呢套戲係要D 20至3X歲上落，
人生有些少經驗，感情又有些少缺失(同唐生果隻缺失好明顯唔同)既人睇，先會有共鳴既。
D妹妹得果15/6，青春仍然多到可以任意揮霍果陣，又邊恕有位佢感觸先?
x x x
不過話分兩頭，細心D睇會留意到呢套戲係充滿計算既，
而且每個計算都去得好精準，
每個鏡頭、對白甚至佈景都有諗過。
因此即使未有經歷同共鳴既後生觀眾可以當喜劇、
有小小年紀同回憶既觀眾就可以懷緬下，借機滴幾滴眼淚咁。
再加上靚人靚景同偶像級作家做導演，總之就大小通殺啦。
鍾意呢D計算既會覺得感動，唔鍾意既就覺得稍嫌造作。
但以戲論戲，都不失為一套好片。
x x x
再一次話分兩頭，
我覺得作者 / 導演咁樣將佢 (同其他人)既青春往事拎出黎，其實都幾自私。
作為「網絡操作」既能手，九把刀無理由預計唔到網民既反應。
一輪人肉搜索下，佢回憶中既女神就搞到要停薪留職避走大陸。
仲要無人知道，沈佳宜(儀) 真身既屋企人 (同佢先生既屋企人) 有咩反應 / 感覺。
又調返轉，你係沈佳宜(儀)既先生，
有人拍套戲黎話比全世界聽佢幾愛你老婆，唔知你又會點睇?
(當然，都有人會有「你幾愛佢都好，最後佢都係揀左我」呢種心態既...)
如果從呢個角度睇，其實我真係感受唔到九把刀有幾愛佢心中既女神。
伸延閱讀 :
文 :
真人版沈佳儀留職停薪 與老公赴大陸
片:
電影爆紅壓力大「沈佳儀」本尊隨夫赴陸
[quote]原帖由
geoprotex 於 26-10-2011 07:44 發表
星期五同老婆去睇"那些年"，坐我地後面係一班15~6歲
[
本帖最後由 gd1893 於 26-10-2011 14:21 編輯 ]
