6MM

純WARGAME技巧(冇軍事)軟件篇 (第十七篇)『一般黑店與徹底黑店』


今次同大家分享『黑店』

好多新手，都好介意這問題

大家要明白六個條例：

1.劉德華服務態度；
2.產品價格定位及浮動；
3.產品生產質數
4.維修手功收費
5.售後服務
6.行業專業指標及責任

1.劉德華服務態度：
和某老闆交流過，他說：『我請個唔識槍既做企堂，佢乜鬼都同我賣出去，好產品又賣到；差產品又賣到！如果請個識槍既，結果佢只能幫我賣到一些好的產品；差的產品賣唔出！最後大量死貨賣唔去！最差係佢會開間店在我對面頂死我！！！』

老闆大多數都好好禮，因為係自己生意，當然有一些老闆比較串咀(賣軍服居多)，因好多老闆有料、有性格，日日不停答客戶時，講下去都費時。『識貨就買；不作推銷』這金句及處事手法，令佢地生存超過十年以上。係佢地行業多年來自行轉出來的成功之道。

伙記就比較參次，因冇任何企業式training，只有邊學邊做，結果有人倒米；有人上位。佢自己的性格、是否高傲自大，做老闆的，只好在入職後才發現。

在第一點、如果該店做好差的話，只會令客人不再有下次幫襯，我覺得，不算黑店。

2.產品價格定位及浮動：
玩具槍價格通常是由日本或人民幣起落所帶動，除非某貨源短缺，否則不會天價！其實以前試過有店分開槍及原裝彈匣賣，為求多收十多二十元，可想而知生意難做。
在香港，不同日本、台灣，他們每年也有槍展，日本更有四次至六次一年，為什麼香港沒有槍展？因店與店之間已經在一條廣華街！日日都槍展，所以價格自然底！又業界到目前為指都未能完全齊心，在日日競爭下價錢自然不斷下跌，更常常跌破批發價！！最後有福的自然係玩家！

如用價格高低來看這點是否黑店，我覺得，不算黑店，有人為了“幫襯開佢”而比多一百幾十，有人間間入來看誰是最平！因每店也有相同的產品又不同價錢的。

3.產品生產質數
產品的定義，是廠商生產的，店是放著賣的！
產品大量生產，如一千件，不理是否有名大廠，生產過程中總有一少量質數未達指標。例如生產一萬隻齒輪，要大量原料，如原料有少量質數未達指標，生產這一批、或數個比較容易掃齒。如果你在某店買了佢代生產商生產的賣的產品後，發現產品有問題而馬上叫某店為黑店，我覺得不對的，因是產品本身不是店舖生產的，大家是明白事理的。

4.維修手功收費：
所有收據寫上『改槍』二字，都是不智的，所以大家都寫作『維修』。
如果有一個超強的『維修』師父，例如比一百枝槍佢『維修』；總有三兩支會失手！這是人之常情！問題係這三兩支是否在你手中！如果你好彩，你支野槍槍爽！你會比個手指公佢！如果佢失手，到你去玩就馬上掃齒，你就唱佢黑店，這位超強的『維修』師父，師父維一可做的，只好做好『售後服務』

我不同意如果佢幫你『維修』後馬上有問題就叫佢做黑店。問題佢有冇在『售後服務』做得好。

5.售後服務
任何店舖也有給客戶投訴過，投訴處理為是否黑店之指標。
如事情在非在客人身上發生，店舖在事後又唔理或推卸，我們可說為一般黑店。如店舖處理事情時間比正常長，我們都可說佢為一般黑店。

6.行業專業指標及責任：
寫了好多，到最後一點。
唔好同我講：『文具店都有刀片賣，傷人是用家的責任』這些說話。
你開槍店，搵這行飯食，大家有責任正面推廣，玩家如自行做一個煙幕彈係佢個人問題；玩家用船用求生煙當煙幕彈係佢個人問題，你大量生產煙幕彈，在上面寫上英文"手榴彈"字眼再放在玩具槍店賣，多好玩都好，就係廠商及店舖自家問題！絕對係黑店！
把玻璃BB珠放在玩具槍店賣，在旁邊寫上"不宜作wargame使用，只作魚缸或ipsc使用”等字眼的店舖。這些不理自家的專業度，推卸社會及行業責任的店舖，把我們最愛的野戰遊戲推倒的店舖，絕對絕對徹徹底底的確係徹底黑店！


6MM  26-7-08

[ 本帖最後由 6MM 於 26-7-2008 12:00 編輯 ]