如果係你, 你會點做?
如果係你, 你會點做?
以下好多字....希望大家可以用多少少時間睇睇....
因為e件事都好複雜, 好多細節位都講唔曬,
有問題可以再問我, 我再詳細d講.....
話說我女朋友的細佬, 十五歲, 中三, 做出左d事, 攪到佢地全家都唔知點做...
家庭係潮州人, 唔多唔少都會偏心向個細佬, 所以老豆呀媽都好寵壞佢,
基本上咩都會支持佢, 俾好大自由度佢,
不過幸好, 佢一向都幾乖, 有咩事都會開心見誠講,
而且天生都幾聰明, 唔洗點溫書, 成績已經中上, 所以家人都好放心佢....
但係就有十分強烈的大少爺脾氣! 而家人都已經習以為常....
自從佢昇左中三之後...就開始出問題...
佢同一個同班女同學...談戀愛...
十五歲, 談戀愛, 都唔係咩問題, 最初家人都唔太反對, 只要唔好影響成績就得
佢家姐好奇心之下, 由佢細佬口中得知, 個女朋友仔唔係正經女仔,
細細個父母離婚, 呀媽又唔理佢, 只會俾錢佢洗, 而且呀媽成日唔在家, 成績包尾唔洗講,
而且因為同同學去偷野, 俾警司警戒中(到現時, 佢重係死口唔認自己有偷), 而且差少少俾學校踢出校....
家人就開始擔心細仔會俾人呃, 叫佢同個女仔分手....
咁佢就話同個女仔分手, 點知個女仔居然襯個佢去踢波, 搵埋一班女仔friend去球場圍佢, =口=
佢唯有打電話向佢家姐求救.....家姐拉左佢返屋企之後,佢同一晚又同個女仔一齊返 =口="
半年來, 前前後後分手又合, 合完又分都幾次....但始終都係無分手,
而且佢細佬好似中曬情毒咁...
屋企人一方面擔心, 另一方面都由得佢, 因為覺得迫佢分手都無用....
佢地就繼續拍拖, 個個星期去睇戲, 十分大洗
舉一部份例子, 佢女朋友都係十五歲, 用八百幾蚊買SKII用; 佢細佬就七百幾蚊買猿人Tee, 而且唔只一件...
我真係O曬咀....
但佢家姐話無所謂啦, d錢係佢自己儲...
ok, fine...
但係.......問題愈攪愈大.......
大約三、四個月前, 屋住人發現左, 細佬成日話去踢波, 事實係呃屋企人(其實係我發現,講俾佢家姐知),
在佢媽媽威迫下...佢話原來佢係上左女朋友屋企發生「性關係」...
當時大家都O咀, 再迫迫下, 講埋原來第一次發生性行為係球場邊的一個草叢中.... (大家有無O咀?)
而且佢地發生「性關係」原來已經唔係第一次, 而且次次都無避孕, 幸而無「攪出人命」...佢細佬亦答應左唔會再發生「性關係」(大家信唔信?...)
之後佢細佬有帶女朋友仔上屋企食飯, 我亦在場,
個女仔外表又唔係太壞, 深藍大眼con, 直髮, 衣著有dd暴露咁啦... (大家唔好向日本方向幻想...)
但係唔識禮貌, 唔識「入屋叫人」, 食飯又同男朋友細聲講, 大聲笑,
大家都唔係好like佢...但當然無講出口啦...
如事者, 個女仔都上左去四、五次食飯, 食完飯就走, 佢媽媽認為咁都好, 至少可以多d時間睇住佢地唔好做錯事...
...戲肉o黎喇!.......
媽媽係家庭主婦, 上個月開始,
發現細佬房窗外的窗邊成日有陣尿味...用水沖走左之後幾日又有...
以為係樓上問題或者係雀屎味? 不過味道唔濃, 所以都無理會....
發生左一件事, 終於知道尿味點來....
由於個男仔晚晚都用家姐部電腦上網, 上到一兩點, 而且lock住門, (話就話部notebook係家姐, 其實似係細佬多d)
所以大家都唔知佢o向房做緊咩, 而電視機上面有房門唯一的一條key...
有一晚, 佢媽媽深夜去屙夜尿, 順便想開門睇下佢細仔訓左未,
但條key唔見左....咁佢媽媽不以為意, 照去廁所
第二朝, 媽媽發現廁所條key居然出現返電視機上面!
而且由於家姐臨訓前一向都會lock住屋企大門,
但係就發現俾人開過
大家估下發生咩事??....
又在一輪威迫下...
佢細佬話...原來琴晚半夜佢叫左佢女朋友上屋企! 之後發生左性行為(當然無避孕), 深夜4點幾再叫佢女朋友走....
大家估到點解窗台外有尿味嗎? 因為佢女朋友急尿...又唔敢去廁所....所以................
佢屋企人聽到, 都唔知點算, 得個嬲字.....但係細仔依然唔緊張咁, 重大少爺口吻話「唔會有BB o既! 就算有左我會攪得掂!」
今日學校對卷, 主科無炒, 但係其他科就炒曬, 呀媽鬧佢, 佢重好老定話「成績表都未派, 份卷炒左, 但係平時分會拉返高嫁喇!」
之後就落左街, 同女朋友食飯...
佢呀姨打電話俾佢, 同佢講佢咁做係唔岩, 再咁落去遲早出事, 但佢居然話「我係唔會聽你講野, 因為你地講o既野係唔正確!」
如果你有個咁o既仔, 你會點做?...
[ 本帖最後由 匿名 於 7-2-2009 02:55 編輯 ]
