RCOOH

咁快有得睇？？

撲！

geoprotex

個人經驗話我知...通常國內賣座電影都係伏伏地

RCOOH

用左8000銀搶部mate20pro首發都唔爭左果一舊水，"流"都唔怕啦。

天翔翼

引用:

原帖由 geoprotex 於 22-2-2019 17:04 發表
個人經驗話我知...通常國內賣座電影都係伏伏地

睇人講都係話演員生硬同劇本一般，但特效加分唔少，整體表現都係優秀，好過之前既地雷好多

rho837

就咁望下啲片頭即時聯想到 Starcraft Terrian base; 異形; Gravity 炒埋一碟的片段! 希望係一出收到貨戲啦!

cccarlos

早兩個禮拜去左深圳睇，真估唔到大陸可以拍出這一部電影，但音樂要改善才能做到Hans Zimmer的深刻感。大家睇個時可以留意一下救援隊伍來的次序

kornhill401

之前在大陸某個網絡電影看了十分鐘,
覺得好悶, 無再睇下去,最近想睇番,
點知已經下架了.

RCOOH

率先做白mouse去買本原著小說，點知，我頂，成本野咁L厚得果廿幾頁係流浪地球既正文，其他係作者其他作品大雜炒。

得果廿幾頁紙都拍得出戲，同聖經電影兩三章經文拍出兩粒鐘大製作簡直有得揮。唔劇透，但原著真係睇到媽媽聲，真係乜9 is this！故事世界觀既描述比電影版係黑暗唔少，但細節上亂到PK又有d前言不對後語，氣氛營造得淡過蒸餾水兼且本應既高潮位去得快過高鐵.......

RCOOH

好，琴晚睇完。除左個導演好似同車有仇，關於車既CG特別弱，同埋氣氛營造方面衰收尾之外，其他都好滿意。

成套戲係聯合國大匯演，冇錯，唔係中國大哂，更加隻字唔提共產黨，係關鍵時刻都係跨種族合作，中國諗到做到既野其他國家都諗到做到，甚至搶先過中國一步做到，同荷里活好唔同既係主角群黑仔到PK，不斷堆屍結果乜都遲人幾步，死既枉死，做既白做。

主角準備救杭洲發動機結果行到半路已經全機組連地下城certified，但印尼人搏命整番好蘇拉威西發動機仲成為救世關鍵，最後拯救世界都係全人類無分種族一齊努力既成果，唔L係美國民主超人救世界。

hendry9881

我覺得值得一看

rho837

引用:

原帖由 RCOOH 於 13-3-2019 12:48 發表
好，琴晚睇完。除左個導演好似同車有仇，關於車既CG特別弱，同埋氣氛營造方面衰收尾之外，其他都好滿意。

成套戲係聯合國大匯演，冇錯，唔係中國大哂，更加隻字唔提共產黨，係關鍵時刻都係跨種族合作，中國諗到做 ...

就暗示左膠文化大愛包容恐怖社會主義! 就係暗地裏洗腦想推翻右翼白人徤制保首民主主義!

[ 本帖最後由 rho837 於 13-3-2019 14:32 編輯 ]

LCH925

引用:

原帖由 RCOOH 於 24-2-2019 00:22 發表
率先做白mouse去買本原著小說，點知，我頂，成本野咁L厚得果廿幾頁係流浪地球既正文，其他係作者其他作品大雜炒。

得果廿幾頁紙都拍得出戲，同聖經電影兩三章經文拍出兩粒鐘大製作簡直有得揮。唔劇透，但原著真係 ...

大劉D小說，寫得最好都係《三體》。
歷史感有，文筆有，角色生命都有。
短中篇就推薦吞食者，寫得都好好
至於＜流浪地球＞，講真，其實我覺得寫得一般

RCOOH

引用:

原帖由 LCH925 於 13-3-2019 20:55 發表

大劉D小說，寫得最好都係《三體》。
歷史感有，文筆有，角色生命都有。
短中篇就推薦吞食者，寫得都好好
至於＜流浪地球＞，講真，其實我覺得寫得一般

因為寫流浪地球果陣正值佢就黎冇工開，所以寫D野好灰又有D混亂。

電影版根本就係超級二創，除左主要故事骨幹冇變之外，時序、科技、緊張位等等都超級大執位，而且劇組特登請真科學家黎一齊玩大佢。

係，推地球係班顧問科學家都覺得唔科學，但後尾得到共識，係扣除呢個前提下盡量執到最正，於是你就見到各種hardcore到出哂汁既情節。