越睇越多野想回...幾樣野,
就旺角事件而言:
(1) 事件係咪如報紙所講咁簡單呢?
(2) 報紙所報導既所謂事實, 又有幾真實呢? 莫非報紙佬又在場睇住?
(3) 假設報紙所講屬實, 疑犯的確係旺角警署強姦受害人...
麻煩用腦諗諗
事件半夜發生係一間警署入面, 仲要係全港最旺既旺角警署,
受害人係事發後竟然一個警察都搵唔到求助,
仲要第二朝訓醒天光,
慢慢返到天水圍,再返埋屋企同男友交待完,
先施施然去天水圍警署報案?
咁樣真係合理嘛?
(4) 我同意疑犯行為的確有問題, 身為調查員, 大家都知到好多野個底線去到邊.
但我懷疑強姦既指控有幾真確.
就警隊而言
(5) "有牌爛仔, 光明正大既黑社會"?
Well, 無人可以否認會有個別警察行為操守會有偏差,
但唔好忘記警隊係一個有二萬七千人既隊伍.
正如CGF有六千幾個會員一樣, 亦都唔係個個討論都係和平友善咁討論啦,
如果我話CGF會員係"刁民, 無賴", 作為會員一份子既你, 又點睇?
做人睇野講野公平D好.
(6) 至於唔同單位既做野手法,
老實講, 好人好姐唔係警察一埋黎你就起晒槓,串串貢既,
我唔相信個個警察對你進行截停查問果陣都要用對付蠱惑仔既態度對你.
同樣,反黑 well...試試掉轉諗諗啦唔該,
你唔會以為睇電視咁, 對住班爛鬼仲斯斯文文唔該前唔該後有用呀?
對咩人講咩話, 我諗唔少做"對人"既行業既朋友都會明白.
你同佢無共同語言, 又點做到野?
睇少D電視, 睇多D現實啦,唔該.
(7) 報紙引述既涉及警務人員案件, 特別係涉及廉署果D,
十居其九, 都係無下文既.
就算有, 好多時都係雷聲大雨點小果隻.
印像好深既一單係, 廉署拉個警察貪污, 最後咩都查唔到,
反而係house search果陣搵到一粒相信用黎自用既"偉哥",
而果位當事人亦出示唔到處方, 最後告"管有第一部毒藥".
當然, 咁都算一單既. 呢單case,你話幾有質素呢?
(8) 多做多錯, 少做少錯, 不做不錯...
Well, 細心諗諗, 其實, 會唔會係傳煤同市民係有心無意之下做成既呢?
大家不妨睇睇之前既"做警察真係咁大壓力?"
http://www.civiliangunner.com/cgf/viewthread.php?tid=31028
第8頁, seals兄既工作實況分享丫.
個別回應
(9) derek_lok: (a) 我真係好想請教下, 香港警察有幾無惡不作?
(b) 唔係話反唔反警既問題, 提出指控必先有實質證據,
你唔拎事實出黎的話, 又點去支持你既論點?
你既然講到咁實牙實齒, 我諗你唔會係引述"東太蘋"既報導呀?
(10)b.jam: 多謝你既中肯, 但我希望澄清一樣野, 有heart既警察, 並唔止新入行既新師兄.
(11)阿龍: 香港係2006至2007年間有96 / 107單強姦, 1195 / 1390單非禮案件發生,
平均破案率強姦有大約86%, 非禮有68%,
如果因為一單個別案件而要擔心兩萬七千幾個警察的話,
咁其實係咪應該叫D女生唔好出街, 仲要24hrs鎖好門窗兼獨處會安全D?
[
本帖最後由 gd1893 於 3-12-2008 02:28 編輯 ]
