樓主, 照你所知的講吧!
係就係, 唔係就唔係, 知就知, 唔知就唔知, 千褀唔好諗住講大話幫阿媽或整細妹, 好可能會有反效果.......
另外虐兒case好難告得入, 證據唔太多既話, 警方一般會叫你地自己坐低傾下解決佢,
係我小三、小四嗰陣(小弟現在十六歲), 我曾經係兩單虐兒受害人, 第一單係我後母打我, 再逼我打比我外婆, 之後我阿媽報警, 警察嚟到見我只係小小瘀, 佢只係當場叫我阿媽佢地同我阿爸+後母傾掂佢之後就走...
第二次係夜晚阿爸同後母對我拳打腳踢+用藤條打我, 第二朝老師見我行路拐吓拐吓同手腳有瘀+腫, 再追問我下而揭發報警, 之後即刻入院驗傷+錄口供(前後錄咗兩次, 軍裝一次, 便衣一次), 今次因為有多個鄰居睇到, 加上我都好傷吓...(成身都藤條痕, 訓低坐低都痛) 所以警方有提出控告, 最後告入咗, 阿爸同後母留案底加守行為兩年
[
我阿爸同後母唔係因為我有錯而體罰我, 係因為輸麻雀、湊仔湊到煩(嗰陣後母同阿爸生咗三個)、工作唔順利、兩公婆鬧交等而換我出氣, 而家都仲好憎佢地!!
]
其實你而家唔需要太擔心, 警方除咗會聽你阿媽、你細妹同你既口供之外, 仲會問吓學校你細妹平日既情況, 甚至可能會問下你d鄰居, 睇下你屋企平時點, 而以你所講你細妹既情況, 再加上而家得佢一方面既證供, 警方應該都唔會輕易信佢......
P.S.當年我年年全級頭三(band1 小學), 學校社工亦由小一就跟開我屋企壯況, 而隔離左右亦都知到我屋企成日有爭執
Sorry, 講講吓變咗好似我係到告解咁......
