沖完個涼，睇到特首宣怖話有七位港人遇難，
心中難過得很，但難過歸難過，
冷靜下來之後，有D野都係要諗諗既。
一家唔知一家事，我地唔在場，
唔知現場有咩限制 (會唔會有人質有心臟病所以唔炸得窗又唔丟得flash?)、
有咩缺乏 (無車? 無梯? 無綱纜?)而令到場面惡化得咁快，
依家大家坐係屋企嘆住冷氣，講點攻點打都係事後孔明。
To be fair，我諗事件都係留返比調查人員去查啦。
不過，單憑我從新聞睇住攻堅果大半個鐘，
菲國既同行們，你地既表現... 比業餘更業餘！
無裝備、無資源、無訓練 都唔緊要，
做唔掂既，就留返比真正專業既做啦... 人命黎架!
你地軍方特種部隊唔差過喎...點解唔交波比做得黎既人?
x x x
又，我呼喻大家係難過既同時，
都為果位
係危急關頭，
除左保護自己兩位小朋友之外，
更向槍手聲稱
同團、但無關係既小朋友 (有線新聞消息) 係佢既親友，
從而獲得槍手允許,，
帶埋果位小朋友脫險既女士致意。
全憑佢既冷靜，先可以係鬼門關前搶多一個人返黎。
而呢位女士，就真真正正咁做到「
幼吾幼以及人之幼」。
係我地譴責槍手行為可恥、菲國執法人員辦事不力既同時，
就讓我地向呢位真正大無畏既女士致敬啦！
[
本帖最後由 gd1893 於 23-8-2010 23:21 編輯 ]
