HunterX

引用:

原帖由 gd1893 於 25-3-2010 12:06 發表
6. 所謂「人肉路障」事件：-

6.1 要設立路障，首先，要截停路上行駛中既車輛；
6.2 確保當時路上所有行駛中車輛停定，沒有其他車輛會突然駛過路障位置後，警車要停泊係路上一個合適既位置；
6.3 然後就將雪糕筒、路障用交通標誌、閃燈等裝備，依照指引係馬路上適當既位置放置；
6.4 路障用既裝備放置好之後，路障主管就可以係認為安全及合適既情況下，指示開始進行查車等工作喇。

據報章報導，案發時涉案既警察，正在截停當時路上行駛中既車輛，
當案發時係路上行駛既車輛正停係警車後面既時候 (據報章稱係D市民停車後約幾秒)，
涉嫌參與非法賽車既車輛就從後衝上黎，無減速亦無停車，高速咁撞向按指示停車既市民車輛到。

設立路障既程序就如上面咁，係路障未設立完成時，涉案跑車就從後駛至，
並且係無合理顧及其他道路使用者安全既情況下，高速咁撞向停低既車輛。
老實講，如果咁樣就指控警方利用市民車輛作「人肉路障」的話，會唔會有D夾硬黎?

換個例子講，你係地鐵月台，當時地鐵正在關上月台幕門，
而你同其他人就上唔到車，於是就留係月台等車。
突然間，有人從後跑向排緊隊既人群後面，打算逼上車，並撞跌企係最後既你。
咁你會鬧跑埋黎撞到你既人丫?
定係投訴地鐵好係月台裝幕門要你排隊?

同樣道理，點解係所謂「人肉路障」事件入面，
無人指責過非法賽車？但就走黎鬧警察捉賊？

大家搞清楚個因果關係，邊個犯法？起因係咩先啦？唔好係又黎唔係又黎呢？

關於呢單野, 實在講過太多次...
我知正常程序係點, 但係佢地有無心跟正常程序就心X照.

-佢地唔係第一次咁做
-揀果個位設路障, 係因為佢地知道飛車既人一定停唔切
-佢地事先一定知道被截停既車會被撞, 只係無諗過咁大鑊姐
-飛車既人係有減速既, 180km/h直撞既話絕對唔係爛幾架車咁簡單
-果個係反飛車路障, 佢地做反飛車, 你唔好同我講佢地唔知D車有幾快, 出灣停唔停到
-點解我咁肯定以上幾點, 因為飛既同截既我都間接識
-飛車係錯, 但係被截停既普通市民無錯
-呢個方法反飛車確實係好, 不過唔該用返警車

如果你堅持, 佢地真係依正常程序做緊, 只係咁o岩擺左果個位擺, 咁o岩果個時間擺, 咁o岩截停左咁多車, 咁o岩指示左幾架中線既車停去快線, 咁o岩之前都發生過幾次一模一樣既意外, 佢地又真係唔知有人飛車, 真係唔知D車停唔到, 真係唔知截停既普通市民會被撞既話,
我都無野好講喇, 你就當我呢個無知刁民無理取鬧啦。

101653

引用:

原帖由 sunny2014 於 25-3-2010 15:06 發表

我家族就出左兩個警察
所以我一向都好尊重警察呢行
可惜係日日見唔少人龜前龜後咁叫佢地
大佬…警察都有阿媽生架
你唔似有犯法佢查你貪好玩咩？

班警察有阿媽生, 咁班市民就冇阿媽生牙
好似我之前汁個電話果單野
我唔係唔配合佢wo, 我更加唔係冇盡我責任丫? 我執到野起碼交比佢地
但結果呢? 西洋菜街大街大行企係路中心拿住張身分證啤X住我
搞我半粒鐘, 係阿, 佢職責係查丫ma, 有可疑要啤丫ma,
但係, 佢拉我企埋d洗死? 啤少兩秒洗死?
一句職責所在大X哂, 一有警察做錯野就樹大枯枝, 一有人唔like警察就刁民
叫佢差人就叫冇禮貌, 叫佢差佬就叫唔專重佢, 叫佢龜就叫侮辱佢,
又有冇人諗過比人叫o靚仔前細路後既市民?
你估出面班所謂既警察真係同你 "先生,麻煩我想睇睇你張身分證" 牙? 發夢啦!
一句 "o靚仔囉張身分證黎" 大X哂, 老馮都唔係咁做野啦下話?
好少少禮貌洗死? 我又唔係唔比佢睇, 連我呢個冇乜禮貌既人都覺得果班X街衰過我阿!
樹大有咁X多枯枝, 我都想見下有冇D係未枯架
有人成日達d警察做野方式規舉出黎串串哄, 又話如果覺得有問題既可以投訴, 投訴既又比人話港男港女
我真係唔知邊邊先係刁民.

