覆 L 兄：
>因為關於其他人物 / 團體既so called「新聞」同工友們無關係囉，
>我就唔係好大興趣幫其他無關係既人出聲。
同警隊有關既新聞... 既然同警隊有關既，我食得呢行飯，會為呢樣野出聲又有幾出奇?
觀點中立? 你有無睇到我既簽名檔寫咩呢?
我唔係傳媒，無責任報導；
亦唔係以官式身份講野，
我係以自己代表自己既情況下，講出我就某件事某些人既意見，
有立場又有咩問題？ 請指教。
x x x
想聽實際案件的話，好抱歉，我未獲授權，因此唔可能係到分享，
我只能概括咁講，係某D案件入面，傳媒既報導，除左係張相so called叫係現場影之外，
所寫既故事內文，根本就係離天萬丈遠。
曾經有單好普通既「傷人」案件，涉案雙方係一對同居男女，因為一D普通爭執而雙方動刀，
去到醫院同首先到場既工友交接後，我走左去廁所屙尿，
突然間有個我提過果三間「報館」之一既記者走埋我旁邊既尿兜，
一邊屙尿，一邊同我講：
「阿Sir，聽講個女既大左肚，個男既唔認數所以先互斬喎，可唔可以講黎聽下呀？」
我當時同佢講「嘿，我都係剛剛黎到，乜都唔知喎，你問PPRB啦不如。」
跟住我走去左洗手，再做我要做既野喇。
第二日報紙，咪就登左果位記者「聽講」既消息囉，
即使涉案男女並唔係為左呢個原因而互吉，個女既亦都無大到肚。
未知咁樣可唔可以滿足到你想知既野喇？
x x x
Opps, 我並非指責你發表咩「偉論」，
我果句「讀者的確無必要做法官，但又代唔代表住讀者應該不負責任地發表偉論?」
純粹係衝住你既「我諗讀者唔需要做法官....」呢一句而來，
因為我認為任何人公開發表評論前，都應該對該事件有一定認知及相關知識，
而非無的放矢，為發洩而發洩。
我所提既「偉論」，其實係泛指所有「評論員」/「圍觀者」既「個差人應該點點點」「個差佬唔應該點點點」等。
如果我既說話令你有所誤會及感到難受，
絕對係我用詞同句式不當，謹此致歉！
x x x
覆 銘 兄：
「阻差辦公」並唔係鬧下警察就中架...
至於你引文所提既「亂拋垃圾」呢個例子，比我就唔會係咁既情況告囉；
「行為不檢」都唔係粗口就得，仲有D其他conditions先中。
至於你轉貼既分別由蘋果同東方製作既「新聞片」，
Well... 除左蘋果同東方既評論之外，有提供到事發經過嗎？
我絕對同意遊客無乜理由做戲屈個警察，
不過，我對於佢地聲稱目擊警察推個司機埋牆果陣，其實係事件中既邊一部份？
有無人可以肯定咁證實，呢班遊客所見既，
並唔係「司機襲警後，其他警察上前制服司機」果一刻？
問心，今時今日，周圍都係鏡頭，
我唔信有警察仲會光天化日係大街大巷開波。
依家唔係你伯爺同我伯爺既年代喇,
就算係果陣，要開，都係拖入後巷先開啦...
至於唔比遊客落口供呢點...
well, 佢地下晝上機返日本，就算全部錄晒口供，D口供都上唔到庭啦？
點傳召佢地返黎？ 邊個比錢出機票酒店？ 東方？蘋果？
就算政府出，都要佢地肯返黎 / 返到黎先得架，
個個走果陣都話肯返，半年/ 九個月後開審喇，就無次有人返。
更甚者，連證人傳票都唔知點serve比佢，by-hand喎，政府出錢比機票個伙記親身過去派票？
基本上，唔搵遊客做證人係正常同慣常既做法。
引用:
原帖由 Ｌ 於 15-7-2010 22:13 發表 
1.唔係好大興趣幫其他無關係人出聲..但每次見到警隊的新聞都見你護航..唔見得你觀點有咩中立
2.我唔會質疑你的專業...但凡都經過你手的case真係差別咁大..不如講出黎分享下..講真的..我都想我眼界可以大D
3.我又 ...
