ironjing

gainax兄:我都有同感，現在啲新師兄心態好難捉摸，好似時下年青人咁（唯我獨尊），一定係佢型曬，近兩年同班德軍打過幾次，即係臭名昭彰

ironjing

又斷字:     gainax兄:我都有同感，現在啲新師兄心態好難捉摸，好似時下年青人咁（唯我獨尊），一定係佢型曬，近兩年同班德軍打過幾次，即係臭名昭彰上螺絲果班人，又是退群收場，免得自己勞氣，唔通要搞軍備競賽鬥大力鬥重彈鬥護甲鬥頼皮咩？另一群（一槍死）師兄都幾好，不過搞GBB多，小弟玩開AEG，所以唔係成日加到團。又係呢啲種族隔離政策。唉！

ironjing

請問師兄。統稱UN的以甚麼出名？？？

gainax

引用:

原帖由 ironjing 於 3-6-2019 00:50 發表
又斷字:     gainax兄:我都有同感，現在啲新師兄心態好難捉摸，好似時下年青人咁（唯我獨尊），一定係佢型曬，近兩年同班德軍打過幾次，即係臭名昭彰上螺絲果班人，又是退群收場，免得自己勞氣，唔通要搞軍備競 ...

樹大有枯枝永遠不變道理,個人感覺新入們最易入錯圈子,容易做左d令人厭惡行為都未知乜事仍覺得理所當然先嘔血,好就揾到班老前輩教你好多實用知識同小技巧,避免中伏之餘亦免得失同場其他師兄,
唔好就群埋班三五成群要型要威走極端路線,即係個群成班入面大多數風氣都咁惡劣,咁自然好易自己唔覺意有樣學樣,

舉最簡單常見例子,落到場死人區插匣試槍週圍瞄,見人試新手就好易試埋一份,去到戰區前面了槍又跟住做,隔離個個明明中彈又縮返埋,冇正確指導好易比人意識到冇問題,可能仲有人教你點偷雞 呢d最基本問題其實講到厭是唔適當行為。。

再深入d就係買裝備同改槍篇,新人假如跟到d大師傅改到神槍在手吊打所有一打十咁款,通常會迷戀入教改埋一份 ,有d槍特別設計非主流唔適用本地,但間唔中會有班教友sell人入會拎落場,只要落多幾次場望望有幾多人用心底就知入唔入教

有班型到甩碌,個look要型打驚詐型,如果未實戰過比人水到買一堆唔啱用裝備哂錢都算,黑仔上黎比人打到爆牙爛面呢d到時唔知怪邊個了,開game前要型影相冇問題,正式落場永遠保護自己特別係完整面部行先,
打法又要配合裝備,鐵甲威龍camp後區未比人打中都熱死,
戴副型仔眼鏡only一尾衝變彈窿
所以新入們玩之前首先了解自己想要乜,最好上網睇多d相關教學同資訊,
學好學壞好睇一開始跟乜人玩,揾到有心幫人師兄請珍惜,基本上無論講解同教授都只係=做義工,落手幫埋你既更加難得,
互相尊重不分你我守規則齊同樂,咁呢行相信可以繼續歡樂落去

Dave

自己做了5, 6 年HOST ，只攪大場收費場，即是次次要找廿幾人先成到團的。
說實話未談到心淡要放棄，但HOST 真是吃力不討好。做HOST 自己一樣要比場費，沒利益的 ，真是義工一般的存在。
一來自己想玩，二來有一些多年的腳也想玩，沒人攪便我攪好了。
有時如果身邊有位HOST 常常攪GAME ，JOIN 到就盡JOIN 吧。
找腳是一個困難，二來當天天氣也是令人憂心事，HOST 最驚落雨，有時預早成個月BOOK，到攪GAME 果日先來落雨，
HOST 心已涼了一截，如果有人因為天雨而想放飛機，或可以將心比已，有人攪了GAME 比了二千蚊訂，
當日下雨而被放飛機甚至攪到人數不足要補足人頭費給場地，是甚麼樣的心境？
就算落狗屎都好，錢一定要比，人最好都來，當是支持吧，起碼參加者真是報個名就等玩...HOST 不是。
HOST 做甚麼？ BK 場，比訂，約人，發送旅巴資料，問人上車未落車未，去到場地要拎場紙，如果D 場太西又要出聲問可否改，
開GAME 前CHECK 火力，萬人有人不生性超火又要做醜人禁用那槍，好采就相安無事聽聽話話，不好采就要費一番唇舌。
長遠想有GAME 打，HOST 又要找新血，或者FD'S FD ，或者FORUM 找，每次又不能太多，因為吸新血真是賭博一樣，
好的話就是好腳，不好的話可以毀了一天。大家年紀不少，不再是小朋友時一個月打兩場三場，許多時一個月甚至個半月才一場，
毀了又要再等好久。

