莊家-犯罪無間

引用:

原帖由 Ｌ 於 6-4-2010 02:06 發表

佢的意思係...好多關於民生的issue都係被功能組別否決定左...
咁就因為功能組別要保皇..或者..維護商家的利益...而否決..
咁佢咪覺得..冇民主就冇民生...

以上都係我的理解...大家要ref 就睇返岩岩果集既城市 ...

我就近諗,d人覺得功能組令到有一人兩票的問題

倒轉諗,如果一人多票,個個都可以選功能組的就可以解決呢個問題la

ryankathy

引用:

原帖由 Ｌ 於 6-4-2010 00:51 發表
無民主就無民生呢句野...係果日城市論壇的紅色衫哥哥講的...

另外...我真係唔覺得共產黨有問題..係全個中國人呢個品種有問題...就算..而家唔係共產黨..係一個民主國家....有執政黨在野黨...只要係中國人..就會有呢 ...

我要認讓都看其他人如何，起初那些回應我不見得好客氣，而家算係好d啦
我不知無民主無民生如何演釋，不過卻不完全相關，但係有民主就一定唔會無民生呢點我肯定，首先我要重申，我講既民生唔係gdp上升，而係人有溫飽那些基本需要

中國人既奴性唔係中國人獨有，係多年文化加上社會發展演變，事實共產黨上台前中國人奴性唔係咁強，如果唔係共產黨唔會得到低下層支持，不過唔知你知唔知，本來中國可能有機會更早有民主，時件係國民黨仍操控中國時，孫中山實行容共，因為一來共產黨那理念與佢相同，二來佢有意走民主路，到後來共產黨發動宣傳戰，要求國民黨盡快實行真民主，時為40年代，可惜到最後共產黨以武力取得大陸，卻從來無再實行民主，試問，個時d人教育十分好嗎?何以共產黨認為可以行民主?到你放權力俾一個人時，佢唔單只無晒奴性，仲惡過好多人，勢利先係中國人既問題，公義不昭，德育方面我首推節氣兼愛

漸進民主只係拖香港既方法，事實97年民主制度一早大倒車左，一直未能再上回95年既進度

引用:

原帖由 sam524 於 6-4-2010 00:25 發表

我唔係話咩"勞工法不健全"...
係洗唔洗睇面色...
你硬要走?!...ok...
聽日唔洗番la...
鬼叫你要靠佢呀...
----------------------
仲有...
我的確係好後生...
我係95年o既...

係外國，勞工法同打工仔有氣節，老闆求人ot，無錢?我同你講個事實，國泰工潮事件，我唔係無做過，個時公司話明ot無錢，我就同一班同事有時唔太夜都可以幫公司接貨先走，但有次公司講明有貨要過晒時先到，連埋等上貨時間過夜都似，一班同事即時放工，老闆只敢講道理，只有夾中間個阿頭靠嚇話你地而家走聽日唔駛返工架啦喎，即晚同老闆傾掂數ot有錢，先有人開工，咩都需要咁樣抗爭，你想睇人面色有人工加?除非你係證明到無左你唔得

引用:

原帖由 Ｌ 於 6-4-2010 02:06 發表

佢的意思係...好多關於民生的issue都係被功能組別否決定左...
咁就因為功能組別要保皇..或者..維護商家的利益...而否決..
咁佢咪覺得..冇民主就冇民生...

以上都係我的理解...大家要ref 就睇返岩岩果集既城市 ...

就佢個case，我認同喎，而同時，最低工資，李卓人提出先，而且提左十幾年，一直被否決，仲有工人談判權等，你可以唔同意，但佢地一直有提出佢地認為岩既建議，再來法律條文既審議，邊d法律有漏洞，需要如何修補，政策上既修補，幾乎每個民主派既人都有做，呢d係立會議員最重要工作，何以見得呢d野易做?幾 乎要有律師咁強先做到，當然入左去唔出聲或如人們對社民印像般吵鬧都得，視乎有無人發覺

你地睇下劉千石，佢都係民主派，但係d出席發言修訂提議其少，佢既選票亦都將危矣，相反長毛一直屬票數多既人，佢既議會提議修訂發言及出席都前幾位，呢d係合理結果，關於議員呢d表現統計可以去立法會議員天主教監察組睇

ryankathy

引用:

原帖由 sam524 於 6-4-2010 01:49 發表

美國一來就民主...
係因為佢一立國就話"freedom and　democracy"
邊有得比...
請注意...一位在美中國人o既論點...
"我不是否定美国民主，在美国生活这么多年，感觉人家的民主还 ...

