呢個係設計既問題黎, 就算比佢換完 o-ring, 好快又會漏過. 我兩隻都係咁.
師兄可以試下以下既做法, 完成後一了百了. (不過我係參照好耐之前既唔g邊個 post 學既, 希望果位師兄唔好咁介意).
1. 擰底下粒機米出黎 (機米係M5 牙, 去鴨記好易買到). 買番d M5十字頭螺絲番黎先.
2. 將彈夾兩邊既六角螺絲全部擰出. 將買番黎既 M5螺絲擰入去機米孔度, 然後就可以將彈夾下蓋抽出黎.
3. 清潔所有溶左既膠同埋油. 可用酒精洗.
4. 將彈夾六角螺絲孔果個台既黑油磨走, 目的係之後上膠時提供一個無 coating 既金屬面.
5. 除油後, 可去五金店買玻璃膠返黎(硅膠). 以小量搽響彈夾底磨好既台上, 同埋彈夾底蓋軟膠皮邊上. 然後塞番塊底蓋上去. 呢個動作比較關鍵, 一定要用力塞入去, 如果唔係對唔到六角螺絲孔.
6. 繼續用力頂住塊蓋, 修番曬6粒六角螺絲.
7. 拆番粒M5 螺絲出黎. 清理好粒機米(機米上面應該有殘餘螺絲膠). 不過唔好上機米住, 等d 玻璃膠完全乾透先修, 須時約2天. 所以要等. 2天後再上螺絲膠修好機粒.
如果想d 玻璃膠乾得好d, 可以拆左個嘩佬出黎, 比d空氣有對流 (玻璃膠須有氧才可凝固).
大概既過程係咁, 不過如果真係有疑惑既, 都係建議比人攪啦.
