其實我覺得作者有一種"以前d水好飲d"既心態,邊個話冒險樂園冇波波池?冇大板牙玩?作為一個童年玩盡歡樂天地,冒險樂園仲有繽紛天地既現役中學生,其實三者都冇太大既分別.
"現在的小朋友重於物質多於任何東西.是環境造就這一代的小朋友成為一隻隻勢利的小魔鬼,是冒險樂園取代了歡樂天地的錯.生於90年代後的一代,去"樂園"的目的是滿足那心中的虛榮感.虛榮感埋葬了他們的童真,好讓他們有一些戰利品在一班同學面前炫耀."
而作者呢一段我個人認為係對於90後既一種侮辱,你憑乜野可以話90後既小朋友係"勢利的小魔鬼"!?憑d乜野話佢地失去童真!?我覺得真正失去童真既係作者本人,佢係長大既過程中睇到社會黑暗既一面,再張佢對社會唯利是圖既不滿轉嫁到冒險樂園同埋90後身上.
而對於小朋友,歡樂天地同冒險樂園其實一樣都係俾到佢地歡樂既地方,一樣係同雙親遊樂既好去處.無錯係有師奶會係裡面玩推銀機玩足一日,但係關d小朋友咩野事?唔通有小朋友會玩足一日推銀機?唔通歡樂天地無推銀機?以前細個去玩我地睇到但係冇留係心上,e家長大左會認為d師奶係到賭博,係因為我地已經對社會有意見,但係d小朋友絕對冇變成所謂既"勢利的小魔鬼".
我地唔可以張社會唯利是圖既現象歸咎於週遭既變遷,更加唔可以係懷念自己童年既時候否認同侮辱其他人既童年.
