以下呢個回覆可能會得罪好多人, 不過純粹係個人意見及以事論事,
大家不妨平心靜氣咁討論一下. *無意搵交嗌*
1. 著住套制服就係代表果個團隊, 唔理你係紀律部隊, 制服團體定係商業機構.
你著得套制服上身, 你既行為就影響緊你所屬團隊既聲譽.
唔鍾意收工 / 完集會 / 放學 都仲要比街外人監管住既,
帶套衫去換囉, 好簡單, rite?
點解紀律部隊成員著住制服做任何野都會同佢既部門及其他部門成員有關
(眼見啦, 傳媒同政棍有邊次剩係鬧個別出事既警察, 而唔係鬧晒三萬幾個警察?),
學生著住校服又同佢既學校及同學有關,
但制服團隊成員就唔應該同佢既團隊同其他隊員有關? 咁講唔通喎.
2. 至於作為團隊義工導師 / 義務領袖既你,
相信大家都明白今日既青少年難教, 家長又惡掯兼卸膊,
但, 大哥你選擇加入得團隊做義工導師, 做義務領袖, 就係要你以身作則去教導 / 帶領D年青人.
換句話說, 就正正係要你去幫人教仔!
團隊訓練你黎做導師, 做領袖,
並唔係叫你去叉腰睇錶, 係威係勢咁等D年青人阿Sir阿Madam咁叫你.
今時唔同往日, 以前老師可以體罰, 阿爸阿媽打仔唔駛手軟,
教官可以大大講"合理既係訓練, 唔合理既係磨練".
時代進步 (well,我承認可能係退步), 依家大環境唔容許你再做舊時果套,
你要繼續係呢個圈子到貢獻社會的話,
就自然要諗辦法係現時環境下做前輩做到既野.
做得到的話, 恭喜你成功左;
做唔到既, 就請你考慮下自己仲適唔適合係前線教/帶年青人喇.
至於家長同學校有無做, 做唔做足?
呢樣既然自己控制唔到喇, 咁又理黎做乜? 做好自己既份內事吧啦!
做好自己果部份, 而班年青人係輸係佢學校同家長身上既, 咁點都係問心無愧.
相反, 如果你剩係企係到呻呢個家長唔做野, 呻果樣學校做唔掂, 呻團隊無資源又無支援,
但自己又企係到唔去諗D係"新時代"之下行之有效既方法去"做好你份(義)工"既,
對唔住, 你都係同你鬧緊既家長,學校同團隊一樣, 係到廢up推卸責任遮.
3. 資源 / 支援... 老實講, 做左咁耐義工, 我想問下, 大家有幾時係資源充足, 又支援充足架?
當小隊長 / cadet NCOs都曉自己諗辦法搞掂既時候,
作為領袖 / 導師既你, 無理由唔曉點做.
或者咁講, 當正規部隊都唔見得資源充足, 又支援充足既時候,
有時我反而覺得制服團隊既"可運用資源"會比正規部隊更多.
我諗大家接受領袖 / 導師訓練課程既時候, 你地既老師都有話比你地知,
做得義工領袖 / 導師, 就預左要跌錢架啦...
4. 團隊 及 團隊成員紀律 與 形像.
喂喂, 咁多位阿Sir, Madam, 領袖, 隊長, NCO....etc
呢個係閣下既責任呀~!
唔好剩係掛住指責人地既團隊做得唔好, 得閒話人, 不如睇好自己D細先啦.
真係見到人地既仔女離譜既, 實有方法將事件轉告所屬團隊喎.
作為領袖 / 導師, 大家應該係解決問題,
雖然係其他友隊既年青人, 但佢地咪又係我地既服務對象?
咁點解自己D隊員就教, 其他團隊就由佢死呢?
與其上網恥笑/數落別人,
不如大家行多步, 將親眼所見, 各團隊成員有問題既地方, 轉告有關團隊去處理啦.
在下講多左喇, 作為領袖 / 導師既各位朋友, 甚至只係有心既朋友, 不妨平心靜氣諗諗丫
[ 本帖最後由 gd1893 於 1-3-2010 15:46 編輯 ]
