Paul

頭先個追數阿頭打電話上來, 同講東講西幾好玩

之後我直接打電話比佢兩次又唔接人電話

Paul

  其實收數佬都算高危行業, 今你話係咪需要法定立例
                           一D正常勞工保都要掛


債仔殺收數佬輕判囚五年
(星島)2009年5月25日 星期一 16:02
債仔殺收數佬案，報稱任職物流公司職員四十歲被告，被陪審團上週五裁定誤殺罪成，因其良好品格，僅輕判五年監禁。卅六歲男死死者的母親於庭外哭泣，指判囚太輕。

法官判刑時指出，接受被告受死者長時間激怒，但被告亦有對死者使用武力，形容案件對被告及死者家人均為悲劇，





債仔收數佬互劈瞓同一病房
多次遭上門追數


【本報訊】借五百還四萬元。遭「大耳窿」吸血男子，對追數佬多次上門追數忍無可忍，昨清晨在香港仔住所，涉取刀怒斬追數佬，對方頭部中刀仍能奪刀還擊，兩人均告受傷，被警員拘捕後送院留醫。
追債男子頭部受傷送院。

多次遭上門追數
欠債男子姓林（五十五歲），與妻子住鴨脷洲利東邨東興樓一單位。現場消息稱，林早前向「大耳窿」借款五百元，因無依時還款，經一段時間後，連本帶利欠款達四萬元，他一直無力償還，多次遭追數佬上門追數。

昨晨五時許，姓吳（二十九歲）紋身收數佬登門討債，林在睡夢中被拍門聲吵醒，聲言無錢還債，並與收數佬激烈爭執。林涉衝入廁所，取來利刀向吳追斬，吳後腦中刀，負傷搶刀反擊，經一番混戰後，林的頭、手、肩及胸口亦中刀受傷，其妻大驚報警。警員趕抵控制場面，兩人一同拘捕，由救護員送院，情況穩定。院方安排兩人在同一間病房留醫，警員需在旁監視，以免再起衝突。

[ 本帖最後由 Paul 於 10-12-2009 19:29 編輯 ]

Boniface

成本都蝕哂

mujiadam

引用:

原帖由 gtoray 於 10-12-2009 17:12 發表
我試過比收數公司電話追我百幾蚊
講曬粗口恐嚇咁
又話知我住邊
幾驚呀~

車,上到門咪有個兇神惡殺既人叫你還,但又唔敢做D咩...

levistone

睇下條數大唔大喇.
通常合法既收數公司接到單job, 如果收唔到數, 係冇錢收冇錢賺白做的, 但如果收到數就可以分到條數既某一個百分比.

有D難收既爛數, 收數公司可以分到條數既80% -90%都有, 所以有時收數佬真係會"咩都做得出".

咁點解銀行要俾收數公司賺咁多都唔從法律途徑去追呢 ? 因為銀行如果告上法庭, 銀行未必嬴架, 仲要係法庭公開D利息既計法, 銀行好怕咁做, 因為有部份利息既計法, 可能唔合法或者係灰色地帶, 大眾知道左會影響銀行形象。

仲有既係, 某D貸款例如汽車這一類, 就算銀行嬴左, 都係收返架車, 到時架車可能已經撞到爛哂, 收返都唔值錢.

以前做銀行, 有單case 係條友買車, 只供左幾期就冇供, 之後搵拖車公司鈎車, 拖車公司搵到架車, 但拖唔到返黎, 因為條友背景好勁, 拖車公司都無能唯力, 最後呢條數銀行當壞帳處理, 沒有從法律途徑追究.

Hkpolice-Psu

引用:

原帖由 levistone 於 11-12-2009 10:46 發表
以前做銀行, 有單case 係條友買車, 只供左幾期就冇供, 之後搵拖車公司鈎車, 拖車公司搵到架車, 但拖唔到返黎, 因為條友背景好勁, 拖車公司都無能唯力, 最後呢條數銀行當壞帳處理, 沒有從法律途徑追究

重點應該係之後ge事

莊家-犯罪無間

人地大到咁，班馬追數都要d時間ga