CGF » 吹水廣場 » We are not Cosplay................

投票主題

[認真] We are not Cosplay................

近日見到有人Full gear到动漫節...我認為我地唔係cosplay,我唔會著住套full gear去明係cosplay既場同人地影相,以免令人誤会自己,除非自己想藉此威吓啦!
但係想威想型,我都會選擇如軍品展咁呢啲場合,最主要係明明叫做动漫節,啲cosplay係动漫裏面既人物，除非你話你所買旣全套裝備係因為动漫裏某个角色而買而做,所以我認為唔好係又去唔係又去...............大家是否同意我們打Wargame既都算Cosplay!!?? 我並不同意我們是Cosplay,因我的每一件裝備,都是因應自己的喜愛、適合唔同情况既實質需要等等而買的，並不是要模仿某一个动漫主角而買的!

發起人: SL1991
三級准尉

開始時間: 6-8-2008 16:36

24 12 ››

相關回覆

101653 6-8-2008 16:46

1^#

其實年年都去電玩展...動漫節果班wargame友...係咪同一班人黎架...?

傳聞有一年動漫節...果班人一時興喜...係展館外的大堂open fire...希望只係傳聞...

adrianyahk 6-8-2008 16:52

2^#

我覺得係兩樣唔同既野....一個cos 二次元物...一個係玩三次元物....次元都唔同,點可以混埋!

VEC 6-8-2008 17:01

3^#

以2d同3d計, 其實已經開始模糊了吧... 我地唔同ge地方應該係我地有著住模仿埋(打game)吧

FaiFaiHK 6-8-2008 17:45

4^#

佢地?

okok~~

[ 本帖最後由 FaiFaiHK 於 7-8-2008 00:29 編輯 ]

zeta 6-8-2008 17:48

5^#

咁現時又真係有動漫出現軍隊/類似軍人的角色
例如前排嘅圖書館戰爭中嘅圖書隊同良化隊
cos果d當然係叫cosplay
但係BDU + 89式 + 拖鞋果D真係抵鬧

BTW, 今年有檔響US數碼沙衫印聯邦軍/自護 LOGO賣

車厘子 6-8-2008 19:25

6^#

又m到?
悶唔悶架!

harris 6-8-2008 19:45

7^#

其實full gear咁著去動漫為乜?

allen.W 6-8-2008 20:21

8^#

引用:

原帖由 harris 於 6-8-2008 19:45 發表
其實full gear咁著去動漫為乜?

睇死都系等被人影相，覺得自已好*型

harris 6-8-2008 20:43

9^#

引用:

原帖由 alien 於 6-8-2008 20:21 發表

睇死都系等被人影相，覺得自已好*型

咁唔講話扮邊個呢個問題.....就心態而言,有咩分別?

4jai 6-8-2008 21:05

10^#

但有個問題
我地點樣知果個人既GEAR係COSPLAY緊?
比如說COS軍事小說彩虹六號
本野都講到D人裝備好精良,好易混淆

*(但係COSPLAY唔一定要COS動漫,電影都COS得
所以師兄應該講明,動漫節同電影無關
無理由話COS電影軍人走去動漫節)

師兄可唔可以執下張超大圖?搞到好LAG...

[ 本帖最後由 wonglk 於 6-8-2008 21:07 編輯 ]

jeffreywo 6-8-2008 23:46

11^#

樓主你洗唔洗Sh0w全相?

golliwog19 6-8-2008 23:52

12^#

年經問題......

不過都好, 又係時候反思下!!

另外, 會員 FaiFaiHK 請注意!
除非張相就係閣下本人, 否則又唔打格仔...仲要老x咁大張做咩??
唔好同我講唔識, 唔識就唔好post~~ 人家有咩錯, 要比你貼大字報?? 請自重!!

[ 本帖最後由 golliwog19 於 7-8-2008 00:03 編輯 ]

SL1991 7-8-2008 00:15

13^#

但我始終覺得我哋買既裝備、架生，都係基於對軍事方面有興趣或因玩wargame(airsoft)而買的，在買的時候亦往往因个人和環境需要，再加上个人喜好(如某一国某一部隊)而購買、收集的。我想在此論譠99%以上同好都唔會係因看了某本漫畫或卡通後，就買了或做了一套與主角一樣的裝備就上來這裏跟大家交流。就算有都是對wargame(airsoft)一無所知或沒什麽興趣的。既然大家都一開始唔係想cosplay某动漫角色而買裝備打Wargame(airsoft)既，何必令人誤会自己呢!?當然如果有人着到成个高達咁來參觀參加軍展會，唔通我哋會唔歡迎嗎！？一樣會同佢影相，仲多謝佢支持添！只不過大家會唔會覺得呢个人有啲無哩頭、無聊同九唔搭八呢!?我諗至少嗰啲本身軍展会的支持者一定會咁諗!!

[ 本帖最後由 SL1991 於 7-8-2008 00:27 編輯 ]

Raymomd2003 7-8-2008 10:18

14^#

引用:

原帖由 SL1991 於 7-8-2008 00:15 發表
但我始終覺得我哋買既裝備、架生，都係基於對軍事方面有興趣或因玩wargame(airsoft)而買的，在買的時候亦往往因个人和環境需要，再加上个人喜好(如某一国某一部隊)而購買、收集的。我想在此論譠99%以上同好都唔會係因看了某本漫畫或卡通後，就買了或做了一套與主角一樣的裝備就上來這裏跟大家交流。就算有都是對wargame(airsoft)一無所知或沒什麽興趣的。既然大家都一開始唔係想cosplay某动漫角色而買裝備打 Wargame(airsoft)既，何必令人誤会自己呢!?當然如果有人着到成个高達咁來參觀參加軍展會，唔通我哋會唔歡迎嗎！？一樣會同佢影相，仲多謝佢支持添！只不過大家會唔會覺得呢个人有啲無哩頭、無聊同九唔搭八呢!?我諗至少嗰啲本身軍展会的支持者一定會咁諗!!

唔知著FULL GEAR去婚紗展, 美食節之類, 主人家又會唔會"多謝支持"呢?

SL1991 7-8-2008 14:15

15^#

大家都有自由,我當然沒有任何能力阻止人哋啦！只不過想人哋尊重吓我哋玩wargame既專業態度,如果我哋full gear去人哋既婚宴、美食節呀咁，然之後大棚人走嚟同我哋影相，大会人員會唔會仲多謝支持呢！？