channet

唔知係唔係天口熱, 我見dave兄D POST都有點火藥味, 其實大家只係吹下水討論下, 希望不要有hard feeling, 以下我逐點回應

其實一句到尾，AIRSOFT 玩家係好多人眼中都係無無謂謂搵BB 膠珠射來射去的怪人，
跑山辛苦又熱又盛，D 槍放係屋企又阻住哂又易整親人，咁其實你買第一支AIRSOFT GUN 之時已經成為好多人眼中的「不智花費者」，
無論你覺得你買支槍幾抵條骨幾靚個身幾咁精準真數直上識飛，在旁人眼中不過是個屁，射的都是6MM ，一樣冇火藥味一樣冇跳殼一樣冇後助力一樣半點像真都談不上，
玩具就是玩具。想「精明」，洗得其所應該儲錢投資買樓買鋪買車位，買股買基金買IPHONE 黎炒，嘜野嗜好都唔好掂，得閒去做運動做下義工咁先似樣。

以上雖然我唔明依段野有咩關係, 但都討論下: 其實任何興趣對於不在其中既人來講,都係無無謂謂, 十幾萬一架單車如是, 我老婆D名牌手袋如是, 阿叔幾萬蚊買個雀籠也如是, 絕對不是只有airsoft如此,
但是否買"玩具"就不需要精明呢? 我覺得只要係駛錢, 就應該要精明, 唔係人人都老豆大把, 3K對於好多人來講, 跌落地都唔想去執怕扭到條腰, 但對於一些小眾, 例如學生哥, 3K不是小數
至於洗得其所是否等於"儲錢投資買樓買鋪買車位，買股買基金買IPHONE 黎炒，嘜野嗜好都唔好掂，得閒去做運動做下義工" ? 依個係個人價值觀問題, 為左唔好講太遠暫不作討論

自己錢自己洗都要比人公審值唔值明唔明智，唔知咩風氣，又玩個人觀點當普世價值？
講番支VECTOR，而家市面係得GBB 同AEG，喜歡便買，如果你話MARUI 出左一支又快又勁又準又後助又像真數又$1000 蚊埋單送維他奶，咁D 人走黎買呢支 KRYTAC 就可能叫唔明智既

我唔知DAVE邊個位覺得係公審, 可能有左誤會, 睇返晒留言都唔覺有, 如果引起誤會真係要講sorry,
致於?個人觀點當普世價值" 又係唔知點解你會咁諗, 討論區從來都係發表個人觀點, 致於係唔係普世價值就唔由一個人去決定, 如果一個人講句野就變普世價值, 689都真係要學野
睇返我都冇返KRYTAC KRISS唔好, 只係講左如果以這價格, 想要求返有咁上下水準, 我就唔覺得係咩大要求, 但可能人人要求唔同

至於甚麼三千蚊就要包快痕準勁直襟靚？ 不如數下市面邊支GBBR 長火可以做到先？唔可以執唔可以改直接開盒落場喪射果種
睇返自己留言係"付出一定價格理應要有一定要求" 冇講過要包快痕準勁直襟靚, 可能有左誤會, 其實我地都係討論緊一D老話題 AEG OR GBB, 相信過100年都唔會有結果, 至於依支AEG KRISS我都拭目以待, 希望對得起個價

gainax

玩kriss等等獨一無二外型都為玩款, 計埋夾重又大細支又操作不便呢D無關鍵野咁kW@Mp7都好過佢,細支左味仲好係咪先 玩得佢外型就預左係咁,因真野都咁操作不便麻
你見我一見我一直彈佢貴又冇彈佢性能唔得,咁事實平民來講就貴左D唔只係我彈。
其實有留意我post我無論投入左幾多千甚至上萬玩具味又好的地方就讃唔好的就彈, 我堆WA,方仗,馬記玩緊既一樣彈,咁實是求是彈下先進步係味先 如我是踏低其它抬高自己玩個D就唔會見到我成日分享自己D鍋氣野出來,而家我仲有堆wa方仗馬記唔驚賣唔出咩,啱啱冇耐4千幾先入左個7075方仗身都打唔響味又上來up過,就算馬記mws你都見我讚佢上天,有讚有彈下D唔好地方算正常掛 只比讚冇彈就唔健康

happypony

引用:

原帖由 channet 於 1-6-2017 16:28 發表
唔知係唔係天口熱, 我見dave兄D POST都有點火藥味, 其實大家只係吹下水討論下, 希望不要有hard feeling, 以下我逐點回應

其實一句到尾，AIRSOFT 玩家係好多人眼中都係無無謂謂搵BB 膠珠射來射去的怪人，
跑山辛苦 ...

