6MM

前言…
不知不覺之前寫了十八篇(軟件篇)，近來想找新的題材也開始感到難度，有幸近日網友(巨雲)兄在言談間說了這題目；發覺可寫甚多，所以特此鳴謝。
如各兄弟姐妹對某一些題目有興趣；可多向筆者查詢，可令筆者有方向地繼續寫下去。謝謝支持……

~~~~~~~~~~~~~~~~~~~~~~~~~~~~~~~~~~~~~~~~~~~~~
落筆時已估計到這篇十分之長，可能以上中下三篇來完成。(可能唔止…)
~~~~~~~~~~~~~~~~~~~~~~~~~~~~~~~~~~~~~~~~~~~~~~

正式開始此篇：

『叢林中躲藏的技巧(第1篇)』，先注意，題目是躲藏的技巧；不是攻擊的技巧。
為令新玩家們易於理解，我先會分為下級；中級；上級。
下級非常之簡單，各自命老手者，有興趣可以直接看中級及上級。

下級篇……
眼………首先以視線為基礎，你在叢林中，以望東西次數的分野，便知你是否新玩家，記著，新玩家是冇罪的，筆者都做過新玩家。
入叢林後，如你的眼不停地望腳前的路，及在開槍後，雙眼不停望著槍支作換匣、入彈、比樹勾住、攪裝備等等動作，
視線永不多過5米，望住自己入彈及彈匣多過搵敵人、戰鬥中行路或向山下行也腳震震為之非常新玩家，因你一生也在城市長大，腳及腦只習慣石屎路。當你知道你自己係好新玩家時，在躲藏的技巧上，”唔洗死”已經係最上成之道，新玩家令自己在一場戰事內”唔洗死”，可令自己信心不繼增強，如場場都快快死，好快你就回家打機，唔再玩槍。
如何令一個新玩家在叢林中唔死，首先要叫佢個頭唔好四維轉，要轉，眼球轉都已經足夠，頭部不能大動，包括上下。兩個膀頭唔好四維動；所有動作都要小心，最好全身動作似慢鏡頭一樣。
當控制到身體後，找尋可以保護自己的地方，更是重要。不論大小場地，如新玩家在戰場中心，最基本便要處理（前後左右上）五個方位，管理近乎360度；如新手在場地邊緣躲藏，管理便少了最多270度，對新玩家來說，死亡率便大大減低了。
新玩家要明白，打WARGAME不是行彌敦道，要減少身體為主，有咁細就宿咁細，頭唔轉，眼LOOK LOOK；個膀記住縮…
槍支在叢林內請保持草上水平，槍支平時不像CQB咁快速，不用瞄到實，蹲下找COVER後可放至草地上，減少蹲下時槍咀向上，然後頭唔轉，眼LOOK LOOK就夠。叢林內所有樹木都是向上生長，如有一支野打橫(你手上的槍)，是十分覺眼的；最好在找到敵人後才慢慢把槍提起，留意減少槍咀勾到面前樹葉而產生葉動，到開槍一刻時，慢慢來，記得腰及腳在開槍一刻時不用把身體提升，因提升身體只會凸出你的位置，開槍就是開槍，佢冇後座力既，只要動一隻手指便可。
殺得一個就一個，行得越多，死得越快。在叢林內，發出葉動聲是最易令你死亡的聲音，記得，當你全身全心全意在移動時避免發出聲音，這時你是最危險的，因你沒空去留意敵人，只想冇聲移動，所以，在叢林內移動時，首先看清四至五方，槍支基本有30米射程距離，你每次決定移動前(最好減少)；放下槍＋縮骨功＋頭唔轉，眼LOOK LOOK，用眼耳去看及感覺附近二米有冇敵人，注意必須先是二米內；然後五米內，八米內、十米內。感覺就像你坐在一個大型乒乓球內，感覺令乒乓球不斷變大；四面八方也管理到，過了十米，冇敵人。才可以開始感覺十五米及二十米。到三十米時，自己覺得非常安全時，全程移動不能多於四米距離，好！決定移動！！………結果當然係死……。因為你是新玩家啊！！！

找COVER也要用下腦，在叢林內找一個似COVER的COVER，死亡率是會大大提升的。用肉眼去看任何一個叢林，叢林內總有一兩特別易(吸眼)的地方，如一條小路，大石頭一舊等…..