至於 HOST 找人的能力跟場GAME 好不好玩有很大關係，
如果參加者發覺某HOST 負責的GAME 很少不死人，很少嘈交，很少爭執，請不要以為是幸運，
因為群體質素如果不加管理，唯一走向必然是劣化，因為有品的會因為無品玩家而走，無品玩家不會因為有品的而走，道理很簡單。
團體質素能夠保持，HOST 暗中可能已經剔走了一些問題人物不去約，但要剔人頭自然更難齊腳。

這些心聲對於長期做HOST 的朋友來說可能頗有共鳴，身邊也有另一個朋友是攪開街場的，談起這些也感觸良多。

[ 本帖最後由 Dave 於 3-6-2019 12:07 編輯 ]

laukw123

引用:

原帖由 ironjing 於 3-6-2019 00:50 發表
又斷字:     gainax兄:我都有同感，現在啲新師兄心態好難捉摸，好似時下年青人咁（唯我獨尊），一定係佢型曬，近兩年同班德軍打過幾次，即係臭名昭彰上螺絲果班人，又是退群收場，免得自己勞氣，唔通要搞軍備競 ...

如不設定規則去限制AEG, AEG& GBB好難共存。
AEG高彈量,分分鐘不用RELOAD就完場(鏈匣400發或以上),連發火力不斷壓制,而且場地細及環境所限,慢慢潛也沒用,廢車場之類一開GAME就見到,根本比AEG壓住。
如果AEG & GBB要同場較量,要設太多規矩,不是人人受落。
小弟同班朋友都係玩開GBB,本身亦有個群組GBB約戰。
有試過參加過2-3次AEG & GBB的GAME,
限AEG 使用的彈匣數量,100發彈弓匣,單發/點放,平衡2邊AEG & GBB的數量,達致火力相對平均。
在開GMAE前要花時間去查證各AEG玩家所使用的彈匣是否合格,唔去查又係講個信字。
感覺都係純AEG/ GBB GAME比較好,合法力就算,唔搞咁多。
本來一天的時間就唔多(1000-1600,仲要有1.5小時食飯),不用花費大量時間去搞呢D野,方便D。

RCOOH

我RR地頭既一點係而家D鎗鋪做乜野？

D中年男人支鎗亂九咁指又金手指冇人敢話一聲，我冇金手指，有彈有氣但未cock鎗，鎗口避哂人橫移三步去靶位試鎗即刻比人叫我咪亂指，好野。

我個樣似未夠稱我認，唔使咁下嘛？仲要已經唔係一次，係咪要我隻手指好似驅魔人咁自轉show比你睇？係係地獄唔會受呢d氣。

[ 本帖最後由 RCOOH 於 5-6-2019 16:26 編輯 ]

screwupman2022

西營盤果間去過一次咁多...裝潢幾骨子...sales哥哥話佢地已經做左三年了...我心想做街店咁靜都頂得住嗎，唔做網店賣去海外市場點搵到錢？

bennytsang16

在港大落少少，間舖旺中帶靜，早前做 AK 系氣槍大減價 (75折)，小弟在 FB 睇到個 post，一放工就衝去買o左枝 GHK AKMS，只係二千五百幾蚊，抵到震。

引用:

原帖由 screwupman2022 於 5-6-2019 21:36 發表
西營盤果間去過一次咁多...裝潢幾骨子...sales哥哥話佢地已經做左三年了...我心想做街店咁靜都頂得住嗎，唔做網店賣去海外市場點搵到錢？

