身為一個純 GBB 玩家，心血來潮想分享一下，絕非想撩交嗌。
作為多年純 GBB 玩家，基本上各大廠商、系統小弟都玩過下，第一支係問題多多的 WE SCAR 剛剛出的 Open Bolt 版本，真係整多過玩，次次落場都有問題，冇一次可以打得完一整日，總要留半天在場地整槍… 問題天天都多，依然擺脫不了 Game 友內戲稱的「戰地工程兵」污名… 但久而久之，自己知自己想要乜，亦接受了冇一間廠可以出到完美。
雖然玩左咁多年，但自問技術上唔係高手，整槍絕對是白痴，而且工作關係可以整槍的時間更加是少得可憐。雖然知道 AEG 維修更方便，但除了初玩第一年接觸過 AEG，之後的時間就算即場壞槍都冇再掂過。
時至今日，手上仍有數支不同牌子的 GBBR，但這次特別提的是很多人喜歡拿來比較的牌子… V 記同馬記。
先講馬記，2015 年尾係童工衝左支第一水既 MWS (以下簡稱 MWS）返黎，一用就 3 年，一開始乜都未改已經即時作為主力下場槍，到而加包括 Wargame / 3 Guns 都係用緊同一支。如果問我，係咪開箱即打都 S 級性能呢？其實又未至於；係咪完全冇野要 FIX 呢？如果打 topgas 的話係有的，但只限「換一換零件就解決」的程度。有機會有時間再交流一下小弟對支槍既少少見解。
但以耐用性、準繩度黎講，佢絕對算係我玩過所有 GBB 之中數一數二。空泛既野唔講，以下為 30m 1.2J @ 0.3g 豆成績，只係需要換粒硬身的 hopup 膠和老鼠屎就得。
當然內構極假唔係真數都係佢弱點，一班重視外觀的玩家覺得馬記不入流係可以理解。雖然唔係完全冇野執，但要執既都係手板眼見功夫，花少少錢簡單換 parts 就可以。另外要讚下日本製作的所有組件都做到非常精細準確，從來唔會出現「唔岩數」、「磨合」之類的問題。就算要換 parts，都只係打下 pin，扭下螺絲就完事，唔洗又銼又鑽又磨又成… 自問係這些 diy 苦手，但馬記這槍又非常易養，對新手或者我呢 D diy 低手來說真係好 User Friendly。拎黎落場真係做到一整日不用修理，感覺真的是在打 game 而不再是比槍玩。
至於 V 記，當年第一支是 MP7，見這支 MP7 網上評價不錯，當時也曾開 POST 問其他師兄，多數人都是說正呀正呀無問題… 一野就買左 1 槍 4 匣連 silencer。但可喜可賀，我買到果支同網上拍片的完全是兩回事，只能當自己黑仔中槍王，算數。
相隔數年，見到
416A5 又開始身痕，未見街已一直觀望，又期待又怕再受傷害的感覺…
一開市，先見歐美災情連連，HOPUP pin 斷裂，但後來的亞洲版已經改了鋼 pin， fix 完總算好評。再觀望多幾個月，似乎宜係冇咩 wo，最後都是入左，一不做二不休打孖襯埋支沙 45CT，比錢果下係非常滿足。
先講 45CT，外觀好正，但金身得黎 D 聲係有 D 沉的「拍拍」聲，感覺怪怪，好像外觀是金屬但材質很不似金屬一般。但 V 記的膠料對比馬記 45 下身，小弟非常喜歡V既尼龍質感，而馬記膠料敲起來比較響，一直以黎都唔係我杯茶。
45CT 射擊非常準，網上流傳的三匣爆炸亦沒有發生在小弟身上，暫時冇問題，好滿意，近日更特登上埋 RMR，靚仔度更上一層樓。
416A5 呢，好難形容…
先講外觀，真係冇得輸，亦係 V 記強項，但沙色的金粉真係太勁，遠睇 OK，近觀真係好似笨大 BB 戰士 D 金色塗料。
至於內構呢，自然是有一定水準，但近年 V 記好喜歡搞花臣野，亦有少少向「玩具化」方向走，先唔講未見街的 MP5 捨棄真鐵內構，新版本的扭扭 gas block 雖然係方便，但加多左一條長條去推個 hop，雖然遮遮掩掩唔覺，但都算是結構上的讓步。
最初屋企試槍 (開冷氣 25 度)，但打了幾匣，發現唔係 double feed 就 jam 飛機。打開槍身拆份 bolt 一睇，飛機啜到不行，拉出黎半分鐘先縮返入去，唔知是設計問題定用錯 oring。本身以為太乾，但落重油都無補於事。
另外佢個 oring 係好似像筋咁方形的... 又係 D 新奇設計？
當時想拆 Bolt 研究，但 bilt 頂 d 螺絲膠多到好似唔洗錢咁… 想拆都難，加上自己懶，唔理住，由佢原裝狀態。
玩多幾玩，又發覺有新問題，有彈都會後定，上返 cgf 黎請教其他師兄，先知原來漏左後定彈弓... 所以成個後定系統好自由奔放咁彈彈下，時不時活潑得濟會自己彈上黎 lock bolt... 順帶一提條後定 pin 非常之咁鬆，係咪震震下跌左就不得而知了...