美國人既黑人教育唔見得特別好，再者幾百年前教育又點會比而家好?
如果因為有人嘈就否定民主，咁係本末倒置，就係因為人人都爭取自己利益而不能滿足(嘈)，所以先有民主去壓止少數人，佢地可以嘈，但係佢地無權改變d咩，相反，君主或極權，滿足既係少數既人，當然可以撞，等運到

命運點解唔係自己手上，而係睇人頭?你地打wargame都唔係咁啦

關於功能組別人人有份，有民主派人提出左，當然仲要睇人面色啦，當係諗清楚，如果人人都有咁多票，仲要功能組別做咩?首先呢樣野係有咩作用?根本除左加大工商及特別人士既權力外無特別作用，但如果美其名為功能組別，實則同直選無多優勢，北京點會啋你，佢仲駛乜死都要留?根本有人就唔俾真民主

引用:

原帖由 Ｌ 於 6-4-2010 01:55 發表

如果r字頭師兄話...紅番 一開始就行民主...我就覺得有說服力得多..
所謂的議會...乜唔係以前的貴族或者權力人士..壓榨低下階級用的文明手段咩..

本來係上層社會分享king既權力既方法，後來十九世紀低下層以自己既力量參與，形成大多數民主國家既工黨類物體，與代表貴族大商家既原有勢力對抗，如此低下工人先有福利，進而歐洲得到福利主義社會，呢d全部係先有民主才能走出此大路。如果希望先有美好社會才民主，就真係utopia

我真係唔明民主有幾utopia，你地學校無學生會選舉架咩?選完又係咁唔選又係咁?呢點係個會被予多少權力問題，整個制度順利運作足以證明民主唔難實現

[ 本帖最後由 ryankathy 於 6-4-2010 02:58 編輯 ]

sam524

引用:

原帖由 ryankathy 於 6-4-2010 02:39 發表

我要認讓都看其他人如何，起初那些回應我不見得好客氣，而家算係好d啦
我不知無民主無民生如何演釋，不過卻不完全相關，但係有民主就一定唔會無民生呢點我肯定，首先我要重申，我講既民生唔係gdp上升，而係人有溫 ...

1.對番你第一個引用內容...
我先講國父o既"容共"政策...
當時o既口號"聯俄、聯共、扶助農工"...我敢講當時2黨合作都係為自己,互相"幫助"上位同打倒軍閥...
但後期係國民黨先打擊共產黨人...最後共產黨2萬5千里長征走佬...
點解當時d人咁buy共產黨係因為佢地都係農民/小市民出身...
個時國民黨又搞咩護法運動,又咩打軍閥,又咩袁世凱...人民對佢冇信心...
人民要新出路...

試問一個中央,邊管到你咁多野...
溫總又南下睇旱災...
我都係果個pt.我係政府我都搞d冇水飲o既同胞先la...
你咩都有,只係嘈話要民主,訓下覺la...
我同意97年民主制度一早大倒車左，一直未能再上回95年既進度...
鬼叫回歸呀...你換呀頭,新果個都有排先follow到la...
你呀頭只係管你一個地方呀...唔係呀...

我都同意放權力俾一個人時，佢唔單只無晒奴性，仲惡過好多人，勢利先係中國人既問題，公義不昭
但勢利得中國人有咩,唔係呀...全世界人都係...
---------------------------------------------------------------------------------------------------------------
2.對番你第二個引用內容...
"抗爭"宜家仲work嫁...
過幾年work極有限...
咁多大陸同胞黎...
特別係交流生...
讀年4年大學,是但做3年野,拎埋香港身分證...
你做咩呀...佢讀書勁過好多香港人,做野勤勞過好多香港人,人工比少d又可以...
你咁抗爭同呀頭過唔去...管理層同你呀頭講"喂,要節流wor..." "OK!果d只係識抗爭,做野又唔係勤勞過人,就佢la..."
到無左你有咩唔得...
---------------------------------------------------------------------------------------------------------------
3.(一樣)
點解長毛一直屬票數多既人?...
因為他可以代表市民發言...
但可以代表市民發言,唔代表佢做到野...
我敢講投佢o既(mostly)一係因為他可以代表市民發言,一係"橫掂都做唔野嫁la,不如搵人做show睇下戲都好"...
提議修訂唔一定有人buy...(我提議修訂最低人工9xx...有冇人buy先得嫁)[唔係講佢咁提議]
但一個滿口粗口(唔節制唔睇場合講)o既議員我地係唔係真係需要?...一個成日罵人o既議員我地係唔係真係需要?...
咁我要30個劉千石算la...
---------------------------------------------------------------------------------------------------------------
衰的好不了...廢的都好不了...
仲咩香港VIP...香港R.I.P. 就差唔多...
番去搵溫總,胡總吹水好過la...