同意

其實我地係消費者提出自己觀點好正常,都係個句玩玩具姐唔好投射個人榮辱落去.

Dave

引用:

原帖由 channet 於 1-6-2017 16:28 發表
唔知係唔係天口熱, 我見dave兄D POST都有點火藥味, 其實大家只係吹下水討論下, 希望不要有hard feeling, 以下我逐點回應

其實一句到尾，AIRSOFT 玩家係好多人眼中都係無無謂謂搵BB 膠珠射來射去的怪人，
跑山辛苦 ...

其實冇火藥味，我D 文永遠都係睇完一次先SEND OUT，何況擺明嘈交係會比版主DEL 的，呢一點上面我是很注意。

首先一點，其實呢支 VECTOR 唔洗「三千幾」，或者可以等等大貨番，主觀期望二千尾有交易，即係一支次世袋最便宜版本M4 CQBR 的價格前後。

另，玩具槍界有個特性，或者說是歪理，三千蚊甚至四五千銀，唔代表可以即玩即射無煩惱，

尤其是GBBR，2, 3 年前的金句係：唔識整唔好玩，基本修理能力一定要有，彷彿是理所當然，

今時今日好些，多少因為日本仔出左一支真正義意上開盒即打的GBBR 出黎，有選擇之下整個要求拉高了。

那些「技術不到位勿掂GBB」論亦收歛了許多。

相同性質下，例如你買一套電子產品，三千銀，買番去係開機不順卡頁面，拎部機番去丟到佢地反艇沈船都得，

玩具槍界卻沒有這支歌仔唱，好一些的會幫你送修，但我自己遇過基本上係耍得走你就會盡耍，甚麼貨物出門唔包乜乜乜。

道理上、理想上、個人情感上，不合理吧？ 但這是事實，任君振臂高呼爭取權益，亦不見得店家/廠商會聽你支笛。

市場細，小眾玩意不太需要社會價值的考驗，出得，就有人買，沒多久前一支6, 7 K 的M110 GBB 都一樣有災情，

便宜一點在下三千多一支417 GBBR 都是時快時慢要「執」，雖然理論上能夠自己動手處理，但當然不用攪最好，玩個玩具而已，為何要自帶金工木工技術...

但在下是偏向接受(屈服)現實主義者，買之前會查清是否有能力處理，覺得OK 便買，接受不到就不買。

Kwind

引用:

原帖由 2slow 於 1-6-2017 09:27 發表


小弟因朋友關系剛開始玩Division, 暫時未能明白點解 Kriss 係division咁heat?

話說GBB版本的Kriss小弟都有一把長期訓係盒入面,
一來因為絕已版, 二來因為佢實在太重前後唔balance之外, d匣重係gbb入面 ...

唔知師兄咩時間開始玩DIVISION...我唔排除DAVE兄講既海報之類宣傳效果

但我覺得最主要因素都係GAME入面...因為最早期GAME既設定加裝備配置後

GAME入面用SMG係神一樣既存在...而支KRISS在GAME入面既設定亦幾接近真鐵(後座低...準星唔好散開得好勁)

所以當時不少FANS...而當時既2手區亦係最多人徵KRISS的

但除住唔同改版...SMG實用性降低...到步槍上位...到我唔玩之前...竟然步槍入面最好用既係G36C ...你真係估佢唔到

Dave

引用:

原帖由 gainax 於 1-6-2017 16:49 發表
玩kriss等等獨一無二外型都為玩款, 計埋夾重又大細支又操作不便呢D無關鍵野咁kW@Mp7都好過佢,細支左味仲好係咪先 玩得佢外型就預左係咁,因真野都咁操作不便麻
你見我一見我一直彈佢貴又冇彈佢性能唔得,咁事實 ...

玩個玩具，吹吹水，不用認真。

其實我當支VECTOR 3 K 蚊一支，其實VFC 好多AEG 嘜功能都冇都係賣緊咁上下價，唔知你又點睇？

G 兄GBBR 玩得精係人都知，不是反話，但其實玩具槍界十分多產品，你喜歡GBBR M4 是你的事，不用個個POST 都跳入來話唔抵唔值搵笨不如買其他，

師兄你踩AEG VECTOR 就話 A&K VECTOR 更值得期待，又突然覺得次世代「好」，但你又記唔記得你不久之前先話完次世代又難整，要整買材料又貴，多零件又易損耗，壞左又冇得買零件整呢？
言猶在耳，忽然又來個180 度反口彷彿失憶，也許G 兄心入面有自己一套理論，不得而知。

