我當你透明

琴日諗住入(名搶店)買支手槍玩下，入到去見有個Ching指住個廚櫃話想拎支417出黎望下，咁有個4眼長毛仔好唔願咁行出黎打開個櫃，點知支key唔岩入，以為佢反去拎過第二條key開過啦....過左陣，原來佢係倉到拎支新槍開盒俾個Ching睇，我心諗:[咦！而家咁好招呼既，又唔錯喎！]....點知個Ching 睇睇下，條長毛4眼仔無啦啦將果支槍叉氣入彈😆,嚇到個Ching 勁大反應
Ching: 你做咩？！我無話過買喎
店員: (扮傻mode) 下！你唔係話買咩，我先拎新俾你
其他店員: 得得得....唔買唔緊要
個Ching即時放低支槍走左😆😆😆😆

人地話睇display姐，就好似焗人拿拿林俾錢咁，好彩即時”stop”左，否則打左1，2槍之後都唔知點收科！做生意都唔係咁嫁😡😡😡搞到我最後都係係第二間買算！

利申 我之前都係”名搶”買過支馬記mk17，店員又係俾你望2眼就拿拿入彈入電催你快d完成交易，好多時有無崩有無”咩”,係唔夠時間睇，反到屋企先發現又係怨自己！

以上經過我奉勸各位姐，不喜勿插

天翔翼

叫個店員食返枝snickers做返自己先

我諗未必係故意屈佢買嘢，可能係一時手快快拎把槍出嚟，唔記得咗個目的係比個客睇(個腦唔清晰就會係咁)
不過當然做嘢咁求其唔用心都係NG

eelxilef

可能係溝通問題la
不過去得槍街買野都預左態度差, 除了槍地獄

Portal

未收錢就入氣比人 ，自己做壞規矩
即使入氣 ，都逼唔到佢買

明搶四眼仔上過電視，問佢野又唔想理
叫佢做野 係大牌d嫁喇

[ 本帖最後由 Portal 於 20-11-2018 16:39 編輯 ]

bennytsang16

「明窗」最後生果兩個店員工作態度好差。
問野、睇槍我通常叫短頭髮、無戴眼鏡個肥仔幫手。

我當你透明

認同，佢叫做最好態度，但比起其他店既員工，肥仔都未算合格！

引用:

原帖由 bennytsang16 於 20-11-2018 16:41 發表
「明窗」最後生果兩個店員工作態度好差。
問野、睇槍我通常叫短頭髮、無戴眼鏡個肥仔幫手。

no-name

公道 D 講，我覺得係條友未訓醒，咁當然係條友問題，但唔似想屈人買野既
但態度差就... 有時我覺得人夾人 la，但街槍普遍都係普普通通 ga na (真係除左天糖)

話說入面一個比較健碩同一個比較高瘦既男仕，近幾年態度我覺得係 nice 左非常多了~

Kwind

純粹睇完個標題入黎仲以為邊間鋪賴野...有D咩花生食下

睇完又唔覺得係D咩伏...好多可能性可以發生

只可以話店員唔小心做錯野...反而師兄標題只用[ 買槍新體驗 ] / [買槍奇遇] 我覺得已經好夠

再加埋後面句 [奉勸各位小心] 我只係覺得師兄已認定明槍係用焗人手法做生意

呢類事件一年都唔知發生幾多次...好普通而已...只係咁0岩比你撞到...而你又覺得新奇咁解

而師兄所講既 [好彩即時”stop”左，否則打左1，2槍之後都唔知點收科] 好似想焗買我覺得其實好難成立

見到入氣入彈都仲唔出聲...仲要試左一兩槍之後先唔買既話...我覺得擺明玩野多

至於拿拿聲入彈入電催你快d完成交易...呢D野好兩睇...你覺得人地催你...只係你心理上好介意人地點睇你...但人地只係做正常程序

你驗你既貨...全程唔望佢...你仲會覺得人地催緊你?如果佢敢出聲話:[你驗完未?]...咁你可以即刻放低支野去第二間買啦

你都已經話買...入定氣電彈等你好基本...唔通等你睇完晒...先再慢慢入??到時咪又比人話手腳慢要人等

如果你驚驗完有問題要換過第二再睇...其實好簡單...我自己以前都試過...佢拎過支出黎比你睇...退返隻彈比第2支就得...冇你諗得咁複雜

名槍去買過好多次NOVA KIT...NOVA KIT 價錢唔平...我次次驗屍咁驗...有次套KIT有[暗花]...有條痕但唔明顯...要郁下角度先睇到...我都同佢講換過套...一樣冇問題

(利申 : 唔係幫明槍講好說話 ,自己玩槍廿幾年 ,明槍至少幫襯左廿年 ,冇交流 ,次次都係入去指住件貨唔該要一件...比錢試槍走人而已)

jn_jona

引用:

原帖由 Kwind 於 20-11-2018 17:31 發表
純粹睇完個標題入黎仲以為邊間鋪賴野...有D咩花生食下

睇完又唔覺得係D咩伏...好多可能性可以發生

只可以話店員唔小心做錯野...反而師兄標題只用[ 買槍新體驗 ] / [買槍奇遇] 我覺得已經好夠

再加埋後面句  ...

我依家買nova kit已經懶到去炸彈手臂買
一係寄一係地鐵 好彩都未有奶過野

Dave

雖然自己唔算特別喜明窗，但明窗做咁多年鋪，係咩店大家心中有個譜，
若果話此店會焗人買野自己未遇過，亦唔多信。但自己有眼睇，見到對方開盒新盒出來已經要出聲澄清一下係睇未必買，
因為真是未見過有店會開盒新貨去比人「睇下」的...除非你表示左如果盒入面支槍無問題會比錢買。

yukihiro2140

Me 2

BLSK

me 3

不過去親買野都係好快手就完成，不過又唔係無時間望下支槍既
好彩個位師兄都澄清唔係買，可能溝通有誤會啦

terry_wai

明槍話冇新貨比display嗰支就經常做法,第二日你去番間舖又會見到有支新

tf141

我唔認同，我清清楚楚講到明只係要睇下
你拎枝新既出嚟你既事，就算真係開過鎗我都唔會認頭，大不了報警
唔理你賣鎗呢一行係幾咁高竇唔憂做，我係消費者我唔怕你玩野
冇事唔會攪事，但有事就一定唔好怕事
如果我果時行開咗睇緊其他野咁點算? 唔通消費者有責任住個店員係邊到拎枝鎗出嚟?

不過我都唔覺得呢間野會特登屈你買野，只不過如果係佢地一時失誤做錯咗，我就覺得佢地肯定唔會肯認衰負責任

試過係佢地到買隻USP Compact trigger, 點知俾咗隻MK23既我
裝咗上去後發覺卡住咗，我拎埋枝鎗去問佢點算，佢話乜原來唔通用，佢仲話要照收我$220維修費，幫我磨短隻trigger照用，我唔肯要退錢，叫佢同我拎番隻trigger出嚟，佢話要我自己攪要佢拎出嚟就要收錢，仲話如果一早肯幫襯佢地師傅幫我換trigger，就唔會發生呢種事，而家係我搵既師傅唔掂先會察覺唔到照裝落去。

siriochow

呢個係真，我都不只遇過一次

引用:

原帖由 terry_wai 於 20-11-2018 23:36 發表
明槍話冇新貨比display嗰支就經常做法,第二日你去番間舖又會見到有支新