都係果句, 某D人成日話市民當警察唔係人, 我想問下咁多位警察有幾多個又當市民係人阿?
當係我呢位蟻民唔like警察行事方式, 最起碼我唔會出街見到警察就指住佢黎鬧追住佢黎打
好黎好去丫, 佢要做野佢笑笑口有禮貌d, 我會唔會無啦啦X9佢你心知肚明
佢要玩到呼呼渴渴, 我洗唔洗比面佢阿?
廢事講太多, 陣間又有D疑似刁民滾出黎達句 "知唔知乜野叫做尊重有權力者" 黎兇X我

真係睇到火都黎X埋!!

ps. 蟻民係犯賤的, 警察可以尊重但蟻民係不應受到尊重 <----呢個係我睇左CGF咁多有關警察既post得出既結論

CrazyBoy

引用:

原帖由 101653 於 25-3-2010 20:21 發表


班警察有阿媽生, 咁班市民就冇阿媽生牙
好似我之前汁個電話果單野
我唔係唔配合佢wo, 我更加唔係冇盡我責任丫? 我執到野起碼交比佢地
但結果呢? 西洋菜街大街大行企係路中心拿住張身分證啤X住我
搞我半粒鐘, ...

數字人 好耐無見[揮手]

101653

引用:

原帖由 CrazyBoy 於 25-3-2010 20:30 發表

數字人 好耐無見[揮手]

[揮手] 我本來唔想出聲架, 有D事情仲未搞掂, 不過真係火都黎

CrazyBoy

引用:

原帖由 101653 於 25-3-2010 20:32 發表

[揮手] 我本來唔想出聲架, 有D事情仲未搞掂, 不過真係火都黎

頂..我以為你深潛唔上水啦[sosad]

101653

引用:

原帖由 CrazyBoy 於 25-3-2010 20:34 發表

頂..我以為你深潛唔上水啦[sosad]

都要上水換氣既

CrazyBoy

引用:

原帖由 101653 於 25-3-2010 20:35 發表

都要上水換氣既

算啦..呢個話題永無完

人總有好與壞既~

gd1893

網友你話：

「-點解我咁肯定以上幾點, 因為飛既同截既我都間接識」

無你份親身參與，亦唔見得你接受過相關訓練，
之但係你又講到咁肯定人地心中諗咩同點解咁做既，咁我都無咩野可以回應你過喎...

x x x

至於你所提出既問題，
報紙有賣，事發時交通同事係收到市民報警，所以執行反賽車行動既，呢點相信大家都同意。

至於路障既設立位置同埋其他細節，因為案件仍在調查 / 法律程序中，所以我唔方便討論。

我想提出既唯一一點就係，
係路面設計行七十公里既路段，違例者係要行到一百八十公里既，
就算無警察既執法行動，佢地既行為都一樣對其他道路使用者構成危險！
亦直接令其他守法既道路使用者身陷不必要既危險之下！

如果違例既司機唔參與非法賽車 / 超速駕駛的話，根本就唔會有你所提到既「同類型意外」發生。

又，據我所知，之前幾次既「同類型意外」，用於截停賽車及遭撞毀既都係警車，
咁請問你又憑甚麼去證明警察刻意無按照正常路障程序，而用市民車輛進行攔截呢？

x x x

當然，案發時，現場警察既處理手法好可能有進步既空間，
不過，點解網友你對犯法既人只係輕輕帶過，對執法人員又作出如此強力指控呢？

依家成件事既始作蛹者係邊個？ 莫非警察約佢地黎飛車既?

我相當好奇，萬一某日發生持械劫案後，警察到場剿匪期間發生槍戰，有途人不幸受傷的話，
你會唔會指責警察到場捉賊？

引用:

原帖由 HunterX 於 25-3-2010 18:16 發表


關於呢單野, 實在講過太多次...
我知正常程序係點, 但係佢地有無心跟正常程序就心X照.

-佢地唔係第一次咁做
-揀果個位設路障, 係因為佢地知道飛車既人一定停唔切
-佢地事先一定知道被截停既車會被撞, 只 ...

CrazyBoy

引用:

原帖由 gd1893 於 25-3-2010 20:51 發表
我相當好奇，萬一某日發生持械劫案後，警察到場剿匪期間發生槍戰，有途人不幸受傷的話，
你會唔會指責警察到場捉賊？

你呢個假設應該換成：

我相當好奇，萬一某日發生持械劫案後，警察到場剿匪期間發生槍戰，並用市民作盾，有市民不幸受傷的話，
你會唔會指責佢地辦事手法?

101653

引用:

原帖由 gd1893 於 25-3-2010 20:51 發表
網友你話：

「-點解我咁肯定以上幾點, 因為飛既同截既我都間接識」

無你份親身參與，亦唔見得你接受過相關訓練，
之但係你又講到咁肯定人地心中諗咩同點解咁做既，咁我都無咩野可以回應你過喎...

x x x

至於你所提出既問題，
報紙有賣，事發時交通同事係收到市民報警，所以執行反賽車行動既，呢點相信大家都同意。

至於路障既設立位置同埋其他細節，因為案件仍在調查 / 法律程序中，所以我唔方便討論。 <--- 咁你又有咁大段野彈出黎既?

