咁岩呢個兩個星期就裝左呢兩款, Ultimate 同First Variant!!
其實係先買First Variant 既, 唔洗兩個鐘就砌完可以玩得嚕!!
之後見到Ultimate 賣得咁平, 怪就怪自己唔理三七二十一咁就比錢入左一支!!
返到屋企拆開個盒, 先知道波箱同摩打都要自己砌!!
真係O 哂咀!!
我今晚砌左佢六粒鐘, 都重未玩得, 唉!!
可能我技術太差了!!
呢幾日我都一直周圍問, 點解會出一個咁特別既版本??
專業人事估計, 估架咋!! 話S 廠唔想負責任, 咪出D 咁既版本比玩家自己砌, 出左事, 玩家自己負責!!
我唔知道專業人事講既論點正唔正確, 不過我砌左一晚, 我對呢個版本都有小小意見!!
第一, 佢無一個詳細既組合圖, 佢係有附一隻光碟, 但唔夠詳盡!!
就好似我裝完個波箱之後, 發現有一塊好似指甲咁細既長方形膠片, 本來想唔理佢!!
但過唔到自己個關, 所以都係影底相問人, 原來係放係波箱外, 選擇掣個塊銀色片上方!!
唔講, 我真係無可能搵得到!!
第二,就係無左S 廠既裝工, 所以如果有問題, 或者行得唔順, 根本無人知, 因為無左QC 呢一關!!
我裝波箱個陣, 有D 零件係有水邊, 有D 零件無執過, 所以唔係一裝就FIT 哂位!!
要多試幾次位先裝得好!! 但用咁既價錢買一件玩具返黎, 跟住要去執, 執完再去試位, 先可以裝既話, 小弟唔係好接受囉!!
另外, 我裝好下身之後, 再裝選擇掣既時候, 發現KICK 死左, 選擇掣鈕唔郁!!
跟住又要再拆個下身, 原來波箱外銀色個塊片個頂, 有好多毛邊, 就係佢KICK 死左!! 當然又要執啦!!
第三, 就係個摩打, 上摩打頂個四粒鏍絲時, 要小心, 到頂就唔好再上, 唔好用蠻力, 斷左係裡面個陣, 都唔知點算!!
而且要小心上, 可能鈕過一次之後, 如果因為某原因要再拆再裝既話, 個D 塑膠鏍絲既牙, 可能已經變左形!!
另外, 收緊摩打頭個座, 有四粒六角鏍絲, 又係因為佢既底座既牙唔準, 其中一粒比我鈕斷左!!
最後, 7511 呢隻摩打左右兩邊加左塊蓋, 所以闊左, 你只可以用到佢附上個隻GRIP!!
而個隻GRIP 只係用舊貨, 再左右各加一刀!! 所以係薄左!!
最重要既係, 你唔洗再諗去換第二款GRIP, 無得玩做形啦!!
所以我自己就覺得, 要自己砌無問題, 但咁既價錢, 要執先可以砌得成, 就都係個句, 唔係好接受!!
