加到 33 又如何？就算加到 50 又如何？人工收入可能係加多左 50%，對於商家而言，佢地響人工方面支出只不過可能係多左 10-20%。
以大家樂呢 d 無良集團為例，佢真係加到 33，人工支出都多唔到 10% ... 唔好唔記得，加最低工資，對班"印印腳"等收錢既中層，根本無影響，因為佢地一早時薪過左 33 ...
但大家樂佢話加人工需要發出營利警告，到時可能要加多 2-3% ...
大家可以去 HKGolden 睇睇，雖然大家會覺得 HKGolden 唔少膠人，但佢既計法我相信都唔會有太大差距。
佢地計出黎既結果，係大家樂為左 cover 多一年比多千幾二千萬既人工，而加價會帶來多億幾既利潤 ...
但租金呢？呢幾年加既，我相信 5-10% 一定唔少得。又唔見佢地帶頭抗議？
至於炒人，老實講，能夠炒得既一早炒左。五個人既工作量，晨早就由三個人做，根本一早就已經到達下限。例如一間茶仔本來要五個樓面加兩個廚房加兩個洗碗阿姐先 handle 到一百個客，後來為左慳錢， cut 到四個樓面一個廚一個洗碗阿姐，咁好野都仲頂到。如果而家加到 33 ，係咪佢為左再慳，cut 到變左三個樓面，唔要廚房，唔要洗碗阿姐？定一係兩個樓面，一個廚房，唔要洗碗阿姐？
人少左，能夠處理既野就自然少左。本來每日做一百個客，變左只能做七十五。Cut 人？可以，自己 cut 埋收入來源o者。
回樓上，吉野家事件，除左人工問題之外，可以參考一下知日部屋既資料 :
http://www.cuhkacs.org/~benng/Bo-Blog/read.php?1130
吉野家一直沒有贊助《筋肉人》，嶋田隆司也不太介意。2008年集英社企劃筋肉人29年祭，請各大牛丼店贊助，すき家及なか卯馬上答應，吉野家卻一口拒絕。今年4月嶋田隆司在twitter講述了吉野家的反骨故事，
引起傳媒報導及網民義憤，吉野家聲譽大受打擊，生意一落千丈。吉野家近年受すき家威脅，營業出現赤字，正想與すき家進行減價戰之際出現「筋肉人事件」，可謂雪上加霜。
不單係單純既減價戰問題，而聲譽受損亦係導政出現其收入減少的原兇之一。而業界卻說明，牛肉飯產業去年利潤增幅達 40%。同一時間，一樣賣牛肉飯既松屋同すき家卻有約增幅。到底要 cut 幾多人，先可以有增幅？我相，唔會單靠 cut 人，賣平價牛肉飯就可以有增幅掛？可唔可以係掉轉，加適最人工令工人們更努力去做，擴大店面，減價促鎖，應付更多需求？唔好唔記得，當低下階增能夠多左錢，自然會多左人願意消費。SARS 時既經濟蕭條，已經係証明左香港人響無收入信心既時候，會導致社會慢性(甚至急性)經濟崩潰。
不過，響香港擴大店面？要幾錢？根本就係 d 商家自己唔肯投資去賺更多錢，要響現有既野到再榨一筆，就唯有低人工咁解o者。
而家個個都只係想節流，係咪應該係時候想下開源 ... 一直強調加人工只會導致 cut 人，加價，只不過係上左位既人唔想花精力去再創造多 d 利潤，而靠 cut 人/加價去做靚盤數既籍口。
[
本帖最後由 mkmonkey 於 19-7-2010 09:46 編輯 ]
