以我話香港班泛民，要么只知道煲大單野根本只為政治撈分無真正在意大陸維權，要么根本就係廢柴到家！幫港媒唔去開足馬力跟踪報導， 亦唔會招來官方對趙家屬及其律師之種種留難限制， 如果俾我講， 幫媒體一開始就只不過將趙案當收視率提款機而已，傳媒關注司法本身就係雙刃劍，既能保证判决公正，亦能保证判决彻底政治化， 美国辛普森案就系例子。 港媒一開始就帶住立場去報導本身已經係好有問題， 依家咪中央要講多謝嘍~~~~

[ 本帖最後由 La-9 於 24-11-2010 14:28 編輯 ]

101653

引用:

原帖由 Ｌ 於 24-11-2010 14:07 發表

精彩精彩..

我真係唔知仲有乜野好講......

Hkpolice-Psu

引用:

原帖由 La-9 於 24-11-2010 13:39 發表


一早講佐， 趙連海係因為同其他幾件案件鳴冤而被做， 並非因毒奶粉案， 一來毒奶粉案政府唔會吝嗇賠償，二來通常唔攪當事苦主系慣例，石首事件成個石首市攪翻佐天，當事苦主一樣咩事都無， 我從來無話過趙案係正 ...

點解會有毒奶粉? 點解有人為毒奶粉受害人出頭就被禁制?

一個字

權

La-9

引用:

原帖由 Hkpolice-Psu 於 24-11-2010 14:23 發表


點解會有毒奶粉? 點解有人為毒奶粉受害人出頭就被禁制?

一個字

權

再度重申， 趙唔係為毒奶粉案出頭而俾人做， 引起社會高度關注之案件，你如係當事苦主， 就算燒佐棟樓燒埋警車都未必有人做你。

毒奶粉產生都同權有關？你不如話乜唔好既野都同權有關好過啦~~~典型港人思維， 咩都往權，貪官上一推了事,簡簡單單好似咩都講得通，其實未必~~~~

做趙連海， 原因很簡單， 因為現今政府最憎就係有人聽到邊度有單咩咩野， 就上網煲，發動人去聲援，去圍政府， 然後聯絡港台記者同外國記者， 總之盡量攪大件事， 內地近幾年許多群體事件都係如此引發，趙連海攪既聚緣賓館強奸案就係一單， 呢d野你係當事苦主攪，政府唔好處理你， 因為處理你會引發更嚴重後果，無法盡快平息單野， 但如果你係旁人， 專攪呢d野， 自然當你攪屎棍處理,加加埋埋同你來個秋後算賬。

政治呢味野，向來好複雜， 大陸o既事尤其複雜， 你如果係平時返工累得滯聽下新聞當下消遣既， 你願意聽報紙佬講就听報紙佬講，但如果真想知道成件事系點， 唔該要眼觀六路耳聽八方先得。

[ 本帖最後由 La-9 於 24-11-2010 14:54 編輯 ]