話說早前比公司叫今日返大陸廠辦事..
平時好日都唔會返大陸一次既我..
今次返去都覺得大陸好多野都係有進步既..
係進步..
我由羅湖去東莞..果d乜乜高速果d路真係起得幾好..
雖然唔知佢係粉飾得好定係少車行所以保養得好..
總之就覺得比香港果d好..
路與路之間都種左d矮樹..而且兩旁果d綠化都做得幾好(其實係未開發)
但我幾鍾意呢d環境..呢樣係第一樣可以讚既
一落車..我諗果度算係一個半開發左既地方..唔係羅湖東門果種格局..
我眼見算有齊基本生活設施..
之後搵左間茶餐廳仔食野..
個裝修係幾靚既..
睇個格局係家庭式經營..
落單果個妹妹仔..可以話係過關後第一個接觸既女仔..個感覺係幾純果d..絕對
不過果度個地磚地板..身邊有人行過竟然可以感受到地既震動..
食完就返廠了..
返到廠..一入去就見到有妹妹仔打羽毛球
..都打得唔差架
hea完一陣就中午去飯堂打飯..粗茶淡飯..不值一提..但可以叫做體驗下啦..
大陸工廠d男性唔知點解大部分都比我感覺不太友善..個樣係寸果d..感覺同部分姐..無實質交流過
至於d女性就..好多都
(第二讚)
雖然有d其實都係讀得唔多書..文化知識水平唔會太高(我諗好多野都可以事後調教既
)
比我感覺都係比較純同埋簡單既..呢樣
香港果d女大部分真係無得比
當然..都係感覺啦..唔係同左好多溝通溝通炸
如果唔嫌遠同埋文化上既差異..真係一個唔錯既選擇
歡樂既時光真係過得特別快..好快又要同d女女講bye bye了..
由於公司車已經遠去..唯有搭中旅巴士過皇崗..
服務雖少..但感覺良好
睇睇標題..明明係"鄉下佬出城記 之 強國文明小插曲"
鄉下佬出城就講左啦..咁個插曲..緊係係之後啦..
話說中旅架車去到皇崗差唔多落車果陣..
前面等燈位加有d塞車..(題外話..我見到有個紅燈要等3分幾鐘=O=)
咁我呢個鄉下佬緊係周圍望啦..
望望下見到隔離線有架寶馬SUV同架旅遊巴打斜咁停左係度..但唔覺有撞既痕跡(可能角度問題我睇唔到)
兩個司機企左係條馬路度講數..一個制服..一個便服..
咁我就大膽假設有制服果個係旅遊巴司機啦..
但再睇真d..著住制服果個司機竟然係拎住把斧頭..無錯..係斧頭..個刀位仲有手掌咁大tim
用把斧頭指住另一個司機係度講數..
睇見當時第一個感覺係
其實我係馬路上一路都見到有好多關於要"文明"既banner..
但我諗大陸既人民..同"文明"真係有d距離..尤其係d發展左既地方..
關員既禮貌更加係欠奉..十個有九個西口西面..
比返張回鄉卡你果陣..隻手好似痴左AA膠咁唔會離檯..要你自己伸手入去拎..我已經唔該前唔該後
未發展好哂既地方反而比我感覺d人係更好一點
你話我一竹篙打一船人又好乜都好
羅湖皇崗東門呢d已發展地方比我既感覺依舊係無個好人
有留意開大陸新聞都知..強國實在太多不法無恥既事發生
明天六四..我睇唔到強國有一份報紙係有提及..
以上純屬個人意見及感覺
整..入左CGF咁多年..我都未試過打咁長既post
[
本帖最後由 CrazyBoy 於 3-6-2009 22:25 編輯 ]
