zapwong

小弟鍾情於手拉狙，近日有奇遇朋友比左件M24槍托底座，冇睇錯係得個槍托底座！想問問邊度有鋪頭可以買到上身配件可以整返支槍?完全係由零開始都得。上老虎網有上身套件買，不過又身痕想全改唔要原裝。見到外國有哭座由入彈位較高低果隻。有冇大大可以幫到手知道邊度有件買?萬分感激

Dave

正常只會有槍托單買，不會有全套槍獨欠槍托賣
有點像出雞出豉油的感覺。
如果師兄有興趣玩狙，看看是否落場實戰，不是的話純粹看外觀甚麼都不用改就好。

如果實戰，那這個題目頗長，但只能說不是「全改」就是好。
市面上大部份零件賣街也是沒有詳細測試的，不一定有增益，甚至會有折損。
第一件事先買一柄原裝槍回來 ( 建議要先查找一下各資料看看 哪柄原裝性能已經不錯 )，再按需要購置「補品」。
沒有必要的部份不要亂改，聯合國砌起來才發覺性能變差不是新鮮事。

天翔翼

首先要知道槍托實屬邊把槍既托先
有三把手動M24 - Mod24，雪狼M24 (前兩把系統一樣)，同埋A&K M24
前兩個還可，後一個買錯就真係GGWP，完全自家數冇補品...雖然原裝已經超好打唔需要補品

另外雪狼M24 其實唔巨改亦可，原裝已經打緊1.8J，司牙又係鋼造，係差在hop up座(雖然小弟最後玩咗PDI全套....但實在唔建議)
而且事關雪狼已為八九年前舊貨，五六年前尚且有補品，而家已經全部斷，要改好L貴一定貴過VSR之流

如果要改，可以考慮向摩帝(Modify) 入全套上身件，兩把槍所有零件基本上共用；絕啲可以買SSG24 件，而且因為N仔大教好，啲件大把多繼續生產購買容易
你講既座可以係AirsoftPro(紅色)或PDI(黑色)，AirsoftPro 係單點壓，PDI係雙壓點
AirsoftPro N 年前有出全套，但四個月前問佢地會唔會再生產等到而家都係冇貨...另外雖然零售價平，但要送到香港運費貴到啊媽都唔認得，實際上冇平過PDI全套
PDI雙壓點老實講係失敗之作，兩粒細過M1.5 既螺絲要用佢條特別六角匙隊落去扭，扭太鬆又會頂住缸頭入唔到chamber又hop唔起0.36+... 但好處係氣密特別優秀，打十槍1m/s 幅度都冇
有野非要改不可既話，而家既我會推薦台灣摩帝SSG件

zapwong

即是我要買件都要上網訂香港沒鋪頭有貨?因為我有把VAR改左HOP不過想改埋套隱藏式HOP座。而且我個朋友比我果個M24槍托唔想浪費，我太鍾情手拉狙，L96,春田，98k，vsr，係未有M24.想整返支嚟儲下。

天翔翼

HOP UP 座 (PDI) 紅狗有，但一來超貴二來其實唔好用
目前最佳建議依然係上網郵購