sam524

引用:

原帖由 ryankathy 於 6-4-2010 02:49 發表

美國人既黑人教育唔見得特別好，再者幾百年前教育又點會比而家好?
如果因為有人嘈就否定民主，咁係本末倒置，就係因為人人都爭取自己利益而不能滿足(嘈)，所以先有民主去壓止少數人，佢地可以嘈，但係佢地無權改變 ...

民主唔一定可以壓止少數人...
都係果句a有200人投,b有195人投...
真係好少數...
唔講極端例子...
我有利益,冇o既就"祝我全家平安"...
人地有利益,我冇o既就"祝人全家平安"...
係唔係都係嘈...
民主又係嘈...唔民主又係嘈...
咁不如唔好搞咁多投票...
留番d銀黎發展經濟等d人唔好好嘈算la...
到時大家開心嘆世界,仲嘈咩民主姐...
---------------------------------------------------------------------------------
再者有邊個國家係真民主...
軍政府/總統/國會/皇帝/總理 加假民主就唔少la...

[ 本帖最後由 sam524 於 6-4-2010 03:37 編輯 ]

sam524

我介紹大家睇套戲"Swing Vote"...
咩係美國咁民主呀?...
2黨互踏,之後上位,再之後搵人支持...
搵人支持仲要唔理講過o既野做唔做到...
講咁多政策只係為左選票...(唔只係美國,四維都係咁)
喱d民主係唔係正野先...
--------------------------------------------------------------------------
咁o既民主要得過咩...
你要唔要呀...我死都唔要呀..

sunny2014

引用:

原帖由 ryankathy 於 6-4-2010 01:42 發表

你又有否看過民主派人爭取左幾多年民主?就最近比較既地方，日本，台灣，佢地幾多年?澳洲有幾年歷史?以色列?
點解到左1995年既時候要開退車然後話要時間要遁序漸進?
美國既歷史你知唔知?美國一來就民主咁點計?

好話啦
美國點解可以搞民主，同佢地最初既民主係點X樣你知唔知？
係封殺_晒所有原住民權利甚至生命，比有錢白人玩既遊戲
後來叫做係人人都投得票
但民主本身就要人人平等，你睇而家佢地咪又一樣咁對有色人種
何況佢地根本係由英國人度黎既
之前佢地久歷左幾多年「真君主，假議會」既立憲制你知唔知？

澳洲？唔好意思
佢除左同美國一樣殺Q晒D原住民先有民主之外
到今時今日，佢仍然係君主立憲制國家
女王/國王有權審批所有法案既通過與否

以色列係美國「幫」佢立國既
衰D講句，根本只係美國一個有自己枝旗既州份
你話以色列有獨立自主權？
你不如睇下以色列既科技、經濟同軍事支援由邊度黎
國際社會上，你收得佢既支援，等於屈居其下
順便講埋，你所講既日本、以色列同台灣
我相信我話佢地只係美國隻狗，呢度無人會反對

講日本你就更加要了解佢地係點運作既
1889年到1946年間，日本既所有權力直接歸於天皇
官員由天皇任命，政策天皇話點樣就點樣
二次世界大戰既時候，邊條友下令攻打中國你知唔知？
唔通你以為公投呀？天皇下令呀大哥
你睇下到現在為止，天皇講野有邊個日本人有膽唔聽既

台灣？呢個真係笑死我
你睇台灣呢幾屆總統係做乜既
你睇下佢地個議會比人頒過Ig Nobel Prizes和平獎
原因係佢地證明議會暴力可以解決政治問題
我肯定講句香港由0708開始有全面普選既話一定會變到好似佢地咁
咁既民主，你要啦！
我要胡溫…唔係，我要老董同當奴好過

