小弟任職一小型空運公司 (Forwarder), 部門得三個人
入職後都係負責處理入口事務已經做左年半, 我跟的客人更要我到倉搬搬抬抬
最近上司要同出口同事交換工作話學野
小弟之前有5年出口經驗, 佢話我吾識呢間公司既出口
又話等我同同事自己夾點分配工作
第一日出口同事己好似搶咁拎晒我D野做, 無耐小弟內臉咪話好呀
小弟見佢忙就幫佢處理出口事宜

事後自己日常工作已經被拎得7788
出口工作亦推到小弟身上

之前講好大家做返自己果辨再交換D JOB慢慢FOLLOW, 亦冇左件事
同上司講等於廢

今日第二次同佢講, 我話自己做野從來快手快腳希望做完可以坐係度, 我只係做足自己本份
佢話我係AS, 做完自己野應該幫另一個同事做埋佢D野, 話我工作係睇住所有野

跟本係莫須有, 每人做野速度吾同如果做得快要做埋係度HEA同事工作跟本係鼓勵人放慢手腳做野..
但我因為咁俾佢拎黎講..

我為此十分失望..
無奈想拎埋雙糧只好日日做出口工作, 忍氣吞聲做人..

唉

潛陣水

其實係咪你阿頭想幫果個"同事", office politics

細公司冇politics 可言
佢同出口同事friend係事實
而且出口同事靠把口搵食，其實識嘢好皮毛，唉

curienwong

忍多幾個月拎埋份雙糧就行拉，而家D工係咁打架拉，做到野都未必有運行...

衰人

其實打工度度都有依D情況，有D就梗加誇張包你連諗都諗唔到。你講到噤明話自己快手快腳希望做完可以坐係度噤就梗係俾人XX啦...依家打工好多都係做就做到XX...hea就hea到XX...
你阿頭唔係老闆佢多數唔會理...仲要係同佢係好朋友噤梗加講黎無用....忍到既忍啦...........唔得既攞埋雙糧先走啦

多謝各位意見..
雖然我都知道再同上司講乜都冇用, 有時忍吾住同佢msn對話都係俾佢壓迫咁
有點做了眼中釘的感覺

希望忍到..謝謝

潛陣水

無乜同d高人有人際關係既話,都係做羊牯穩陣

loveless

恕我直言.
你今日俾人舞, 感覺好無辜好無奈.
若你只覺得係同事/上司唔好, 而忽略本身待人接物上既弱點, 又唔改善遇人不淑既相處方法,
你下一份工一樣唔會易捱.

今次係第三份工
對上兩份都未曾發生咁既事
對上兩份評價都係肯做肯捱又做得咁
不個多謝你意見先，我可能要反思下

其實我都係第一次返工返到咁