引用:
原帖由 adrianyahk 於 27-7-2008 23:56 發表 
唉...對住屋企個真M1...真係悲從中來....
特別係睇完Tony兄上面講既....
當初就係去泰國執左件ERDL加套repro 1st pattern...
mark兄介紹,執左套1956...搞埋支 M16A1...但係越睇得多,越唔敢玩...
gear就儲...但 ...
其實越戰裝備，同格林勒達、八十年代...今日的molle system都一樣，每一套裝備，或者每套kit，都有佢嘅指標同纙緝，
例如：公發molle整套kit有幾多件，由咩組成，結構模式，情況同spear一樣，
只不過spear係一袋包哂一整整套一目了然，所以買一整套就唔駛煩。
有人玩越戰look，係想執一個屬於自己"越戰"嘅軍look，所以佢地雖然有目標但玩得冇乜方向，或者到頭來唔知自己想點，玩乜。
希望找到有心玩嘅、多D人玩越戰野啦。
我見議，以每一套裝備set一個file，當行開街、或者上開網，見到咩野好野，就分析價值，同分類，回看自己的分類file，例如m1967尚欠buttpack，某天終於見到有，價錢許可，清楚自己冇，認知自己需要就扑，唔好愛理不理仲慢慢諗慢慢等，心機嘅野係要用行動付諸實現才有增長，冇心機亦唔係一朝一夕。
咁樣，玩一段時間，再睇返自己儲存file，就會發覺，原來m1967儲齊，m1956仲欠乜野。
專業收藏的話，要將自己玩嘅東西分門別類，按步就班，
如果目標想玩得充實，分類玩係必要的。
就好似我地每個月都要應付嘅開支一樣，
參考書、軍服、裝備、背包(長程架之類)、槍械、頭盔、軍章、禮服、靴、生化裝備(面具)
我地嘅心態，首要係應該買左套衫先，
之後有分叉口，就係...一係專攻軍服+釘章，第二選擇就係唔好咁急功近利，由一套軍服起，開始砌裝備。
當開始成形喇，就搵BOOT、先買最簡易嘅巴拿馬底，唔好一追就追皮邊A底乜乜七七...咁樣唔係玩軍品，只係玩自己~ 同阻礙自己進度和步伐。一定要記住~!
舉例~M1956/61嘅STANDARD組件已齊，夠一套落得場，咁就可以諗下釘章，同搵埋頭盔~ 玩得章就開始深入...隨左睇網之外，一定要睇書。
因為書會講背景、因由、功能功用、期數、實物考對，好有用架~!
好多時候，睇埋書玩，了解加深，就算一擲千金去買章買軍服...都會玩得精神，俾得開心。
攞到真正價值同內心滿足。
玩章一段時間就開始儲章，離不開開始接觸、玩埋禮服。
我認為，玩禮服嘅情操係好似紅酒般，需要嚮收藏軍品中一步一步地培養，蘊釀出來的。
玩到咁上下，到LEVEL，情到濃時，你自自然就黎架喇。
背包我會當好似儲來老軍章一樣，可遇不可求，二來亦唔等駛，落場亦好少用，亦唔多想用。
槍械~ 其實可以話係同收藏軍服獨立的，開FILE只係俾個明確目標俾自己，唔係話自己偏好打AUG、HKM4或者MP7，但一落場玩或者影相，話起手一支越戰槍支都冇，咁就真係吹漲。
生化品如防毒面具之類，我會放在最唔等駛嘅一環，因為該類物品容易老化、過期、還有很難/有機會使用。(過期濾罐照戴照用照吸係有害嘅。)
一定有人反駁話：我想玩明鈕搭帶、泥花、鴨花、金虎紋、Mitchell，咁冇丫嗎? 你叫點玩喇?
買repro又唔arm喇，又九唔搭八喇，咁tonyjaa你玩埋我果份啦~
其實，想玩明鈕搭帶、2rd pattern、泥花、鴨花、金虎紋、Mitchell...唔好講新手啦，試問邊個collector、愛好者唔想擁有，唔係夢寐以求呢?!
只係，若果大家深明懂得這個遊戲規則，打比喻~哩期拋六十年代大鈕OG107...咁未扑左佢先囉。
侯左幾年都唔見有自己SIZE、合眼嘅1ST、2ND pattern嘅...未玩3RD pattern囉~
宜家就連3RD pattern都水尾喇，冇嘅時候就黎恨，有嘅時候就當佢透明，其實...試問邊個玩軍服...唔係好似去街市咁，冇鱸魚未食住紅衫先囉，哩期菜心唔靚未食住芥蘭生菜先囉，冇加州橙都唔一定要死估估買南非橙，都可以食下奇異果...這就是遊戲規則。
可以買代替品，不過千其唔好買左假野或者劣品。
起長城都非一朝嘅事~ 有D野心急/急進唔黎。
但係collector都唔急，唔通普通玩家就要咁迫切，我地嚮拍賣場上成日見到一個現象，好多時好似一件全新68-69DATE嘅ERDL青花格衭哩D嚮越戰軍品中只屬三四流嘅貨，點解竟然要百幾兩百美元成交~?!
未就係多得D急於求成、盲目追求嘅玩家一D無知嘅心態。
結果，價推得太快升得太高過哂水位，就當益你囉~!咁嘅心態，累已害人。
最終，未一樣得唔到~
又或者，佢地會以廣華街乜生乜哥吹個價，妁此為指標，
老實講，哩D舖頭對一般大眾黎講，係正面，可取。
對COLLECTOR黎講，係離譜，隊冧個市，當人傻嘅，損人不利己。
一般人唔知嚮邊度聽返黎，收到風，話~ 一件當年虎紋衫七成新嘅都要幾萬銀，一條爛虎紋衭都要八九千，一個老虎章要兩千幾銀，第二期暗鈕搭帶凈係件上衫都要千幾銀，ERDL青花衭有二手靚仔都要六七舊，長程架二手都要二千幾銀，宜家全新計返舊價二千八銀俾你...
未就係多得哩D資訊，搞到本來唔駛哩個價值嘅東西一下子推高哂。
結果係咩?未就係越黎越少人玩，越黎越多人卻步囉，仲有嘅係...無辜買貴野嘅朋友，本來可以早日儲齊，明明買一兩三樣嘅收藏品嘅價錢搞到買得一件。
[
本帖最後由 tonyjaa 於 28-7-2008 14:59 編輯 ]
