Dave

引用:

原帖由 gainax 於 18-11-2016 10:57 發表
國產内構唔太穩定差可以好差,最大問題係工差大漏氣HOPUP唔得, 換一堆件執得黎我加三幾百玩KA換下HOPUP膠同set槍好過  第時唔玩KA二手價都易放D,國產改到入面好靚二手市場都唔樂觀,KA都只千中一支外皮又 ...

其實而家d 國狗好多時換粒hop 膠已經打得架啦，不過外皮易甩油仍然係慣性，睇牌子，個人覺得cyma 同 dboy 質素係好d。
ka 果粒換又得唔換又得。

gainax

我見之前個FD買左國狗爆開入面睇改都費事即刻入支馬記改
而家國狗要成千? 咁收二手港台改仲好

m11.man

師兄其實唔需要咁著急買支槍，當年跟人打game第一支槍好記得，電槍膠身膠波箱，你打幾場總有朋友可以借比你既，真係鍾意既，長玩先再考慮買槍啦，可以儲多d錢買，型仔d咪超囉千幾，有近視加多幾百，戰術背心幾百or買件正廠二三千，軍服外國品牌一千左右or仿品(唔知價)，軍靴正廠千幾or仿品(唔知價)，支槍要仿真起碼一二千，埋單找數都要幾千蚊，所以小弟去打game都係著到乞兒咁，支槍又係平野打唔遠咪投入d衝前d，唔夠力對家唔認死咪打多兩槍or打d耳仔，頸呀呢d好痛既位

mbuddy

引用:

原帖由 LCH925 於 17-11-2016 23:54 發表

鋰電加叉機300~400左右,嘉頓好似有平,國狗果個唔錯
CYMA(司馬)一千上下,國狗果邊都係呢個價位,有枝M4冇記錯就600左右
CA外號香港之恥,香港玩家評價不高,反而台灣大加推崇,本人有FD買過CA槍,不過冇落埸,不作評論; ...

軍軍軍有電槍甘平
真係要搵日出去睇睇
我上佢地facebook睇5百6百有支,但質素就唔太清楚
電我就聽過"t插"不過就唔知係咩黎
可能買槍時會直接買埋電,唔係分咩插,帶埋槍去買

mbuddy

引用:

原帖由 gainax 於 18-11-2016 08:26 發表
租裝d槍甩頭甩骨ROF極慢彈道15米都下墜是但買支幾百蚊槍都好過佢...  加上每次租裝最少都加一百, 租5次都夠買支平槍
最平玩法
ZA電槍 600
平價鍊夾X1 幾十
鋰電連叉機 2百(淘)
槍袋 幾十
COPY馬記面罩 百 ...

面罩我就有眼罩加鋼網口罩
但想換個一體式既
鋰電連叉機淘反黎信唔信得過,師兄有買過,有冇link可以睇睇

mbuddy

引用:

原帖由 m11.man 於 18-11-2016 13:36 發表
師兄其實唔需要咁著急買支槍，當年跟人打game第一支槍好記得，電槍膠身膠波箱，你打幾場總有朋友可以借比你既，真係鍾意既，長玩先再考慮買槍啦，可以儲多d錢買，型仔d咪超囉千幾，有近視加多幾百，戰術背心幾 ...

槍唔係知朋友會唔會借
但一來我怕整壞
二來花左/有咩問題又唔好意思
裝我就可以先問朋友借

Dave

引用:

原帖由 mbuddy 於 18-11-2016 14:35 發表

軍軍軍有電槍甘平
真係要搵日出去睇睇
我上佢地facebook睇5百6百有支,但質素就唔太清楚
電我就聽過"t插"不過就唔知係咩黎
可能買槍時會直接買埋電,唔係分咩插,帶埋槍去買

唔好淨係睇價格做人，質素如何，性能如何，用家後感有冇研過？
年終唔少新人都好似你咁，預算一千就一千，唔想加，結果就係一千蚊執到D 嘜就嘜，事後先呼天槍地支槍問題多多甩皮甩骨又盛，
冇耐前先有師兄有興趣買支殘到飛起的GBB 手槍連三定四匣，話好抵，
一眾師兄叫佢唔好亂黎，結果都係搶救無效，樓主表示義無反顧9 沖先算，而家果位師兄冇哂聲氣，唔知點了。

