引用:
原帖由 kimkileo 於 20-7-2010 11:13 發表 
不過日本既連鎖食店已經發展到就係俾野你食果個都係清潔洗碗...一個人做幾種工作
食物價格間間都差唔多，呢個時候商譽就好影響收入來源....
其實我覺得，而家都好唔到幾多啦。
所謂分工化只不過係壓價既籍口 (睇下 d 酒樓，送菜同上菜既人都唔同既)。
以往分工係要加大個生產效益，降低經驗需求，而家既分工只不過係壓價既手段。
當定死下限既時候，我覺得最快會改變既，係現有既工作模式會重新調整而變得更有效率。
例如酒樓傳菜同上菜係同一個人，食客會變相得益(快左)。
而多餘既人會重新分配成不同工種，或被炒 (講得多餘既即係晨早就應該炒啦)。
同一時間，因為間間都 33，人力市場既流動性會相應大左 (一腳踏又係 33 ，點解要做 d 辛苦到死，而唔做 d 輕鬆 d 既工？)。
例如，初級會計呢 d 本來就不合理地低人工既工種就會變得相對唔討好，會吸引一堆人工唔高，無得升但又唔敢轉工既人投身其他行業。
比著你，讀到隻狗，一日 OT 4hr+ 咁又係 33，穩穩定定響間茶仔做收銀加抹檯又係 33，你會做邊樣呀？
好肯定一 d 本來低需求，穩定但無乜樂趣既工會第一時間填滿，而要求高既工 (e.g. 大學學歷以上，專科畢業等)就更難請人…會唔會加人工就唔知。但起碼唔會出現需求係專科畢業，人工應該一萬五千就變左請個中五畢業，人工八千既黎做。
以往好多公司都係貪平請 d 唔合資格既人去做野，乘機壓價，而家某程度上就可以減少呢個問題。反而本科生就會更有前途。
當然對於商家而言，絕對係弊多於利(人工支出多左，壓價手段少左，重新分配工種同流程等，樣樣都係錢！)。但本來商家應該係透過不斷提升自己公司去適應環境而獲得更多利錢，點解會係香港變成當不能夠適應大市需求，唯有透過裁員減人工去確保盈利？即係話，老麥賣漢堡包賺唔夠，係 cut 咁 d 整包既人，而唔係透過開發新包種，減價促銷，提高服務質素之類去賺錢？而家個市場真係已經縮到無人去買包咩？
