MS

引用:

原帖由 餅 於 30-10-2011 23:53 發表


我屋企起83 年後進駐北街 , 我問阿媽佢都唔識

爛仔組織我識 , 一定係當年既市政局

卓記隔離紙札鋪,老板娘叫屏姐...嘩!你流料...最後唔識打完心口打背"隻"新中華老細姓乜

HugoLaLaLa

原來市政上面既都唔做？！
又話因為租貴所以執左地舖既？
咁會唔會只係老細退休又無人接，決定執左佢，跟手報紙佬就走黎抽水？

新中華...尊貴既區議員以經執左間野有幾個月LU，橦樓被收購。

jpg

引用:

原帖由 MS 於 30-10-2011 17:05 發表

你食過權記粥還是雲吞麵!黎老棠係乜水?紫蘭台你識唔識?

紫蘭台係咪石級走上去.
權記好熟..係咪以前明珠閣對面? 定係荷蘭街角位個間?..
山市街淨係記得機舖,金輪茶餐廳, 角位有間買鞋,明潔幼稚園..仲有係我呀婆隔離個間舞獅會..

唔知ms sir係咩野年代, 我呀婆係山市街住左可能有50幾60年....

新中華個老細我呀爺一定識, 佢日日都係新中華飲茶..
食足咁多年, 係近呢5,6年先冇再去..

MS

引用:

原帖由 jpg 於 31-10-2011 12:41 發表


紫蘭台係咪石級走上去.
權記好熟..係咪以前明珠閣對面? 定係荷蘭街角位個間?..
山市街淨係記得機舖,金輪茶餐廳, 角位有間買鞋,明潔幼稚園..仲有係我呀婆隔離個間舞獅會..

唔知ms sir係咩野年代, 我呀婆係山 ...

60-90s ms老子在26號開電器鋪!有一年過年年晚,班爛仔ling盆桔收利士要100蚊, 老媽子話老細不在叫轉頭嚟過跟住打電話叫細佬,佢做過監房轉做差人,現役有牌爛仔"咩"鐵之人CID,le条友無ms咁温文有禮 重好火爆,班爛鬼看到佢知到頭痕,有条友唔知"定"大叫sorry夾ling走盆桔!老媽子喝住大吉利士 細佬不發一言放低支炮在夾萬佢地去石山街隻揪 輸咗果個食咗盆桔 搞到黄與黑幾十人去遊樂場講數,ms知實無輸都無眼睇,不知怎樣俾伯父知道,當年佢係馬山揸fit人,ms舅父在摩星嶺龍虎山邵氏員工是也,結果九条竹咁亂,正邪不两立,ms閃左去同伯父(佢住紫蘭台)請罪舅父到ms連忙同佢去環球飲茶吹水,對此事隻字不提

[ 本帖最後由 MS 於 31-10-2011 20:39 編輯 ]

jpg

環球...唔會係環球餐廳吧.
嘩MS SIR, 真係犀利..識咁多人..
呢D歷史唔講唔知.

餅

引用:

原帖由 MS 於 31-10-2011 01:17 發表

卓記隔離紙札鋪,老板娘叫屏姐...嘩!你流料...最後唔識打完心口打背"隻"新中華老細姓乜

呀陳議員嘛

咁都唔識真係抵打

MS

引用:

原帖由 餅 於 31-10-2011 19:27 發表


呀陳議員嘛

咁都唔識真係抵打

ms個仔同佢個女係同學,潮洲佬

MS

引用:

原帖由 jpg 於 31-10-2011 19:11 發表
環球...唔會係環球餐廳吧.
嘩MS SIR, 真係犀利..識咁多人..
呢D歷史唔講唔知.

環球老細去咗加拿大,佢個仔係ms妹夫 ms警告過佢如果亞妹炸佢型佢要買定棺材 佢同加多近街貓王朱係老死,魚欄爛仔頭係ms同學,佢六尺幾,成個大木桶覽住ling起,ms小時日日去鐘聲泳棚游水,老頭子係董事...入場老免 金銀泳棚電器都幫襯老頭子!
講完加多近街講爹核士街某號天台,ms小年時拜洪拳師父,都三幾隻烏英埋唔到身 後來跟日本仔岩見武夫學撻生魚,屎坑關刀文又唔得武又唔得 講返山市街太白台有間道館ms得閒上去跟人學道,太上老君急急知律令寫符 學道!
天也空，地也空，人生渺渺在其中；
日也空，月也空，東昇西墜為誰功？
金也空，銀也空，死後何曾在手中！
妻也空，子也空，黃泉路上不相逢！
權也空，名也空，轉眼荒郊土一封

[ 本帖最後由 MS 於 31-10-2011 20:27 編輯 ]

餅

MS 你講紙扎鋪係幾耐之前既事 ?

卓記仲係大排檔個陣隔離得間士多

諗極都諗唔起有紙扎鋪

tango10

西環真是好多美食! 真是要珍有機會再去食!

MS

引用:

原帖由 餅 於 31-10-2011 19:37 發表
MS 你講紙扎鋪係幾耐之前既事 ?

卓記仲係大排檔個陣隔離得間士多

諗極都諗唔起有紙扎鋪

起碼都二十年喇

MS

引用:

原帖由 餅 於 31-10-2011 19:37 發表
MS 你講紙扎鋪係幾耐之前既事 ?

卓記仲係大排檔個陣隔離得間士多

諗極都諗唔起有紙扎鋪

ms搞錯,最後去拜山都係山市街尾間紙扎鋪買野,老頭子老媽子住大口環義莊,le度d電器都係幫襯老子!唉真不孝,十多年無回港拜山!老頭子老媽子救人無數,60s鋪頭是義務救傷站,老頭子是救傷隊堅尼地城隊總監,有乜死人兼崩屋,所有傷者都送到鋪頭卑路乍街81號,日日都十單八單,後來每日都有救傷男女隊員在鋪面內當值,做就無數大好恩緣 最多是打穿頭,流鼻血,同仔冲凉唔記得加凍水,最大鑊係海皮咕哩開大片,傷者係東x佬同潮x佬殺到天崩地裂,一名傷逃到店中,滿身鮮血後有追兵 老媽子打電話去7號差館報案,久久未見差人,再去電...俾差人媽,話西環斬死人,你d碎料等下喇 老媽子話"亞Sir個兇在此,佢情緒不安,重有人追殺佢.....結果十幾文裝軍裝及記者大佬搞到水洩不通,ms借頭借路放假一天
堅尼地城堅約翰救傷隊多猛人,當今St John 一哥也是堅尼地城隊出身!當然ms都係隊員....俾老竇踢入會


[ 本帖最後由 MS 於 31-10-2011 21:33 編輯 ]

ka911007

引用:

原帖由 MS 於 31-10-2011 21:29 發表

ms搞錯,最後去拜山都係山市街尾間紙扎鋪買野,老頭子老媽子住大口環義莊,le度d電器都係幫襯老子!唉真不孝,十多年無回港拜山!老頭子老媽子救人無數,60s鋪頭是義務救傷站,老頭子是救傷隊堅尼地城隊總監,有乜死人兼崩屋 ...

嘩ms我估你真係，係西環無人唔識你同你D屋企人

jpg

MS SIr, 既後台真係勁..

MS

引用:

原帖由 jpg 於 1-11-2011 04:17 發表
MS SIr, 既後台真係勁..

北街綠綫小巴去旺角主持係ms同學老友,