T 插係插頭一種，正負極成T 字型，是電槍常見插頭，另一種叫「車仔插」或叫「田宮插」或叫「細插」 ( 以前有大插的不過而家很少見 )，
用係電槍上沒甚麼分別，都是接駁方式而已。

注意好多平價槍都係膠身同最低級素零件砌埋射得出就算，通常呢D 叫「SPORTLINE」或 「EXPLORER」 VERSION，即入門槍，
外觀性能物料手感唔好有咩期望，起碼佢射得出操作無問題就得幾舊水貨仔。

至於果位大言炎炎咩CA 是香港之恥的師兄，恐怕冇拎過一柄CA 槍落槍玩，自己嘜牌子都買，
CA 的前前後後有4 把，MP5, M249 , STONER LMG，M14，落過槍的有MP5 /M249，兩把都好地地打足全日，
M249 更加落過5, 6 次場冇出過事，唔知恥在哪裡。
有時網路既野人云亦云，5, 6 年前WE 都比人踩到屎一樣，CA 亦是，
口耳相傳你踩一腳我踩兩腳不用本錢，但真是問到支槍性能如何有咩衰又口啞啞，
網路常態也，不要聽一家之說，如果有朋友玩開相關牌子，是旦整支黎射下撚下實際得多。

gainax

大陸牌子舖頭都係淘保貨 ,面罩抄馬記個隻低玩,有風扇保護性夠哂亦可拆來分開用
不過都係個句,草多D買好D落場都玩得開心D ,  筆直唔夠夾硬買同砌電腦打機一樣,想升級又困難,唔升級就住玩又唔爽

Dave

引用:

原帖由 mbuddy 於 18-11-2016 14:42 發表

槍唔係知朋友會唔會借
但一來我怕整壞
二來花左/有咩問題又唔好意思
裝我就可以先問朋友借

其實借槍比你玩真是老友先好，
一來整花左又唔係熟人，丙你又唔係算數又唔係，
老友既話笑2 下算數 (當然你要小心用)，
人家托埋支槍比你又彈匣又幫你叉電真是吃力不討好，
唔洗人開聲，你都爭佢一餐飯仔，自動波吧。

如果唔熟，寧可唔借自己買算，否則你真是掃鬼左撞崩要你賠錢你亦冇話可說也。
錢可以儲，唔好話而家手頭一千蚊就要執一千蚊貨，得六百蚊就執六百蚊貨，
WARGAME 入門唔係便宜，千幾銀肯定走唔甩，不如儲多少少錢先買，先買最重要的兩樣：護目/ 槍，其餘執得就執，執唔到就下次先，
唔好急於一時買D 唔等洗或次一等的東西。唔知邊個名人話「當前利益往往跟長遠利益相反」。

[ 本帖最後由 Dave 於 18-11-2016 14:59 編輯 ]

Dave

引用:

原帖由 mbuddy 於 18-11-2016 14:37 發表

面罩我就有眼罩加鋼網口罩
但想換個一體式既
鋰電連叉機淘反黎信唔信得過,師兄有買過,有冇link可以睇睇

叉機唔好慳，買隻信譽好D 的尤其是你玩鋰電，
一失常叉衰舊電燒左你間屋都似。
另外切切注意，鋰電叉電時有一條白色頭的叫「平衡線」，是控制各CELL ( 電池塊 ) 的電壓，不讓其中一CELL 過度充電，
一定要插好先叉鋰電，否則過充可以爆炸。

PS. 一般車仔電 NI-MH/ NI-CD 電就沒有平衡線的就咁叉即可。

gainax

平價ZA同國狗比我信ZA多D,至少仲可以見大個名專門店係槍街咁多年,而家唔知仲有冇保養呢回事?   
但打算長久玩WARGAME既話,平價系列相信唔可以滿足有要求玩家就會諗改裝,一改上黎又要射頻快D又要大力準D,又要耐用穩定,
平價系列就要換好多野而又難搞既時候, 就後悔當初唔加錢買支好,又可以改少D又易改左同時外殼都硬淨靚仔左了