SPAREHEAD

請問 師兄大約位置喺邊呀

bennytsang16

War-Industries HK Limited, 水街、第二街交界。

引用:

原帖由 SPAREHEAD 於 5-6-2019 23:17 發表
請問 師兄大約位置喺邊呀

channet

引用:

原帖由 ironjing 於 3-6-2019 00:46 發表
gainax兄:我都有同感，現在啲新師兄心態好難捉摸，好似時下年青人咁（唯我獨尊），一定係佢型曬，近兩年同班德軍打過幾次，即係臭名昭彰

其實唔一定係年青人，我遇到高hp或者品格惡劣既大部份都係有返咁上下年紀，遠既唔好講就上個月係w28 join散團，剛打完第一round， 冇錯係個日既第一round！
我好早死出黎返左安全區 個時安全區得幾個人，突然一個50歲以上既阿叔係戰區返入安全區，佢係發L晒癲咁狂屌，佢個激動程度好似比人殺左全家包括埋佢隻狗咁
佢話有人係界外打佢，我個刻覺得就算係都唔駛激動到咁 而家先第一場你咁樣點玩到尾？ 好啦開第2局我又係一早死左(我認我成日死 )
同一情況又出現，個位阿叔比第一次更激動咁沖入安全區狂狂狂狂狂屌 佢今次矛頭係w28 個d紅衫host，狂屌人話人唔識帶，又話自己都係做host出身babababab
而最最最令我難以至信既，依位阿叔當日係帶埋老婆同個仔去打game，我個刻覺得你咁大個人eq低到咁你點比個仔做磅樣，可能平時佢係屋企都係咁，佢個仔好似冇咩太大反應只係比佢入黎個下嚇一嚇
之後佢捉住個搞手不停情緒失控式投訴話要換host，可憐個搞手只係一個廿歲到既後生仔完全唔知點處理依個情況 最後又唔知點解不了了之，可憐w28職員比佢不停屌左2 round
而之後依位阿叔全日保持無賴式不死狀態，何為無賴式不死？ 就係佢近乎企定定比人任射而絕對不死，但由於佢之前個發癲狀態已經搞到冇人咁豈佢(包括w28職員)明知到佢不死都由佢
對家打到心灰大部份人走左，我只能講而家個wargame界氣氛咁差好多時就係依d人，而依d人係不論年紀既 join散團就有依d風險

ironjing

咁真係一樣米養百樣人，我都係大叔，怪不得打game圈子越來越窄，呢位師兄立壞榜樣。

gainax

引用:

原帖由 channet 於 5-6-2019 23:58 發表


其實唔一定係年青人，我遇到高hp或者品格惡劣既大部份都係有返咁上下年紀，遠既唔好講就上個月係w28 join散團，剛打完第一round， 冇錯係個日既第一round！
我好早死出黎返左安全區 個時安全區得幾個人，突然一 ...

痴線佬無分國界年齡性別,有就實有呢d人睇遇唔遇到,
又去返今時今日服務態度唔夠vs客人大過天,要點平衡到就要睇咩場所了,無可能賓館既價錢要求五星級質數,亦唔合理用高級會所專貴會員價錢買魚旦檔服務,

以上單野明顯過火左唔洗咁激動先,如果職員有理性處理問題,咁問題會係客人身上,邊方面唔啱都好,當場嘈交就最令大家冇癮,如果唔是發生較為嚴重問題,可以先同話事人理性溝通左先,多次投訴無門先再進一步行動,當時真有重大問題,相信有同場其它師兄認同支持,
真是投訴冇人管理玩唔過個半日味當去租場set槍唔落場,下次唔再去黑名單左佢,亦可以上來分享睇下邊班人搞事等其它game友警惕

kornhill401

引用:

原帖由 RCOOH 於 5-6-2019 16:22 發表
我RR地頭既一點係而家D鎗鋪做乜野？

D中年男人支鎗亂九咁指又金手指冇人敢話一聲，我冇金手指，有彈有氣但未cock鎗，鎗口避哂人橫移三步去靶位試鎗即刻比人叫我咪亂指，好野。

我個樣似未夠稱我認，唔使咁下嘛 ...

請問C Hing,果間店舖是否'名搶'嗎?