我真係唔明依家D男仔諗咩~係咪一拍拖就要自己女友唔可以同異性朋友/同事有正常ge交流？
事例如下:

1.公司篇
-同team的女同事，住得同自己較近，偶然揸車番工/放工番屋企，都禮貌上問一句:"洗唔洗車埋你？" 女仔話ok，咪車埋你lor~
-同team的女同事，同一個lunch time-slot，一齊食飯，偶然放工會同自己傾下電話，吹下水咁，或者成team出黎玩。
結果：被其在另一department ge 男朋友係公司入面話我搶佢女朋友。
*其實女同事係以前同區另一間中學的朋友的朋友

2.同學篇
-多年前的前度(現時十分好的朋友)和我的大學同學搭上了，有時前度找不到他，就會打黎問我，佢番左hall未？順便閒談下。
結果：被我的大學同學問候我，仲話唔可以同佢女友再有contact。

3.舊同學篇
-最近鄰居兼舊同學考到車牌，係Facebook同佢開個玩笑，話我以後係屋企附近路段行時要小心D，其他朋友都有like....
結果：男朋友就話:係ar~小心D la~ 因住X街ar X 街!!!! 車親你要整車就唔好la~

我自己都有女朋友，大家都有自己ge社交圈子，絕對唔會話對方朋友/同事lee 樣個樣，甚至惡言相向。
LEE D 人我唔知佢地個腦點諗野，拍拖要拍到斷六親，唔可以同其他異性交流，咩事ar~
依家出黎做野，不嬲都講緊要有良好的人際關係，你咁樣做係咪斷自己另一半ge財路 or 事業發展？
好心做人胸襟廣闊D，唔係個個男性走近你女友身邊都有不軌ge歧途/惡意 ga~

阿Fee

(講笑MODE)莫非樓主太靚仔??

講真，頭兩個CASE真係唔怪得對方，
CASE 1會俾人感覺冇事獻"姻"勤，
CASE 2 仲衰，俾對方感覺你同佢女友仲藕斷絲連

題外話：特首都話澳門坐何生隻遊艇返香港係坐順風船，你信唔信先

Lolanto

師兄~
做好人係好容易惹人誤會
唔想咁樣以後咪適可而止
下次做好人唔好好到咁盡
為普通朋友設下底線
唔係要斷絕正常社交
只係保持適當距離
例如同女同事順路的
咪等個女同事開聲先
好過自己主動出搫吖

蛇

心胸窄, 無辦法.

亞爾多

1.lunch一齊食,放工"主動"送人返屋企,返到去仲要傾電話,仲未計你個偶然係有幾偶然,比人懷疑好正常
2.唔知你個"有時"係幾耐一次,不過成日閒談仲要果個係ex,我覺得佢男友似怕你多d添...

3.網上講野好難睇到語氣,所以先要咁多表情符號輔助,如果真係就咁一句"以後係屋企附近路段行時要小心D",人地真係唔知你有心定講笑,人地想做d野保護女友,男朋友緊張d都唔算好出奇姐...

有句成語叫瓜田李下,你自已無心,人地見到未必咁諗
單身就話抽下你水算數姐,人地仲要拍緊拖,無謂做咁多野令人誤會啦

(師兄係唔係經常比人抽水?)

潛陣水

見到阿嫂好心避下嫌
埋得人多, 兄弟都唔鋸啦

衰人

1同2係要自己都要避一避嫌既至於第3個果係佢男朋友心胸窄小X氣啫

rho837

自由社會! 冇計!

莊家-犯罪無間

原因係本能上,到左手的女人都係男人的地盤,保護自己個地盤唔比人搶係正常


(對於男人本能o黎講最好就可以多幾個地盤la)

1.車個到係女同事問我是日有無揸車，我先禮貌上問一句:"洗唔洗車埋你？"
   電話係女同事主動揾我吹下水，講ge都係D唔方便係公司談及ge公事。
2. 我諗大家唔會唔聽朋友電話gua~
至於次數問題&時間長久，肯定唔會1日數個call同每次不會超過30mins。
有時我覺得好多野，不要以小人的心度君子之腹，個世界會和平好多。

boni

其實好多人都係咁, 不論男女. 既然知道咪避忌D囉. 人地點諗冇辦法GA喎

Alex_山

君子不立危牆之下~~~

SECOND

中國人思想係咁咖啦~

潛陣水

唔係人地條仔, 主動問人"洗唔洗車埋你"
比佢BF聽到, 一來落佢面, 二來好似霸左佢條女
激進少少講, 呢d紳士風度唔到你行, 如果係佢主動問你就話可以, 獻殷勤就免了

case 2可以同佢暗示/捥轉d講, 佢BF介意你同佢傾電話, 佢明白既都會著緊返條仔
自從某女同學同人拍左拖, 我都無乜再同佢傾msg

避就真係避得就避ga la~
不過大家有無諗過，某程度上女仔見到或知道自己男朋友咁對自己ge 朋友/同事，女仔都會感到無臉ga~