tktom

琴日係街撞到個game友,得知我0既一個中學同學0既父親,最近不幸離世

我同世伯撞過幾次面,都吹過水,而且佢係我同學0既老豆,點都要去拜一拜

不過,由於我只有一次喪禮經驗,而且我仲係主家d人,究竟一d喪禮禮儀應該係點,我都仲係有d蒙查查

所以想請教有經驗0既c-hing,點樣做既可表達心意,又唔怕失禮同得罪人

希望以下的問題可以得到c-hing們的解答,thx

1.由於我係透過第3者知道呢件究,我打電話比中學同學應該點樣講,既唔會得罪佢,亦可以表示敬意?

2.如何禮貌地問同學佢父親幾時設靈?

3.幾時出席喪禮會比較適合?晚上去定係臨上山之前去會比較好?

4.帛金的話通常要比幾多?係唔係一定要比多一蚊?係唔係要用白信封裝好?係入去簽名哥陣比定係走哥陣至比?

5.幾時可以離開喪禮會比較大體?鞠完躬坐底同同學吹陣水再離開定係點?一般幾多分鐘可以離開?

ranger_hk

我想問

亞延

1:係我就直接問佢家中近日係咪有白事,呢d情況單刀直入好過講多錯多.家中有白事,家人都忙於打理白事,簡單一兩句真心安慰朋友接受事實就夠.一般家人都唔會咁好心情仲聽你講先人既事蹟,愈聽咪愈傷心,你係有意出席喪禮直接講完就算,唔好講咁多.
2.直接問咪得囉,基本禮儀我相信一個成年人唔會唔識分掛
3.人地幾時舉殯你咪就時間去囉,如果你同佢真係好熟既我會舉殯同大殮都出席.唔多熟就舉殯去裝注香,同人地家人講兩句,摺下元寶,坐一個鐘走人
4.白金唔好整頭,我個人封開喜事人情價$500+1,白信封,呢d野入門口有人招呼你,唔洗擔心.你都可以直接親手交俾你朋友表示誠意
5.走咪走囉,同上....吹下水安慰下佢,之後鞠多次躬,走人

亞延

[quote]原帖由 ranger_hk 於 14-11-2008 13:23 發表
我想問

SL1991

(1),(2):一開始就唔好嬉皮笑臉咁,直接打去同佢講你從边度得此消息，叫佢唔好難過、節衰順变.....等，或問吓佢有乜需要幫手，順帶可以問一啲細節嘢如設靈時間、地點....
(3):通常喪禮都是夜晚6-8点(9点前)到較好,太早未準備好,太晚亦不夠尊重，臨上山前更不好，如果人家在早一晚有設靈的話，你唔去反而上山前先去，好似冇乜誠意咁...
(4):帛金一定要做單數,如$101.....當然要用白信封,可以問吓紙紥鋪,應該入去簽名時比.......
(5):鞠完躬,安慰吓親友(或你朋友),如果人哋邀請或你亦想....見吓世伯.....睇吓你有冇嘢要同世伯講.....然後坐低表示尊重,順帶懷緬吓世伯生前的一點一滴.....大約一小時左右才好離開,離開前記得再安慰親友及向世伯鞠躬.

以上純个人意見...........節衰順變!!

Boniface

聽你咁講你同世伯都係見過幾次面
又唔係熟，有心既問候下，睇下有咩幫到手己經夠啦

MS

首先查清查楚!死人唔好搞錯,打電話問候..........如果不是至愛親朋到靈堂躹躬可也,不用送上山俾帛金要單數...........例如301,視乎喪家環境,有就俾多些?喪家採用..........佛教,天主教等,最好着黑色,千祈不可大紅大綠
一般有堂官......如佛教儀式
1.睇清有無拜錯人.
2.直入

MS

追人個妹例外

tktom

唔該晒上面0甘多位c兄
我諗我知道自己應該點做啦~唔該晒

pursuer

補充吉儀:糖盡快食,$1盡快用

MS

唔洗咁緊張,一蚊買糖食,所有野唔好帶返屋企,猶其是有四眼婆??

[ 本帖最後由 MS 於 15-11-2008 02:42 編輯 ]

莊家-犯罪無間

引用:

原帖由 追逐者 於 15-11-2008 01:46 發表
補充吉儀:糖盡快食,$1盡快用

呢d野只係一種風俗je

Hkpolice-Psu

真係...咁都要問

MS

但求心安

MS

殯儀是一個大學問,ms年青時曾在港島荷李活x壽掛單! 做lee一行要嚴肅一些........笑是大忌.........同教兵一樣喎