safety_tim2003

整件事最大問題是：無晒中間做過什麼......只是單方面話人間鋪什麼什麼，有點欠公允

Accelerated

我只可以講我係憑良心講番件事等新人注意下
冇攻擊既意圖

tf141

我又講一件事，都係出名果間鋪嚟既

唔係話投訴定點，講出嚟大家評下理，反正件事都至少兩年前

話說我有枝KSC P10斷左trigger，於是去買左隻trigger，但我以前都裝過一次，實在好麻煩
於是就想俾少少錢搵師傅裝。一問之下，價錢都唔平，而且要等，所以就搵左另一間鎗鋪既師傅裝。

點知裝完之後，發覺根本唔啱，雞都扣唔到底
師傅R晒頭以為自己裝錯，之後我拎番隻斷trigger一對，根本唔啱size
新買果隻長好多

又拎番枝鎗去出名鋪，佢話乜原來唔啱用架？
原來果隻係MK23 trigger嚟，佢以為一樣，但佢賣俾我果陣完全冇提及
我叫佢同我攪番掂佢，佢拒絕，話一係就退番trigger錢俾你，一係幫你磨短隻trigger佢照用，但係一樣要收番你原本offer既安裝費，同埋一樣要等。
我梗係唔濟啦，就話退錢，但佢又唔肯幫我拎番隻trigger出嚟，要我自己攪掂。
簡單d嚟講就係對於誤導我，攪到我枝鎗唔上唔落絕不負責，最多就係退錢，當咩事都冇發生過，絕對唔肯額外付出任何野，不論錢或者勞力。

於是我一肚火咁去Tokyo買過另一隻啱用既trigger再搵番師傅幫我裝多次
開頭佢都唔想，但最後都應承左我，幫我換番隻新既兼拎番錯果隻出嚟，攪左成日又裝又拆，又拆又裝，都只係比起原本既安裝費收多我$50，仲笑言本來唔熟KSC USP系列既鎗，但因為我而家合埋眼都識裝拆，可能佢已經唔記得呢件事，但我真係好多謝佢，以後整鎗都只會搵佢，佢就係QXF既朗哥。

至於果間出名鋪，我只會去買鎗或其他野，因為價錢平，而且係呢方面亦有信譽。不過就絕唔會再幫襯任何有關服務既野，問野都好少，費事問，反正佢地都好似唔係幾想答。

rho837

冇詳細睇post!

問所謂'蝦'店叫乜嘢名？

loveless

一個政治不正確既睇法：
呢類問題存在o左千百年，似乎並唔係有所謂既法例就有保障。
舉兩個看似冇關連既例，
A. 去買蛋撻，新鮮出爐最好最靚既，同擺咗2個鐘被人揀過摸過又擺番低仲攤凍晒既，價錢都係一樣的。
B. 一個班房內既學生，總會有人考第一，又總會有人考第尾，兩者在同一環境得到既待遇可以大不同，但學費都係一樣的。

kornhill401

樓主遭遇,深表同情,因我在同一店鋪(相信)也曾遇過

sovietarmy2012

買槍前做多D資料搜集,格價同風評調查係最好的,開店的不一定是對每件產品都有深入認識,老字好都不一定每單交易都做好人...而貨物出門乜乜乜就人人一定係.

新手最好搵老手陪同.

家陣有無得補救最重要

小鬼182

引用:

原帖由 tf141 於 5-3-2017 12:30 發表
我又講一件事，都係出名果間鋪嚟既

唔係話投訴定點，講出嚟大家評下理，反正件事都至少兩年前

話說我有枝KSC P10斷左trigger，於是去買左隻trigger，但我以前都裝過一次，實在好麻煩
於是就想俾少 ...

郎哥真係好好人,雖然我無比佢整過槍,但起碼我次次去佢到買野就算唔貴百幾二百蚊都好佢都會收平我標出來價錢,仲有問有答識會答個確實答案比你,唔識唔清楚唔會同你9吹！！所以當初佢話想摺埋唔做我覺得有D可惜,好彩最後都無摺到∼∼至於果間好有名槍店,我都係買過幾次Nova kit,黑唔黑店真係唔知,不過幾平係真的...

dinofong

嗱 我又講下我嘅經歷啦
有兩次係想分享嘅
有一次我去買條嘩佬匙，事前我都睇過其他鋪頭，大部分都冇貨，咁我就去嗰度搵啦。我入到鋪頭就問呀肥佬有冇，佢話有就叫條靚去幫我搵，條靚搵到不過唔知價錢，就問返肥佬，肥佬望下我，唔知係佢覺得我似新手呀定佢知道通街都無貨，就好明顯講個海鮮價俾我（如果你問我點知，第一我去買之前查過個價錢，第二佢好明顯地係我面前搣咗個價錢。）不過因為其他鋪頭冇我又趕住用 咁都冇計買咗
呢個證明咗如果你去嗰度買嘢一係就買啲有標價錢嘅，一係就好明確話俾佢聽你要啲咩，等佢覺得你識嘢。