平野唔好貴改係常識吧.要改就揾支素體好既改就事半功倍,相反就事倍功半
所以都係睇打算玩幾耐,三分鐘熱度定熱情玩落去

LCH925

引用:

原帖由 mbuddy 於 18-11-2016 14:35 發表

軍軍軍有電槍甘平
真係要搵日出去睇睇
我上佢地facebook睇5百6百有支,但質素就唔太清楚
電我就聽過"t插"不過就唔知係咩黎
可能買槍時會直接買埋電,唔係分咩插,帶埋槍去買

特價槍如何不作評論,可能清倉,可能清瑕疵槍
不過預錢可以鬆手少少,如果話預一千就真係一千,只能將貨就貨,寧可儲錢都不要將貨就貨
特價槍/平槍唔一定等於品質,抽唔抽中「槍王」睇人品.早些年(甚至現在)不斷有師兄高呼國產槍等於伏;小弟初時先後有過兩枝國產,一枝金弓一枝司馬,平平安安,現時仲用到
亦有人話我們牌有伏,小弟可能命數不錯,未曾遇過
槍天糖早前清倉,朋友滿心歡喜上去執野,點知眼見槍中尚有BB彈,登時嚇得不敢買;其後G36C GBB特價,又打算再去嘗試,不料問題多多,再轉身走人
所以平與有冇好野,似乎不是恆等式

CA有人評過正有人評過伏,而且唔係一般,而係超兩極化,通常係香港師兄大鬧,台灣師兄好評
個人而言未打過,不過早幾日同朋友去CA執特價槍,朋友一拎枝槍上手,個準星就跌左
但係話明瑕疵槍,並非不能接受,而且都順順利利響到槍.要睇返你個人睇唔睇外表
如果自問命格夠硬,又或者對外型不太重視,可以一試

一千蚊而言,基本上只買眼罩同槍就得.新手時期最重要都係得呢兩樣,衫褲鞋遲下補都得.假如唔係真品戰士,價位仲平
唯一唔可以將貨就貨的,一定係眼罩,一定要買個好的,否則一唔小心爆鏡,咁就一世

mbuddy

引用:

原帖由 LCH925 於 18-11-2016 15:44 發表

特價槍如何不作評論,可能清倉,可能清瑕疵槍
不過預錢可以鬆手少少,如果話預一千就真係一千,只能將貨就貨,寧可儲錢都不要將貨就貨
特價槍/平槍唔一定等於品質,抽唔抽中「槍王」睇人品.早些年(甚至現在)不斷有師兄 ...

整體就講國產有分國狗 CA 司馬 金 四樣?
唔知岩唔岩
搵日要出去睇睇先知會買邊隻
護具先用朋友的,之後再慢慢買齊
唔洗真品,護上下身都唔洗太專業,如果係面要買靚料點就可以了

mbuddy

引用:

原帖由 Dave 於 18-11-2016 14:53 發表


唔好淨係睇價格做人，質素如何，性能如何，用家後感有冇研過？
年終唔少新人都好似你咁，預算一千就一千，唔想加，結果就係一千蚊執到D 嘜就嘜，事後先呼天槍地支槍問題多多甩皮甩骨又盛，
冇耐前先有師兄有興 ...

我都諗住遲點買留多少少鬆動錢,
唔係好想將貨就價,買支唔中意既
到時睇到岩先買,同朋友出去睇,起碼有個朋友照住唔係買錯/買左伏野

LCH925

引用:

原帖由 mbuddy 於 18-11-2016 20:34 發表

整體就講國產有分國狗 CA 司馬 金 四樣?
唔知岩唔岩
搵日要出去睇睇先知會買邊隻
護具先用朋友的,之後再慢慢買齊
唔洗真品,護上下身都唔洗太專業,如果係面要買靚料點就可以了

國狗是國產槍,前面我將之和司馬分開了,但國狗是包括司馬,DBOY,金弓等廠的
CA是香港牌子