match_man

我學校可能會響出年cut曬所有學會(制服團體及sports team除外)…
我知到學校裡入有好多人都唔想，又怕同校長出面
我之前寫過信比家長教師會…但so far都無回音，大家點睇？

[ 本帖最後由 match_man 於 1-8-2008 11:19 編輯 ]

Hkpolice-Psu

咁咪要同校長對話...怕都無辦法

天煞孤狼

由學生會來向校方施壓吧

match_man

我地個學生會一放假就摺得…無叉用的…

積夫

sorry!睇錯題目答錯題！以為又係要cut晒uniform group. 不過應對方法都大同小異，所以原文唔改了！師兄慢慢參詳。

---------------------------------------------------------------------

敢問師兄的學校是官校？津校？私校？

小弟乃一官校的校友會會長，其實校方無喇喇要CUT一個學會，或者直接o的講，一個制服團隊喇，係一件大事，因為要過好多關，唔係校長話想點就點。我本人亦是該校的Scouter Incharge, 最近一年我因工事返唔到去教（我畢業12年了），又冇其他領袖返到去，結果差唔多大半年冇集會，學校都唔敢貿貿然叫我個童軍團收檔，只係急召我返去商討對策，因為佢地要cut童軍的話，都要同「校本管理委員會」交代。所以我好難想像，如果　貴校要摺晒所有制服團體，係校長、老師o既單方面決定，除非佢地已經得到辦學團體o既允許。

好了，講返點拆呢壇野先....我建議要分幾個Party去做野：

第一：學生會要收集在校同學的意見，反映比掌管學校行政o既校長、校本管理委員會知，學生o既聲音。
（但係學生會夠唔夠「吉士」做呢壇野又另作別論，好多學校的學生會只係校方的棋子）

第二，家教會的家長們要對「學生的全人教育」表達關注，而且要認同「訓練青少年人團隊精神、服從紀律」的重要性，故此認同學校應該為青少年人提供制服團隊訓練作為「全人教育」之一環。
（但係唔好忘記「家教會」o既全名係「家長教師會」，「教師」係呢件事o既立場係點？而且「家教會」的家長代表一向以來都出名同學校關係非常良好的，同學們你地拆唔拆得掂呢？）

第三，校友會/ 舊生會能否動員起去，同樣去向校本管理委員會反映意見呢？
（唉，呢個小弟深知有幾難做）

好了，整合好意見之後，有咩野平台去改變校方的決定呢？有兩個平台：第一就係我之前所講o既「校本管理委員會」，講真，呢個會主要的參與人士都係校方o既管理人員，即係好大機會係由返校長、老師去把持，而且呢班人開會，好多時都係吹水多過實務。但係呢個會始終都叫做有外界代表（社區人士、家長代表、校友代表），如果有人在呢個會上發難，校方會好冇面，所以如果校方知道有人想做野，都會盡量希望在校內範圍解決呢單野，唔好擺到上board傾....

第二招仲毒o的，就係直接去教育局投訴，話學校一手「摧毀」學生的全人教育，只知追求「學術上的增值」，雖然教育局未必會即時對學校做o的乜野，但係到下次教育局派員做視學時，就會特別forcus有關情況，之前有間學校就係咁o既情況，谷盡全力迫o的學生讀書，乜野課外活動都cut晒，要o的學生由星期返到星期六，放學要留到夜晚7、8點補課，對學校社工又陰乾，咩野輔導都唔比做，有唔對路的「壞學生」就比佢地放假、到學期尾就自動消失....結果呢間學校的視學報告被評為「完全忽視學生的成長需要，無視全人教育...」，視學評級：不及格！結果而家好大鑊。

師兄，要影響學校當權者的決定係唔容易o架....因為學校就係社會o既縮影，等於你要影響政府o既決定一樣，係困難的喇

[ 本帖最後由 積夫 於 1-8-2008 14:53 編輯 ]

sunny2014

超~我學校個學生會先極品啦
親眼見著佢造票造出黎
去投訴又比人串
有次小食部無預警加價兩成幾
我地叫班契弟出面
佢地就發起聯署叫李嘉誠成座大廈熄一日燈
仲鬼扯到去話黑心商人無理加價係全球暖化造成
又話全球暖化引起內地雪災
咪玩啦
我係讀理科傢
你話雪災主因唔係拉尼娜

match_man

小弟多謝你地！但我仲找緊校本管理委員會有邊個…

積夫

師兄比o的資料你參詳：

教育局的「課外活動指引」，明確指出課外活動是課程的一部份， 是達成教育目標的一種手段。

師兄大可以引用呢個指引去同學校講數，到時學校知你地做足功課，唔敢亂來...


比多個網你，可以search到你學校的校本管理咨詢委員會的成員名單及聯絡方法：
http://www.edb.gov.hk/index.aspx?nodeID=172&langno=2


若然貴校沒有校本管理咨詢委員會的，就應該有「法團校董會」，咁你要去下面呢個link去搵班校董的名單出來先，但係可能冇聯絡資料，不過唔緊要，呢o的人通常都係社會上的名人，上Yahoo好容易就可以search到佢地的資料，再去「聯絡」佢地...
http://www.edb.gov.hk/index.aspx?langno=2&nodeID=4718



題外話，師兄的學校....是否在元朗區？是否姓「鄧」的？

[ 本帖最後由 積夫 於 1-8-2008 21:51 編輯 ]

match_man

多謝積夫兄

不，是大埔區的"孔教學院...."

積夫

match_man兄，尋晚係咁易幫你search過下你o的校董，粒粒都係大人物，個個都唔惹少，而且好多都係文化界的翹楚。照道理，呢o的人唔會同意學校咁樣cut課外活動，所以我估有兩個可能：

1. 呢個係學校行政人士的自把自為行動，但係照睇你校長唔似o的咁蠢o既人...

2. 你地係咪收錯風？只係某一兩個學會因參與率、實際營運問題，而需要整合？

點都好，我之前教你o既方法，都係o的好盡、好絕o既做法，你預o左用o個o的方法一定會成為學校的眼中釘，畢業離校時...要找數的。

現階段，建議你先做情報搜集工作，同埋整頓人馬，例如可以form個「XXX關注組」，聚到一班對呢個問題都重視o既同學，一齊集思廣益先...

match_man

積夫兄…我地校長一向已專橫見稱嫁…今學年一上位就已經開始改革…

但第二個亦有可能，因為係由幾個同學話我知，但消息源頭係老師

星期一放榜就無關係了，何況我響英國…我怕佢派隊SAS過黎暗殺我咩

但如果我寫信比校董話有禁的傳言，想查詢同反映一下同學的意見會唔會易入手D?

萬分謝謝積夫兄了

mujiadam

其實係唔係真係咁大件事....自問中學除了校隊,就咩都猜參加過

高!高!高!

傳言.......................
求證左真偽先,跟據傳言投訢點會成立.
一個傳一個,你自己值接問老師仲好.

積夫

就住一o的「傳言」咁樣向校董告御狀，的確唔係咁成熟的表現，我都係o個句，先成立關注組，了解事件的來龍去脈，掌握民情，看準時間才出擊吧！

師兄雖則你人在英國，但係都唔係話怕佢有牙，在行動前應先想清楚代價，你要搞革命，就一定唔會只得你一個人，一定有你的追隨者。你就話已經遠在彼邦，但係你的學弟學妹、你的支持者，都要入局的。

搞呢o的政治運動，一定要膽大心細，兩手準備，切忌心口掛個勇字就咁衝出去....

有萬全的準備之後，多大也陪你玩，放心喇師兄！