非常脫力，咁就入返盒擺左個零星期。
後來拎出去去試槍，室外場地，當日有太陽 32 度左右。係屋企遇既問題好似冇左，正！可以開心玩下。
但打左 10 夾都冇，甩匣時突然有粒野跌出黎… 係一粒方型既「鋼」件。拆槍驗完，發覺呢粒係個 bolt 的後定鋼，本身 1 隻腳加條 pin 固定，而加隻腳斷__左… 殘肢仲插住係 bolt 身入面… 根本冇可能拎番出黎... 真心唔知 V 記設計定佢 D 鋼料問題，總之而加我條 bolt 個 bolt lock 就報消左。
另一個問題係隻匣出氣膠比個 Bolt 批左一大忽，好似比野刨爛咁...
呢 D 係同一日 1 小時內發生既事...仲未提打打下單發會突然瘋狂噴 gas 扮滅火筒，而且係 2 次… 或者又係老問題飛機復唔岩位噴屎。
準度好多人都話 5-60m 打半身人好易中… 但小弟打35m（測距器度，從來唔信肉眼測距），當時火力係 1.7J @ 0.3g 豆，彈道係十分明顯的上下左右炒，打 A4 紙命中 50% 都冇，而且扭扭 gas block 係好難調到一個岩水平的 hopup 強度，已經係好微好微咁扭… 但好多時係前 10 度下墜，扭多 10 度就飛機… 試 hopup 位用左我差不多 200 粒彈。
或者係小弟無知唔識 set hop，如果真是有神人 set 到 30 米入哂 A4 紙，真係跪求賜教，當然最好有片為證... 有的話小弟唔介意比人打臉，真心跪求請教應該點改...
機緣巧合又見到台灣啱 cool 講 M27 苦主文題到
416A5, 先知原來 I am not alone… 雖然唔想接受現實不過小弟似乎又再中多次伏，happy ending...
或者有師覺得係我問題或者抹黑或者其他，但小弟所寫既全部事實，坊間成日話大執小執，小弟一來沒手工二來沒時間，所有「執」對我來說都是麻煩事。常常見到網上話 v 記無事打得好順，執一執可以好準的論調，小弟真是體會唔到。
我買
416A5 唔係因為犯賤，而係真係鐘意 H&K 槍系，而市面又獨家村，再加上不時有人話V 記槍性能合格有餘，但小弟手上係得 HK45 一支手槍係玩得開心，並他長火真係苦多過樂。
突然打呢篇野都係想呻下，小弟亦不會發哂誓話以後唔買 V 記，都係睇槍款同身痕病情，但近年 V 記的可玩性真是已經低到一個警戒線，唔準都或者可以執，但連基本操作都可以爛呢樣果樣，好似唔換件連場都落唔到咁… 迫玩家義工 QC 再回報再自費換野… 呢種營商手法可否長久不知道，但對玩家來說一定不是好事。雖然馬記在性能上係優異，但始終款式少，日本大廠亦很少會做一些冷門難回本的槍款，這些二線槍很多時真是要等台廠出，但最低限度，支槍真係可以「玩到」，而唔係十匣唔夠就爛幾樣野，這樣真是十分脫力。近年急起直上的一定是 WE 莫屬，新槍款式又多又夠獨家，而且性能真是唔差，起碼十匣之內唔會自爆先。
[
本帖最後由 no-name 於 28-7-2018 00:31 編輯 ]
