起高鐵...
見幾個POST都有講高鐵, 不如開但POST集中討論....
先發表個人意見...
我係由起高鐵到選址, 我幾近100%支持!!!!
我唔度呢度有幾多人係做建築業, 我係, 雖然我嗰行喺起高鐵嘅工程上, 得益唔多, 但係都好支持....
首先講起高鐵嘅必要性, 起高鐵嘅像「精」性比實際經濟較益更重要, 喺國內各主要大城市都有高鐵, 如果香港無, 好快喺心理上就會被邊綠化.....唔起唔得
到選址西九....起喺市區除咗係方便之外, 仲可以比人知道香港人到佢嘅重視. 另外, 如果起喺新界北區, 由市區去除時要成個鐘......我不如直接返深圳啦...
到錢啦....6xx億...好似好多, 但有起碼70%係落返香港人袋....
建築業由低到高, 個個有得分, 剩係請雜工, 無一千都幾百人, 咁咪提供咗就業機會比D低技術努工囉, 到時佢哋想休息都難, 仲未計要請數以千計嘅搾鐵佬, 泥水佬...仲有喺之上嘅管理人員, 工程師等, 剩係土木工程處都要請多D人啦....仲有呢單嘢要用無數混凝土, 全部要喺香港本土撈泥再由田螺車運去地盤...呢條數好計啦.....呢D只係直接得益者......間接得益嘅....仲勁!!!
第一類間接得益係各相關行業, 好似還輸業, 大量物資要喺世界各地運入香港, 對貨櫃物流等公司帶來極大收入, 再講D"草根"嘅...好似飯盒車, 條數好易計, 一個地盤500人開工, 每盒飯賣20, 每日營業額已經$10000啦........
第二類間接得益者就係班搵到錢嘅人, 佢哋自然會去消費...咁D錢就會散出去....好似班工友收工去啤一啤跳跳舞...已經洗唔少...
班工程師加人工加14/15個月糧, 自然又換車或買其他高消費品(比我買槍都多幾枝啦), 如此類推, 就係咁將成個社會谷返起....
老實, 我好讚成政府用呢種方法派錢比市民, 貫徹香港"多勞多得"嘅精神!! 總好過就咁直接每個月比錢班大食懶....
P.S. 香港地盤好少黑工啦, 亦唔會有人再出糧先報警啦...唔好唔記得請黑工犯法架...而且宜家你估咁易行入地盤呀....
