小弟都係早兩年先入左火坑, 一齊分享下:
1. 因為唔似GBB咁會震, 同普通電槍一樣, 小弟都係用普通戈D copy紅點鏡
2. 彈匣方面, 小弟有兩種, PTS Magpul for PTW, 同埋Vanaras(鴨仔匣). PTS 戈隻, 條彈弓唔太夠力推0.25 彈, 同要小執, 否則唔順, 成日碎彈, 加上好似已停左產. 鴨仔匣都係呢度D師兄介紹, 用落只有一個字: 爽
3. 摩打方面, 你買kit跟什麼摩打? 如果已跟最新戈隻kumi(490 or 7511), 其實都應該好襟用. 小弟戈把係跟7511, 玩左唔夠一年摩打頭戈舊鐵成舊裂開左.後來聽人講FCC幾好, 於是又買左一隻(價錢一D都唔平), 買番黎未裝個grip上去時, 龍精虎猛, 一切正常, 但套左個hand grip,蓋埋塊 grip plate時, 發覺grip plate戈4個螺絲孔同摩打戈4個孔對唔齊......我唔記得左差幾多, 總之係令你無辦法上螺絲的, 問過FCC, 佢叫我寄番去或親身畀佢地跟,因為我唔係成日得閒, 所以冇搵佢地(其實佢地態度okay的, 冇推卸責任, 只係我怕麻煩姐). 後來自己鑽大少少個孔,dup過牙,之後就裝到了. 不過呢個都係之後既事, 我發覺裝唔到個grip plate之後, 已買左個kumi 7511, 一直用到現在(打左過萬發), 係中間換過一次碳擦, FCC那個現在係後備.所以摩打黎講小弟會建議Kumi, FCC其實個摩打okay的, 我遇到的問題應該只係個別事件, Celsius那個未用過, 畀唔到意見.
4. 用黑筒打m110彈弓吧, 小弟都係咁, 因為黑筒冇孔, 可出1.2-1.3J力, 不過記住係筒頭配番個o ring, 如果唔係會唔夠氣密.
5. 下? 現在唔使咁改喇卦? 我都有睇過之前用油管改裝的post, 不過現在大把third party出的ptw hop up, 全部都無痛直上喇. 小弟現在用緊Orga 戈隻flat hop up, RWA戈隻亦有, 兩隻都好用(遠, 直).
6. 波箱內部小弟只用遙控車既齒輪油(雙星), O ring 當然用矽油, 條筒的其他部份(天梯, 筒內部)都係用普通雪油咋, 冇乜深究.
以上係小弟既一些經歷, 希望可以畀師兄參考下
[ 本帖最後由 nickydearcy 於 22-4-2015 00:15 編輯 ]