第二樣
有次我同個朋友去買支次世代scar，佢就平人哋幾百蚊，咁我咪同個friend喺嗰度買囉，試槍嘅時候，佢話剩返支display，叫我地試，喺check外觀嘅時候，已經發現有少少花，不過我唔排除可能係嗰啲抹一抹就會甩嘅花，不過我心諗俾三千幾蚊嘅槍老老實實就算會甩我都唔會要囉，咁我就直接指住個花痕，同佢講平啲得唔得，佢話冇得平，咁我就話唔要走。咁佢係我走嘅時候就話，佢哋鋪頭最平同埋唔會再返貨，博我會亂跟住同佢買。但係我最後都冇同佢地買，走咗。

其實我淨係想講，個個做生意嘅都係咁，呢啲只不過平常嘅生意手法，雖然嗰啲態度唔好又唔係幾負責任，不過其實老老實實貨物出門就真係不退換，我唔係喺度讚佢做得好，但係起碼佢哋唔係真係黑到入咗去就唔俾你走個種。再加上佢哋嘅定價又真係普遍來講都平過人。
我絕對贊成樓主所講帶個試嘢嘅人去，不過其實呢樣野就真係好 Common sense (個人意見)

ps e何b 服務真係好 起碼我上次去買個槍套，我問佢啱唔啱佢直情攞埋支槍插入去俾我睇。不過都係果句人哋真係貴幾舊。
咁即係咁講囉 你冇可能去半島食嘢跟住話人貴 亦都冇可能去澳牛食嘢跟住又話人態度差 因為簡單啲來講去得嗰啲地方你都預咗

jacko

引用:

原帖由 dinofong 於 5-3-2017 17:17 發表
有次我同個朋友去買支次世代scar，佢就平人哋幾百蚊，咁我咪同個friend喺嗰度買囉，試槍嘅時候，佢話剩返支display，叫我地試，喺check外觀嘅時候，已經發現有少少花，不過我唔排除可能係嗰啲抹一抹就會甩嘅花，不過我心諗俾三千幾蚊嘅槍老老實實就算會甩我都唔會要囉，咁我就直接指住個花痕，同佢講平啲得唔得，佢話冇得平，咁我就話唔要走。咁佢係我走嘅時候就話，佢哋鋪頭最平同埋唔會再返貨，博我會亂跟住同佢買。但係我最後都冇同佢地買，走咗。...

其實呢樣真係唔可以，鋪頭明碼實價，無理由主動要人平比你，一係買，一係唔買

Ben_9413

引用:

原帖由 dinofong 於 2017-3-5 17:17 發表
嗱 我又講下我經歷啦
有兩次係想分享
有一次我去買條嘩佬匙，事前我都睇過其他鋪頭，大部分都冇貨，咁我就去嗰度搵啦。我入到鋪頭就問呀肥佬有冇，佢話有就叫條靚去幫我搵，條靚搵到不 ...

O吾理乜舖頭o勒

第一樣o既例子點都係o吾老實o個隻

一條valve匙...賺多幾十輸口碑

第二樣

Display 槍講o下價我又覺得不是太過份

原價果D就咪o拉!

Ang123456

相信係該有名既槍名都有買開野，試過買支馬記870，發現前準係斜既，要換過支佢都換，睇過哂表面ok, 俾錢試槍走人。

想講既係覺得吾妥，講聲吾好意思走人，自己係俾錢既，有選擇權。

每間舖對每個顧客都有吾同係正常既，賣玩具吾係賣LV 。

每閒舖都有D特色，執生！

Ben_9413

引用:

原帖由 Ang123456 於 2017-3-5 18:15 發表
相信係該有名既槍名都有買開野，試過買支馬記870，發現前準係斜既，要換過支佢都換，睇過哂表面ok, 俾錢試槍走人。

想講既係覺得吾妥，講聲吾好意思走人，自己係俾錢既，有選擇權。

每間舖對每個顧客都有吾同係 ...

其實大家有冇發覺D面對面舖通常第一枝扌羅出o黎俾你睇o既通常都有問題

圈子/市場這麼細, 仲o黎o尼套

貼錢買難受

今時今日我自己o尼D輕度玩家,無乜特别寧願網購

Opica

唔知係咪擺明搶你（音）個間

http://www.wargamehk.com/cgf/viewthread.php?tid=148832

sovietarmy2012

引用:

原帖由 Ben_9413 於 5-3-2017 18:36 發表


其實大家有冇發覺D面對面舖通常第一枝扌羅出o黎俾你睇o既通常都有問題

圈子/市場這麼細, 仲o黎o尼套

貼錢買難受

今時今日我自己o尼D輕度玩家,無乜特别寧願網購

真係似係禾,仲有就係話得display同最後一支...

隔離店好D(貨方面)