Boniface

近年大量個案家長俾控告
以早前一單為例，個老人家訓左晏覺，個孫跌左落街，老人家年紀大，晏覺係好有需要的，個小朋友自己曳，可以點？更何況，個孫死左，老人家心裡傷害己經很大，很自責，還要俾控告，上庭面對律師的無理質問，難道要搞多一條人命才安樂？
又有另一單例子，個阿媽係度煮緊飯，個仔自己貪玩，爬左出露台，難道你叫佢唔好煮飯？？
有單更離譜，個仔成16歲，夠大自己做part time，個單親媽媽要出期離港工幹，所以通常放低錢係屋企俾佢自己買野食，都被告！我地咁大個既時候父母早上出外工作，我地都係自己煮好飯，煮埋阿妹個份架啦.....
警察癲，法庭仲癲，唔怪得而家d細路少少自我照顧既能力都無，唔好講照顧埋細佬妹

里安

呢個唔係警察癲，係有法係度警察唔可以唔做

法律有晒保護兒童法例，警察只係執法

我覺得應該話，社會太保護兒童

因為法律好多時會係反映緊個社會既價值觀

yiuyiusiu

我只係覺得香港傳媒放大左件事黎報道令到警察冇辦法唔加強呢方面既執法
好老實 細個果時小一小二都係自己搭巴士番學放學
呀媽呀爸番鄉下咪自己係屋企煮公仔麵
難聽d叫冇王管
不過就係細個冇王管成日撞板 先知咩可以做咩唔可以做
不過有d案例係真係好過份 !
前排有個放小朋友係屋企成個星期唔理果d ... 但係唔係工幹 係走去賭錢
果d就真係低拉啦
但係真係要做野既 你就算鬧佢乜都好 我都可以幫佢搵一個完美無暇既答應 ; 搵食姐 ... 我唔搵佢地邊有得食

[ 本帖最後由 yiuyiusiu 於 20-6-2010 13:27 編輯 ]

101653

引用:

原帖由 Boniface 於 20-6-2010 13:18 發表
近年大量個案家長俾控告
以早前一單為例，個老人家訓左晏覺，個孫跌左落街，老人家年紀大，晏覺係好有需要的，個小朋友自己曳，可以點？更何況，個孫死左，老人家心裡傷害己經很大，很自責，還要俾控告，上庭面對律 ...

好同意
我有時自己都諗 "咁都要告?" "咁告都得?"

SECOND

引用:

原帖由 101653 於 20/6/2010 01:26 PM 發表

好同意
我有時自己都諗 "咁都要告?" "咁告都得?"

我都係咁諗，
其實仔女出事已經令到屋企人好傷心，
已經係一個最大的懲罰...

ps:除左早排因為唔記得餵奶而餓死個BB果單就抵告

里安

講到尾，告唔告得入係睇個官唔係差人

蛇

法律不外乎人情啫...
都要睇返實際情況黎判啦..

Boniface

但現實係個官都癲埋一份
我心想，大家都係咁樣一路撞板一路大，個官都經歷過
但點解去到而家，反而個價值觀不同了
當年大家父母都要出去做野，咪又係自己一個係屋企？自己貪玩跌親，撞親，小朋友邊會理
再引申多另一樣野，大家有無發覺，而家無哂d高滑梯同繩網呢？其實都係出於同樣原因吧

sam524

其實我覺得教仔係父母/長輩o既責任...
但係以前d父母一個睇十個八個都係咁,都睇得掂...
宜家睇唔掂只怪d細路貪玩,唔聽話同d父母唔理個仔...
有個呀媽可以唔理個仔上堔圳唱k都得...
有個仔玩facebook玩到唔訓,呀媽lock佢ac又告...
學師兄話,單親呀媽搵銀養仔先放低錢係屋企俾佢自己買野食,個仔16歲,咁又比人告...
唔通做野養仔都有錯!?唔比人單親!?
自問呀媽唔洗番工,我同我大佬都係自己搞掂...
呀媽又成日要出mk睇呀爺佢地...
根本就係社會價值觀錯左...
d人一齊膠...

[ 本帖最後由 sam524 於 20-6-2010 14:05 編輯 ]

4jai

香港惡法太多
香港人又興"讀死書"
無計

sam524

其實我覺得父母打仔係o岩...
打完d仔乖曬...

seamoncheng

引用:

原帖由 sam524 於 20-6-2010 14:08 發表
其實我覺得父母打仔係o岩...
打完d仔乖曬...

盲神呢d打死佢都唔係罪

alexl

法例係人定, 係反映社會價值, 而家D細路硬係唔同二、三十年前, 以前起瑪生三、四個, 又唔會成副精神放落去.  
而家生一個起兩個止, 成副精神、金錢都放落個仔女度, 見到為人家長, 細細個要仔女讀英文、日文、國語、彈琴、畫畫、.....又要安排定入名校/國際學校...又谷成績又谷課外活動, 見到都辛苦, 最慘係個細路以為咁係正常童年生活.
個個家長都想個仔考第一, 將來唔係醫生、律師, 就係會計師、教授.   人生的義意、價值觀是典形"仔奴"

yiuyiusiu

唔可以比佢咁早死

yiuyiusiu

引用:

原帖由 alexl 於 20-6-2010 15:37 發表
法例係人定, 係反映社會價值, 而家D細路硬係唔同二、三十年前, 以前起瑪生三、四個, 又唔會成副精神放落去.  
而家生一個起兩個止, 成副精神、金錢都放落個仔女度, 見到為人家長, 細細個要仔女讀英文、日文、國語、 ...

個個家長都想個仔考第一, 將來唔係醫生、律師, 就係會計師、教授.
不論70 80 90年代所有家長都係抱住咁既想法
每個年代都有好多一批比家長死迫爛迫既小朋友 試問邊個家長唔係望子成龍 ?
不過係當今小朋友既思想己經唔同
佢地覺得係父母前世差落佢地幾十憶 佢所有既野都要父母應份比佢地
至於食煙飲酒吸毒己經唔止係現今既問題 好耐之前己經出現 只係冇人去關注