引用:
原帖由 Ｌ 於 4-12-2008 11:29 發表 
多謝莊家的詳細解釋..又學到野
但只不過諗極唔明..就係..
如果照你咁講...會唔會係中央比壓力港府..要做一個弱勢既政府...然後阿爺就扮大哥..
出招去救香港...我總覺得...點解個個上場..都比人一種做唔到野既感 ...
阿爺唔洗叫香港咁做,港人治港o係一個bb仔的階段,無經驗有甩轆個人覺得係正常,理多一個地方重要係一個意識形態唔同的地方,有夠煩
阿爺本身以為o係港英之下,香港人識英國o個套政治手腕可以自己搞掂,點知時勢搞到特區唔掂,重要d 領導人上上落落,做d門面野去撐特區
港人治港同埋以基本法行民主其實只係一個bb仔階段,做得唔好亦都正常(<=呢個觀點係要抽離左自己屬於呢個時代/拉到個時間好長先可以同意),當然作為一個時代中的受害者就唔會同意
而家睇番好似董伯伯同而家的曾生,董伯佢其實做得野,但係佢成為左時勢的犧牲品,而家多左網友覺得佢比曾生好
曾生係前港英的官員,初上場的時候個勢係好,同奧巴馬比人個感覺都係一樣,會帶來改變,但係或者佢過往都係收order做野,而家自己話事,反而無從入手,阿爺唔似英國會直接比指示,要你去體會佢想點.
香港的市民對於中央的諗法都重係保留左文革同64的觀念/冷戰思維,所以都好抗拒中央/極權主義
或者有人會覺得極權主義的管治唔好,但對比而家民主的國家,好似美國咁,d人民反戰,但佢地都唔可以阻止個總統派兵打人,極權同民主兩者個分野有時都真係搞唔清楚
只要極權方式上場的人用得好,動員國內的野好過民主的方式,唔好忘記西方的國家o係佢地的政治之中,亦都出現過唔少高度中央集權而強盛
,而當時的問題係出於封建,家,天下的世襲影響.而去到2000年之後的時代,中國的政體開始多左從人治改為法治,而政體之中雖然有派系,但已經比過往的都有好大的唔同,而家中國見到的問題,我地接觸得多的都係出o係地方的問題,所以有時都幾奇怪點解,如果中國係一個所謂極權主義的國家,會有中央同地方之間的角力
中國係一個到現時為止,唯一一個重係用緊自己的文字同語言的文明古國,因為中國亦會去變
(我都係發up 瘋je
)
[
本帖最後由 莊家-犯罪無間 於 4-12-2008 14:36 編輯 ]