[ 本帖最後由 sunny2014 於 6-4-2010 11:47 編輯 ]

Boniface

阿Ｒ哥，非黑即白二分法未必一定係對的
你咁都講得出，你對政治認識亦不多，外國有不少third party取得政權的例子

老實說，當年英國人回歸前推出一系列議會選舉，係咪別有用心？想清楚，係有呢個可能性
佢推出立法會，但又係搞工能組別，即係其實佢都係好似中央政府一樣只想給你一個可以控制的假民主

中共大家都知係一個極權主意既組織，民主對佢地黎講係一樣好抗拒既物體
佢打壓只係意料中事，當年市政兩局被殺大家己經知係一回咩野既事，一路以黎市政兩局係有最大權力，同最民主既議會。

同埋師兄將李卓人，劉千石，民協等人同公社兩黨放埋一齊係一個錯誤，佢地係一路都係好實務既人，佢地既努力大家都有目共睹，但公社兩黨一路以黎只係搞政治，有幾時搞過民生？請舉例

ryankathy

引用:

原帖由 sam524 於 6-4-2010 03:25 發表

1.對番你第一個引用內容...
我先講國父o既"容共"政策...
當時o既口號"聯俄、聯共、扶助農工"...我敢講當時2黨合作都係為自己,互相"幫助"上位同打倒軍閥...
但後期係國民黨先打擊共產黨人...最後共產黨2萬5千里長 ...

至少係一個時機，帶出既係中國人爭取民主用左好多時間，一再失落係當權者既得勢後奴性大解放
其他國家既人都勢利，但有d國家既人更尊重人權，更重視氣節
對而家我可以對老闆抗爭，d大陸人落黎香港有幾多競爭力，自殺既人你睇得出，佢地落黎香港係受到多大衝擊(有好有壞)。文化係有程度上既感染，個d港大64論中既盲流(天安門無血論)，假以時日，脫離中央既洗腦，佢都係會明白自身係有抗爭既自由(64真相)。你說出了重點，抗爭需要人數既力量，以後係點我唔知，無人可以預見未來，但政治制度尊重人權既話，民主唔少得

外國人侵略原居民係事實，過去既議會不民主都係事實，但係人地從沒有而花那麼多時間人力物力，修正到民主制度。今時今日屬已發展既香港，教育普及，起馬每個人都非文盲，要了解民主只係幾小時就夠，還需要花幾十年或如白人世界般幾百年去修正出一個民主政制?
如你們所說，呢個世界一定有人不滿，200票贏左195票，不能怪什麼，但你做神，只憑200票同195票，不知內容你可以點選擇?
點解唔知內容?因為200票既人覺得自己岩，195既人又認為自己有腦，你除左選多既一邊來得公平，你仲可以點?
在我角度認民為民主唔係你地諗既咁樣，建設社會需要既係人材，民主不會為你帶來金飯碗，但佢係人權同共義
80後既人有共義，敢自己做無利益既事，甘於受控。長毛入議會，識講野就已經好好，識講野係第一步，包括識鬧人，再者仆街非粗口，亦不俾其他冒犯語音來得冒犯，只係粗俗，如出統計你唔睇，要睇什麼才叫有做過野?你地了解既議員係做d咩?如民建聯般"話"自己係支持某某政策?成功爭取?呢d仲假喎，我更鍾意長毛等人為他人發聲。為他人發聲有咩唔好?不足夠?投票選既係已有而最好既，千石只係坐坐聲都唔出show都唔做你都投，我尊重你，不過我覺得你意氣用事
每個人都應該有理想，你理想既政制又係點?但然建基於人性上，如果唔知你想點，我好難再講d咩

200票相對於195就係大多數，而195一定係少數，即使相差不遠，少1都為少，不能因世界永能完美而什麼都不做，統治者不會從天而降
胡溫有幾好，大陸有幾慘，都不阻下放民主給香港，其他都係不合理

[ 本帖最後由 ryankathy 於 6-4-2010 14:03 編輯 ]

ryankathy

引用:

原帖由 Boniface 於 6-4-2010 13:21 發表
阿Ｒ哥，非黑即白二分法未必一定係對的
你咁都講得出，你對政治認識亦不多，外國有不少third party取得政權的例子

老實說，當年英國人回歸前推出一系列議會選舉，係咪別有用心？想清楚，係有呢個可能性
佢推出立 ...

