我都明白， 如果我回呢個post的話， 又會比人話我剩係幫警察。
不過睇完個post， 眼見有D無心既誤會 / 誤解、或者有心既抹黑， 又覺得不吐不快，
於是就一次過回晒佢...
以下純粹討論， 無意搵交嗌。
1.「
被投訴 / 被捕」同「
投訴成立 / 罪名成立」係
兩回事黎既， 希望大家留意到個分別係邊。
2. 講真，其實唔尊重警察「個人」係無問題既，要尊重既係警察執行職務時既「身份」同所代表既「法定權力」。
3. 今時今日，唔再係「服務市民」，而係「服侍市民」！
4.「非禮」既指控，投訴人
話你掂到佢就可以作出「投訴 / 舉報」架喇。
5. 係討論過程中，抽小陣水，認真DD討論會唔會好D?
6. 所謂「人肉路障」事件：-
6.1 要設立路障，首先，要
截停路上行駛中既車輛；
6.2
確保當時路上所有行駛中
車輛停定，沒有其他車輛會突然駛過路障位置後，警車要停泊係路上一個合適既位置；
6.3 然後就將雪糕筒、路障用交通標誌、閃燈等裝備，依照指引係馬路上適當既位置放置；
6.4 路障用既裝備放置好之後，路障主管就可以係認為安全及合適既情況下，指示開始進行查車等工作喇。
據報章報導，案發時涉案既警察，
正在截停當時路上行駛中既車輛，
當案發時係路上行駛既車輛正停係警車後面既時候 (據報章稱
係D市民停車後約幾秒)，
涉嫌參與非法賽車既車輛就從後衝上黎，無減速亦無停車，高速咁撞向按指示停車既市民車輛到。
設立路障既程序就如上面咁，係
路障未設立完成時，涉案跑車就從後駛至，
並且係無合理顧及其他道路使用者安全既情況下，高速咁撞向停低既車輛。
老實講，如果咁樣就指控警方利用市民車輛作「人肉路障」的話，會唔會有D夾硬黎?
換個例子講，
你係地鐵月台，當時地鐵正在關上月台幕門，
而你同其他人就上唔到車，於是就留係月台等車。
突然間，有人從後跑向排緊隊既人群後面，打算逼上車，並撞跌企係最後既你。
咁你會鬧跑埋黎撞到你既人丫?
定係投訴地鐵好係月台裝幕門要你排隊?
同樣道理，點解係所謂「人肉路障」事件入面，
無人指責過非法賽車？
但就走黎鬧警察捉賊？
大家搞清楚個因果關係，邊個犯法？起因係咩先啦？唔好係又黎唔係又黎呢？
7. 回應#16，
如果屬實的話，點解唔去做個
正式投訴？
另外，唔介意我問多句，網友你被截停前後，你又用咩語氣同態度同事件中既警察接觸呢？
有時誤會 / 不愉快事件，就係由一句說話，一個動作而引起既。
8. 回應#19，
其實你有無任何
親身投訴警察既經歷呢？
如果有的話，我相信你唔會得出「搞搞下無左件事架喎」呢個評論既。
歡迎理性討論，多謝賜教，謝甚！
[
本帖最後由 gd1893 於 25-3-2010 12:09 編輯 ]
