引用:
原帖由 Ｌ 於 24-8-2009 17:51 發表 
我就會咁諗....我妹果一代的人會覺得...父母供書教學 係應份
問屋企拎錢都係應份 讀唔讀 做唔做就自己揀
我唔可以話佢將來一定生活好差...始終女仔係著數D 搵到個好老公嫁就可以生活到...
有一技之長又唔去發揮...埋沒左..唔係冇比機會佢..係佢自己唔肯去接受呢個機會..
再睇下D表妹,...仲衰....話一句駁十句....仲以為自己大條道理..好似樓主咁...
話佢鬧佢係袋錢落佢袋...而家都放棄我表妹...真係冇得教...可能大個D 撞下板學精D都好...
最怕係逃避..唔肯面對...
衰 D 講 , 自從無左體罰之後 , 成個氣候差晒
以前會驚老豆打 , 抽起 D 頭髮左一巴右一巴 , 塊面都還可以 , 頭髮髮根痛足一個禮拜
所以乜都乖
而家 D 靚仔有持無恐 "你打我 ?? 我報警 !!"
學師尊師重道 , 不要問只要做 , 做過 , 得喎 , 每月出糧請師傅食飯 , 師傅開心 , 時不時叫下 "靚仔 !! 過黎幫手!!"
話就話叫我幫手 , 實際上叫我過黎學野 , 師傅做做下走左去 , 叫我地做埋佢
有個又係學師既講 "甘咪即係叫我地做埋佢果份" , 我唔同意 , 其實師傅係比機會我地練
結果我做 , 另一個走左去 , 最後我學完喇 , 佢都未識
呢樣就係對 "辛苦" 既見解 , 有人認為辛苦係唔好既 , 唔做
但我覺得辛苦係過程 , 但我學到
係車房整貨櫃車 , 同個客傾偈 , 佢問我有無興趣過檔 , 同師傅老豆商量過 , OK , 人工即刻多 4 成
之後再轉做設計
你話條路係人地鋪比你 , 定係自己鋪比自己 ??
無運行 , 多數係自己唔爭取 , 唔搏
真正既機會 , 唔會等人