點解同我講非黑即白?我咪講左二分定幾分係睇你條線點定，其實你講既野之前對另一位解過，你可以去睇下
3rd party只係party去分，如台灣，即使多少黨，人們都定性為藍綠一樣，各自陣營有合有離，你投票既時候選擇當然可以多，不過好多時都係二選一，係好多時
英國佬給港人民主係咪別有用心，不重要，重要既係，我地最後1995-1997年點樣，你咁講那時唔係人人最好過既時候?當時你做緊咩野?
在立法會對任何民生有關既法議提出任何意見什至投票都可以係為民生做過野，即使李卓人堅持十多年既最低工資亦都係提議出黎。李卓人，劉千石，民協邊d係民生野係你先提既?尤其千石，我唔係話佢成世人唔掂，但過去一次選舉後佢已經廢左，相信下次佢唔會得到多少票
公社除左你既負面之外你睇唔到咁無野好講，好多野都係多做多錯少做少錯，在我眼中佢地做既野有幾地既合理性，即使你唔buy佢都只係價值問題，不存在不合理，簡單講，你覺得佢地做既野係無用，我覺得起馬好過咩都唔做
最後都問你，你既政治認識係咩(我無話過我唔係好識政治，我無讀過政治學系，但我有我去認識政治)?如何既政制先可合你口味?記住唔天唔會掉完人俾你管治社會，更唔會掉完一個死左再掉，或掉個不死者給你，政治係眾人既問題

[ 本帖最後由 ryankathy 於 6-4-2010 14:01 編輯 ]

seamoncheng

既然大帝你講到爭取民主刻不容緩,無飯開都要民主咁,
你又覺得應該點樣去爭取民主呀?
再講,係共產黨既眼中政治係黨既問題而唔係你所講咁係眾人既問題,
點爭取民主呀?

ryankathy

引用:

原帖由 seamoncheng 於 6-4-2010 15:49 發表
既然大帝你講到爭取民主刻不容緩,無飯開都要民主咁,
你又覺得應該點樣去爭取民主呀?
再講,係共產黨既眼中政治係黨既問題而唔係你所講咁係眾人既問題,
點爭取民主呀?

我無點爭取民主既諗法，但係如呢個主題大多數人講緊並不是爭取民主既問題

而你，討論咁耐最有問題既係你，你唔滿意wiki可以講wiki有咩問題，你唔滿意我可以講我有咩問題，而唔係好低莊既暗串，你既說話亦好低招"你講到爭取民主刻不容緩,無飯開都要民主"，咁樣同老屈分別不大，對於你以後既話語，如我不回應，請絮小弟不材。唔知你又幾歲?如果年紀尚小，去學學何謂真德育，儒墨道都可，個人修養會好d

seamoncheng

引用:

原帖由 ryankathy 於 6-4-2010 16:43 發表

我無點爭取民主既諗法，但係如呢個主題大多數人講緊並不是爭取民主既問題

而你，討論咁耐最有問題既係你，你唔滿意wiki可以講wiki有咩問題，你唔滿意我可以講我有咩問題，而唔係好低莊既暗串，你既說話亦好低招 ...

有時有d野就唔洗講出面既
講到尾你就係空口說白話....口口聲聲都英冶民主,一味只係到講外國係點民主
又唔考慮下中國咩環境,做人係唔可以只講理想,不顧現實既
我唔知香港人有無比大陸洗腦,
不過你就似比英國洗左腦喇

[ 本帖最後由 seamoncheng 於 6-4-2010 17:37 編輯 ]

ryankathy

引用:

原帖由 seamoncheng 於 6-4-2010 17:35 發表

有時有d野就唔洗講出面既
講到尾你就係空口說白話....口口聲聲都英冶民主,一味只係到講外國係點民主
又唔考慮下中國咩環境,做人係唔可以只講理想,不顧現實既
我唔知香港人有無比大陸洗腦,
不過你就似 ...

啊空口講白話?你問我之前我講過咩空口講白話?我都問過你好多野我都未話你未答我，其他既小弟不材，無法用心靈感應同人溝通