之前踩 HPA 系統又話人地玩得多數為左鬼火，但事實上你應連HPA 系統都未玩過，又何來咁多觀點？

唔係話玩針對你本人，而是既然G 兄的話太多漏洞或前言不對後語，我亦樂意將個人觀感表達出來，岩聽就聽，唔岩聽我都是這些話。

[ 本帖最後由 Dave 於 1-6-2017 18:22 編輯 ]

wing383

引用:

原帖由 Dave 於 1-6-2017 18:19 發表


玩個玩具，吹吹水，不用認真。

其實我當支VECTOR 3 K 蚊一支，其實VFC 好多AEG 嘜功能都冇都係賣緊咁上下價，唔知你又點睇？

G 兄GBBR 玩得精係人都知，不是反話，但其實玩具槍界十分多產品，你喜歡GBBR M ...

不能同意更多
偏頗，主觀，欠缺實質理據的言論確實令人討厭

Dave

引用:

原帖由 Kwind 於 1-6-2017 18:05 發表



唔知師兄咩時間開始玩DIVISION...我唔排除DAVE兄講既海報之類宣傳效果

但我覺得最主要因素都係GAME入面...因為最早期GAME既設定加裝備配置後

GAME入面用SMG係神一樣既存在...而支KRISS在GAME入面既設定亦 ...

其實仲有一隻2012 年5 月出的GHOST RECON FUTURE SOLIDER，
入面又係有支SMG VECTOR，是SNIPER 專用的，理論上呢D SMG 係埋身先勁，中遠距離RIFLE 勁，
但GAME 入面支 VECTOR 根本是強得過份，一般RIFLE 射頻 800 ~900，佢可以去到1480 ，而且連射近乎零震動，遠距離連射仍可確殺...
而埋身更加唔洗諗，RIFLE 對 VECTOR，RIFLE 輸9成，唯一可能嬴既係散彈一槍近距離...當然散彈第一槍打唔中又係死路一條。
GRFS 隻GAME 今時今日仲有不少人玩，用得SMG 一定係用VECTOR... 屈機的。

gainax

J大,我地班友吹開水唔洗咁認真睇 同睇波一樣場頭哎交場尾和

gainax

Hpa呢個話題見人見智,裡世界我唔再多講當時只係一番好意提提新手有乜利弊, 忠言我相信唔會順耳咁當我未見識過就Ok了免得又再"討論"一番
至於我發表其他既意見信不信由D兄, 好似呢支有人覺得貴有人覺得平每個人價值觀唔同唔需要咁認真

jacko

引用:

原帖由 gainax 於 1-6-2017 18:46 發表
J大,我地班友吹開水唔洗咁認真睇 同睇波一樣場頭哎交場尾和

沒有認真∼認真的話會少好多會員 我又唔想 ，呢度長期有發言嘅，我大概都知各位咩性格(論壇上)，口講口賠，講完就算

channet

不如講返支槍, 睇完RW, 發現有個Lower Power Version, 莫非支野大大力?
http://www.redwolfairsoft.com/re ... r_Version_Black.htm

天翔翼

引用:

原帖由 channet 於 1-6-2017 19:28 發表
不如講返支槍, 睇完RW, 發現有個Lower Power Version, 莫非支野大大力?
http://www.redwolfairsoft.com/re ... r_Version_Black.htm

馬記枝HI-CAPA 5.1都唔係特別大力(約0.8-1.2J)佢都唔知點解出個得0.2J既R版
可能係再降啲火力由1.5變0.8變成可以打CQB果類 或者又好似Boys series咁出比細路玩掛

[ 本帖最後由 天翔翼 於 1-6-2017 19:40 編輯 ]

Dave

引用:

原帖由 channet 於 1-6-2017 19:28 發表
不如講返支槍, 睇完RW, 發現有個Lower Power Version, 莫非支野大大力?
http://www.redwolfairsoft.com/re ... r_Version_Black.htm

如果佢既數據係岩，正常版1.0x j，細力版0.6 j 左右

btw 支野有快拆彈弓，改力都係easy

[ 本帖最後由 Dave 於 1-6-2017 20:38 編輯 ]

BLSK

我有個朋友好鐘意vector
但我自己無乜特別感覺，加上未把玩過真係毒我唔到
亦都唔明點解咁多人鐘意
不過玩槍打game其實都係cosplay既姐自己開心就得

如果去到二字頭到時就可以玩下朋友支了