話說小弟係一個讀男校既中五學生仔,由於識女仔少,所以從來都無女朋友,更加無target...
今日係christmas ball,我同左幾個女仔跳舞,但係都無咩feel,無太多野講,
之後我一個小學同學A(男)就叫我邀請一個女仔跳舞,行到佢面前邀請佢,同學A同我講佢係我地既小學同學,
但係我無同佢同過班,所以我係唔識佢,下文叫佢'天天',佢係讀女校,佢都好少男仔fd
我知佢係我小學同學,我無同佢跳舞,轉左做吹水,好多野講,好多話題,完全無dead air
我地傾傾下,同學A本來走開左,但係又番番來,天天就叫佢搵人跳舞la
(伏線),同學A就走左,
我地傾傾下,就開始傾深入d(包括感情野),我知佢同我住同一條街
(伏線),
又講到另一位小學同學B,佢話佢同B好熟,B其實係我一個幾好既fd,佢又帶我出來打game
佢講完同B好熟之後,又好
緊張錦講B只係佢既好朋友
(伏線)
之後因為我講中學有遺憾,天天佢問我係唔係到中五都無拖拍?
我答都係既,佢話我一定會搵到，之後佢自己都係,因為中意佢既人，佢又對佢無feel,天天中意既人,又對天天無feel，
即係話佢無男朋友,
之後我同佢跳左隻舞,一路跳,我覺得有一種講唔出既feel(係唔係我對佢有feel呢?),
可能我同佢傾既野,我有d連我自己班兄弟我都從來無講過,我認定就係佢
我問佢聽日平安夜得唔得閒,佢答下晝有野做(我真係白痴,無問佢夜晚
)
我同佢跳緊舞,d人就宣報可以出去拎野食,我問佢餓唔餓,佢答小小,我話不如一齊出去食野,
佢答佢想搵番d fd,之後就走左,
我都出左去食野,食食下,諗一諗上面既野,佢都好似對我都有feel,
如果我再唔去馬,我中學時期既感情就真係空白一片,d friend 都叫我去馬
食完野入番去,可以留message比司儀讀,
我就留
'天天
原來我地係小學同學,但係我今天先認識你,我好開心,我希望我可以送你留屋企(睇番藍色)
xxx (唔係A個名)'
個司儀讀左頭一句好多人笑,但係讀到最後'我希望我可以送你留屋企',全場拍掌(認真)
我d friend都話好'lum',我搵佢,但係個場好黑,我搵佢唔到,
搵搵下,聽到佢d friend係到笑說'送你留屋企',我唔知係恥笑,定係笑天天有人追,我又唔夠彊行過去
之後我打電話比佢,係出去見到佢,我問多一次,佢答'約左人,唔好意思',我聽到係好唔開心,好失望
之後我強顏歡笑答'唔緊要'
入番去諗,係唔係佢中意既,就係B呢?定係有人早過我？
見到A,同佢講番個message係我寫,A話天天都有同佢講,重話覺得A講大話,佢根本無約人,
又話好亂
錦姐係佢對我有冇feel?如果無feel,又點會亂，定係我太進取，我以前從來無錦夠疆，進取
臨完之前，我、天天、A三個人影相，我一直想避開佢，影完三人相，我行開，天天拍我肩頭，叫我同佢一齊影
我強顏歡笑，因為我e家都好亂...
番屋企途中，我好孤單，人人手拖手走，我自己一個走，路上一個人都無，
我不時回望，希望佢出現在我身後，最後都係無，一路走，諗起自己個band作既一首歌既歌詞
'在夜空中只有一個，冷風卻願意陪伴我，是我跟你相識過還沒更多，還是世事也是玩弄著我'
佢話我可以同佢send信仔，如果我想send,講咩好?
小弟係無事不登三寶殿既人，我怕今次係我同佢既第一次，又係最後一次
可能e d對師兄們來講係小朋友問題，但希望師兄答一答
thx!
[
本帖最後由 匿名 於 24-12-2011 04:08 編輯 ]
