RCOOH

引用:

原帖由 48191 於 3-5-2019 00:06 發表
其實高稅都係其次，起碼知道自己退休之後有機會享用到；反觀香港，我只知道唔投資就65歲領生果金，就真係只係夠買生果食...

你以為就次，個個牙痛咁聲。

加拿大薪俸稅20幾，消費稅12，份糧1/3入左庫房，歐洲國家通通重稅，樣樣計錢，超速牛肉乾罰款係計收入既百份比，瑞士唔當兵就罰錢抵役，是但一樣係香港實施，睇下生果會唔會作到1300萬人上街丫？

北歐相對與世無爭，而且國家體質夠，例如瑞士既有自然資源又有高科技，金融軍工又唔少得佢，都係高增值野，一樣波動有第樣頂上，但委記同中東一樣係石油佬，經濟根基太單一，國際油價一跌庫房即乾，再加上委記唔知乜野叫好天收埋落雨柴，順境果陣屠富濟貧，全面控制大企業，向基層係咁派錢，假民主真共產，逆境搵屁人救你。

香港？一樣，產業單一易波動，稅基收細再收細，再學小你老屍果套，唔搞大白象改養吸血鬼，香港咪話要2047，十年都死呀。

[ 本帖最後由 RCOOH 於 3-5-2019 09:02 編輯 ]

RCOOH

要經濟穩陣，重點係創造唔係製造，做龍頭而唔係跟尾狗，唔係望天打卦靠賣資源，更加唔係玩數字泡沫。北歐就算蚊到如列支敦士登都有國際工程標準既Hilti，盧森堡烏蠅既銀行體系頂住歐盟半邊天，肥到出油，歐盟PK我都有水抽。

點解中國製造2025咁多人關照姐，一旦中國製造轉營成中國創造，帶領標準，到人地睇你面色，捉住人春袋到佢唔比錢？

南美一味就係賣野賣野賣野，割肉餵鷹，或者做d隨時可以搬走既低層加工，原料價格、需求一變你即刻化灰，委記賣油賣到80％於國家出口收入，好景果陣屠富狂派錢，油價一跌，國庫空哂，停派錢即刻民變都似，又唔敢放生大企業自治，冇錢仲要充大頭鬼，咪直哂囉。

[ 本帖最後由 RCOOH 於 3-5-2019 20:26 編輯 ]

051039

引用:

原帖由 RCOOH 於 3-5-2019 11:18 發表
要經濟穩陣，重點係創造唔係製造，做龍頭而唔係跟尾狗，唔係望天打卦靠賣資源，更加唔係玩數字泡沫。北歐就算蚊到如列支敦士登都有國際工程標準既Hilti，盧森堡烏蠅既銀行體系頂住歐盟半邊天，肥到出油，歐盟PK我都有 ...

而家5肢已經啦，華為唔係拎得多專利，美帝洗乜話佢國家安全風險乜乜乜

LCH925

[quote]原帖由 48191 於 2-5-2019 20:37 發表
其實我有一個最大疑問。
為什麼北歐國家可以搞福利主義，但其他國家反而會一鑊泡？北歐國家究竟係底子厚定南美先天性底子薄？
論資源，南美比北歐更豐富，但就是北歐似乎沒有問題。
至於中東...
伊拉克

LCH925

引用:

原帖由 48191 於 2-5-2019 20:37 發表
ＳＫＩＰ

因為福利主義前提是有足夠的經濟/工業穿支持
至於南美，一早就比人「開放市埸」，幾近冇關稅自主，談何發展
冇發展，印的所有野都係冇實業支持的軍票
邊邊政府上台，只要唔向美帝獻媚，到最後都係死