KurtznsR

人，每當態度強硬時，或者心境、態度性急而變得強硬，掘強，都會給人家一種感覺-不可一世。

但，可想言之...往往都是被動...

有句說話...叫做 迫虎跳牆~

當自己一個冷靜落黎...回想...

反省...其實當時此刻都一直無奈，甚至覺得自己太狠。

今晚與太太返外父度食飯，件事未解決，反而仲俾佢執多劑，
被佢兩父女唱雙黃，百般凌辱，講到我好似賤男咁為禍人間。

男人可以風流，但唔可以下流~

又唔諗下迫人做草和尚，四大皆空係有幾為難同痛苦。

宜家我唔係搞/玩/包 女人啫~

風流下d玩具嗜好，咁都大不敬有錯~

我今晚拍台走人，單拖走，屋企見，

結果，佢未又係凹水返來啦~

有時，我都唔知係咪真係要搞到咁大件事。

但依然不抽不插，不理不睬，繼續冷戰。

宜家，我索性唔理x佢，
嚮屋企著住條孖煙通，手持para，擺出高姿態練draw槍。
吹咩~  要收樓，夠膽就黎。

但宜家一個人返房對住部腦，一個人睡，
其實，軟硬都想有個老婆訓嚮隔離，陪下我都好丫。

自己又講唔出口，又不於示弱，就範妥協。

真犯賤。

每當變硬時....男人都是野蠻的。我自問。









直到23/7今晚為止，問題已解決左~!
coo~lala

太太"有"條件投降，
革命尚算成功，同志仍須努力~

迫遷終止、禁制令解除。
update新政權，都係我揸旗。
暫時解決左，鬆返一口氣。

代價都唔細。  
不過真係愛你嘅~ 我又邊會捨得同你去計~

希望佢唔會反悔啦~

[ 本帖最後由 tonyjaa 於 23-7-2008 20:20 編輯 ]

fangcw_joe

太太要你摺埋個檔口??

(曾經聽過下,但唔記得主角係唔係你)

不過我相信呢度有唔少兄弟有類似煩惱

jwlchan

先唔理師兄既嗜好, War Game又唔係去滚, 我支持你. 但中國一句老話: 牀頭打交牀尾和. 千祈唔好分開睡, 睡在一起, 好多問題就會在半夜不明不白就觧决啦!
小弟大你幾年, 经驗都多一d, 信我叻!

IS520

睇見 c hing 哩句 "睡在一起, 好多問題就會在半夜不明不白就觧决啦!"  

真係 "會心一笑", 咁 c hing 都要小心跟住..................不明不白就攪左野啦..................不明不白就 happy 晒啦..................不明不白就懷孕啦..................不明不白就做左爸爸啦..................不明不白就咁過一世啦.................. 來啦 c hing, 道道都可以 "硬" , 但係條頸就唔好咁 "硬" 喇........ 和和氣氣咁解決哩件事, 開開心心咁去打 game 啦。

引用:

原帖由 jwlchan 於 19-7-2008 04:55 發表
先唔理師兄既嗜好, War Game又唔係去滚, 我支持你. 但中國一句老話: 牀頭打交牀尾和. 千祈唔好分開睡, 睡在一起, 好多問題就會在半夜不明不白就觧决啦!
小弟大你幾年, 经驗都多 ...

jwlchan

引用:

原帖由 IS520 於 19-7-2008 01:08 發表
睇見 c hing 哩句 "睡在一起, 好多問題就會在半夜不明不白就觧决啦!"  

真係 "會心一笑", 咁 c hing 都要小心跟住..................不明不白就攪左野啦..................不明不白就 happy 晒啦.... ...

You got my point!

Hkpolice-Psu

真係進退維谷之際

有時忍一時可以係風平浪淨, 但係退多一步只會底褲穿窿...

唔係話唔忍唔讓, 但有時都唔可以太過份, 每一個人都有底線, 有限度的

jwlchan

引用:

原帖由 Hkpolice-Psu 於 19-7-2008 01:27 發表
真係進退維谷之際

有時忍一時可以係風平浪淨, 但係退多一步只會底褲穿窿...

唔係話唔忍唔讓, 但有時都唔可以太過份, 每一個人都有底線, 有限度的

Hey, 咁唔通就咁離婚? 遲d你就明多d, 年青人!

watergap69

但有時女人唔鍾意起上黎，甚麼都可以罵，真係連貳叁十年前靚仔在外國讀書時d風流事都照數架，無道理講架！陰公！

甜甜

引用:

原帖由 jwlchan 於 19-7-2008 09:43 發表


Hey, 咁唔通就咁離婚? 遲d你就明多d, 年青人!