我想提出既唯一一點就係，
係路面設計行七十公里既路段，違例者係要行到一百八十公里既，
就算無警察既執法行動，佢地既行為都一樣對其他道路使用者構成危險！ <--- 所以果班蟻民橫掂都係死,就用佢地黎擋?
亦直接令其他守法既道路使用者身陷不必要既危險之下！

如果違例既司機唔參與非法賽車 / 超速駕駛的話，根本就唔會有你所提到既「同類型意外」發生。 <--- 怪叔叔講左,非法賽車係錯,但普通市民冇錯

又，據我所知，之前幾次既「同類型意外」，用於截停賽車及遭撞毀既都係警車，
咁請問你又憑甚麼去證明警察刻意無按照正常路障程序，而用市民車輛進行攔截呢？

x x x

當然，案發時，現場警察既處理手法好可能有進步既空間，
不過，點解網友你對犯法既人只係輕輕帶過，對執法人員又作出如此強力指控呢？ <--- 非針對,但就本人眼中你在警察那方也是輕輕帶過了事

依家成件事既始作蛹者係邊個？ 莫非警察約佢地黎飛車既?

我相當好奇，萬一某日發生持械劫案後，警察到場剿匪期間發生槍戰，有途人不幸受傷的話，
你會唔會指責警察到場捉賊？ <--- 這個比喻更加不知所謂,我諗警察係呢D事上既職責係應該先疏散途人

.

alan512

引用:

原帖由 yiuyiusiu 於 24-3-2010 11:15 PM 發表
垂簾聽政閎時代番黎喇
題外話 ... 老老實實上次係鹿頸渣住架TT番屋企
比架新型EU踢車踢左成個鐘 ... 態度仲難控制過警犬 ...
問我飛車我話唔係 跟住一位女性輔警用香港獨有既說話文化方式同我進行溝通
...

講得好
果次坐公園,d PTU過黎逗我地,一黎到就器官滿天,態度又係難控制過警犬

101653

引用:

原帖由 CrazyBoy 於 25-3-2010 20:56 發表


你呢個假設應該換成：

我相當好奇，萬一某日發生持械劫案後，警察到場剿匪期間發生槍戰，並用市民作盾，有市民不幸受傷的話，
你會唔會指責佢地辦事手法?

請選出1個最合適的答案:

A) 有冇可能阿? 吹水咋?
B) 樹大必有枯枝
C) 都話警察慘架啦! 邊有人當警察係人得架? 乜都怪哂落黎
D) 最衰都係個賊, 佢唔打劫咪冇人受傷囉
E) 尊重有權力者, 叫你去死就去啦
F) 如有任何問題, 請到相關部門作出投訴
G) [將句子美化]

[ 本帖最後由 101653 於 25-3-2010 21:34 編輯 ]

gd1893

<--- 咁你又有咁大段野彈出黎既?
1. 所以我咪無討論到 「路障既設立位置同埋其他細節」囉。

<--- 所以果班蟻民橫掂都係死,就用佢地黎擋?
2. 請參閱回應 #24， 我一開始已經表明不認同傳媒指稱「現場警察用市民車輛做路障」呢個假設。

<--- 怪叔叔講左,非法賽車係錯,但普通市民冇錯
3. 我認同市民無錯喎，我指責既係參與非法賽車既人令市民置身於不必要既危險之下，明白嗎？

<--- 非針對,但就本人眼中你在警察那方也是輕輕帶過了事
4. 同上，請參閱回應 #24，第6項有關路障設立程序。

<--- 這個比喻更加不知所謂,我諗警察係呢D事上既職責係應該先疏散途人
5. 你係警察? 定係負責制定警察程序既專家？ 請問從何指出警察拘捕歹徒係不知所謂？


網友，無見一排，討論既技巧同分析能力，
好似... 比起舊年「煨蕃薯」個討論中既表現失色左D喎...

gd1893

咦咦，你呢個改編既假設，一開始已經認定左警察係用市民車輛黎做路障喎...

或者，我用返之前自己既另一個模疑例子：

你係地鐵月台，當時地鐵正在關上月台幕門，
而你同其他人就上唔到車，於是就留係月台等車。
突然間，有人從後跑向排緊隊既人群後面，打算逼上車，並撞跌企係最後既你。
咁你會鬧跑埋黎撞到你既人丫?
定係投訴地鐵好係月台裝幕門要你排隊?

引用:

原帖由 CrazyBoy 於 25-3-2010 20:56 發表


你呢個假設應該換成：

我相當好奇，萬一某日發生持械劫案後，警察到場剿匪期間發生槍戰，並用市民作盾，有市民不幸受傷的話，
你會唔會指責佢地辦事手法?