新玩家就最愛看守小路或大石頭一舊等這些東西，奇怪地，又有大量敵人的新玩家愛走向小路或大石頭一舊等這些東西….結果，少於頭十分鐘就死得。

找一些理智又安全的COVER；比找一個好隊長更重要。
找COVER，是用作保護你的小命，學習找一個唔吸眼的COVER保命，再殺到兩個人，你已經滿足非常了！祝你好運！

最後醒你一句動物心理學：
看見敵人移動=你非常安全；看見敵人停動=你非常危險。(就算敵人與您的距離小於一米。)

此篇暫完

6MM  5-Oct-08

[ 本帖最後由 6MM 於 6-10-2008 15:39 編輯 ]

飛哥仔

精品, 又學到野

衰人

小弟學到野了 thx師兄

DevilGTO

坐定定溫書先

0608

引用:

原帖由 6MM 於 5-10-2008 00:01 發表
記得腰及腳在開槍一刻時不用把身體提升，因提升身體只會凸出你的位置

怕唔怕枝槍唔夠力打出d草
請6師兄賜教

6MM

引用:

原帖由 0608 於 5-10-2008 01:37 發表

怕唔怕枝槍唔夠力打出d草
請6師兄賜教

其實我都看唔明你問乜？ 不過可能係我表達問題，文筆尿生

好多game友在cover時躲藏得好好地，但到開槍一刻，手指動之餘；蹲下的身體不自覺會令條腰及大腿會一同時間向前及向上伸一伸，令頭部突然凸出草叢cover，咁樣只會說給敵人知道你的躲藏位置 ；其實開槍動一隻手指便夠。全身唔好動就得。

你能夠見到敵人証明已經係直線，就用這條直線打出6mm bb，當然射程距離是攻擊篇才作考慮，這篇是躲藏篇

[ 本帖最後由 6MM 於 5-10-2008 02:01 編輯 ]

0608

我會錯意
但
我怕係草叢中開槍時怕因槍咀係草叢中
怕bb彈力度沒有能力穿過d草

6MM

引用:

原帖由 0608 於 5-10-2008 02:02 發表
我會錯意
但
我怕係草叢中開槍時怕因槍咀係草叢中
怕bb彈力度沒有能力穿過d草

你能夠見到敵人証明已經係直線，就用這條直線打出6mm bb，當然射程距離是攻擊篇才作考慮，這篇是只是躲藏篇

0608

thx回答

sunny2014

師兄意思係搵草做cover其實安全過石
係唔係咁意思

d@2007

謝謝指教!!

d@2007 得到 10 點經驗值.

6MM

引用:

原帖由 sunny2014 於 5-10-2008 10:19 發表
師兄意思係搵草做cover其實安全過石
係唔係咁意思

唔係。只想叫新手門用腦找cover，因每一個叢林內，有大量非常似cover的cover，這些cover十分通常；通常非常吸眼(則一眼就睇到)；通常非易藏人；通常非常人多；通常非常易走去；通常非常易死。

sunny2014

明白

allen.W

引用:

原帖由 sunny2014 於 5-10-2008 10:19 發表
師兄意思係搵草做cover其實安全過石
係唔係咁意思

佢其實叫你咪咁直覺見到D好有掩護物性質的東西 千祈咪學遊戲咁企系個邊，因為你在樹叢地帶愈有令你感覺可以用黎掩護既野大多數人地都會咁想、之後...等死吧

matt.

多謝6MM師兄分享....