每個人都要唔同特點，
有d人要人地發脾氣、鬧過先至知錯d咩
一樣米養百樣人，家家有本難諗的經
所以知道對方係點，係咩人，自自然然有你既辦法對付

KurtznsR

我都明白你地的意思，謝謝你地嘅支持，

首先，太太唔係要摺埋個檔口，係要摺埋我。

你地明唔明白~
哩個太太係我95年返香港玩時認識，
返美國兩年後我就當兵，哩段時間，除左我老母過份憂心，我大哥話我贛居之外，我太太當時都冇意見，而且非常支持我關心我。當時大家分開左兩地，佢對我嘅心靈影響同支持，使我吃緊堅持到底，渡過左很多難關。
果時我覺得有佢實在太好，並唔係宜家咁樣，唔支持不打緊，反而迫丈夫走上絕路，真係參不透佢痴左邊條根~?!

出去打wargame?! 我返左黎差不多十年，都唔知有冇去玩過2次~ 或者，應該話，我唔打wargame嘅~
大家可能當左我係典型wargame友，我其實凈係收藏軍品、玩具，燒槍，係咁多。有好多嗜好我都已經冇玩。
佢識果陣我已經儲開軍品架啦~ 正如我識佢果陣佢都好鍾意打保齡一樣~
冇奶油，突然解放我~!!moc奪我嘅自由~ 做人倒得返轉頭先得架~ 我都冇理由禁止佢玩保齡~ 係咪先?!

我冇厄佢大話~ 頂籠佢冇問，我冇講啫~
好似燒槍買槍...但由於係槍會進行，有時去完返黎，佢都只係以為我收工收得夜dd，從來冇俾人小過，追問時實認去左過喎。佢都冇乜野，我嚮屋企拿住支玩具槍四圍走位，draw槍，嚮食飯台拆槍整野，佢都陣係笑我痴線，細路仔。

再者，佢識我嘅時候都知我咩野料架啦~係個咩野人，跟得我，點可以到宜家反手，想操控我架~!
我好細過已經同我大哥d同事朋友玩，有d係英兵，大部份係警察，同燒槍人仕，很很細已經培養出對軍警槍械濃厚嘅興趣。所以你教我點改?
收藏軍品~ 就算當兵前，初中仲嚮香港嘅時候，我已經鍾迷軍品，時至今日絕對唔可以話戒就戒，話禁就禁。
玩具~ 我屋企好嚴，十歲打後屋企係唔可以有玩具，老豆見一件丟一件~
我都好D，我初中，呀哥都會買野俾我，佢屋企係我第一收容所，我都可以偷偷地買，儲同玩，不過當時錢財有限。
每個人都有佢嘅童年，而我同我大哥就只有童年陰影。
大個左，我大哥鍾意收藏唱片、相機、工程車玩具、燒槍、揸車。
而我，就係收藏我童年時代無法擁有嘅日版玩具、 玩具槍、軍品，仲有燒槍。

我大哥四十幾歲人，生左兩個，最細個女都十一歲~ 大嫂從未炸型~ 至少唔會好似我咁大獲。
我~ 同人唔同命~

如果果種方法係可以解決問題。我早就做左。
早已看透......卻未感化。


宜家都係見步行步。不過昨晚真係佢地兩父女真係吃x左屎，無程程借d耳搵我黎插，我覺得我冇錯。

[ 本帖最後由 tonyjaa 於 20-7-2008 00:07 編輯 ]

ranger_hk

女人係一種控制慾強又貪得無厭的動物,C兄如果自己無錯!我覺得絕對應該保留自己條底線!

KurtznsR

控制我嘅性慾趣 (性格和慾望和興趣)   

又真係控制慾強~ 中呀~   

但係以前佢冇控制我，我都冇控制佢。大家都不受控制。  

頂多摸下佢。宜家佢直頭想將我握到實哂。

KurtznsR

已解決!!!  解除武裝敵對。

齊齊返房訓。

jeffreywo

引用:

原帖由 tonyjaa 於 23-7-2008 08:22 PM 發表
已解決!!!  解除武裝敵對。

齊齊返房訓。

就乜要用尼個公仔.....
條腰un下un下~

Rager

咁咪好囉
恭喜晒