jerry67

師兄, 唔知隻鋼Bolt 同槍身 & 槍機件接觸位既磨損/撞擊情況如何呢?

Armourer

rho837 師兄，

我問過 BT D 朋友，佢哋話其實全部又係因為嗰句 "真材實料" 囉！ 佢哋用外國入口嘅 "精鋼" 製造每件强化產品，呢件 Bolt Carrier 最有代表性，因為成件嘢係人手二合一，人手造出同珍品外觀一樣嘅 "魚麟焊紋" ，咁大嚿鋼鐵，暫時 winston05 兄照片嗰件應該係件佢哋 Prototype 測試版，但都已經造到比原裝 VXC 鉛合金件，只不過係重咗 50 克，不同國家來源地的金屬鋼材的質量同密度有時都幾難計算到 100 % 準確，同一個 Size ，但竟然唔同重量，但講真已經好近球洞了 ..........不過您又啱，其實件嘢重咗，多多少少會影响支槍嘅內部動作同肯定用多咗 D 氣，結果係讚係彈，真係因人而異 ..........所以佢哋話會在出廠前盡量喺 D 不知不覺嘅位度做多 D 工夫，相信真正到客人手嗰件，可以造到 "蘋果對蘋果"。佢哋話已經不斷測試呢件新嘢，似乎對槍身內籠就無乜影响，但如 winston05 兄先前講過，對原裝 VXC D 鉛合金件就.......... 好快玩完！最後，佢哋話件嘢無做過氮化，而且亦無必要，只係造咗專業防銹、造色加工及熱處理。

rho837

嘩！聽落都收貨。

winston05

引用:

原帖由 Armourer 於 21-4-2012 23:24 發表
rho837 師兄，

我問過 BT D 朋友，佢哋話其實全部又係因為嗰句 "真材實料" 囉！ 佢哋用外國入口嘅 "精鋼" 製造每件强化產品，呢件 Bolt Carrier 最有代表性，因為成件嘢係人 ...

Even I don't know that...

jabberwock624

我都有睇之前個POST  " 來了! MP5 Steel Trigger Pack " 跟住十五十六左幾日, * 畢竟之前W@ M4 GBB 有前科, 做白老鼠間接幫人地做QC, 到處爬文找尋所謂最佳零件安裝在自己及友人既GBB內,結果大家都好像遇到金融海潚一樣... ...
直到之前F22師兄既POST又令我再次投入MP5 GBB( 深坑 ) 懷抱
其實有其他品牌出佢既"保品" 零件係我0地呢用家來講係好多過壞.
唔好既產品好自然汰弱留強.  
雖然個MP5 Steel Trigger BOX都幾貴,不過都訂左個試試.
可能小弟手氣唔好,收到件問題件( 有洞穴 , 期後該公司並安排換件) ,
換件既同時佢地都叫我放心打開PACKING試下件零件,
我只買個 Trigger BOX 其他用番原裝零件,
結果一切正常  .

rho837

有個穴？ 唔明！ 係乜野穴？有幾大個？

jabberwock624

拆過trigger box 就知呢個係咩位置.
http://thumbp1-sg3.thumb.mail.ya ... h=478&httperr=1
見到呢2個洞心既時向下沉,之後向該公司反映.而該公司亦安排換件( 好幾件比我選擇. )
不過都要公道d講那些洞不影響到其他零件正常運作! ( 公差很少 )

[ 本帖最後由 jabberwock624 於 25-4-2012 12:04 編輯 ]

rho837

明白! 只係小小見不到的外表問題! 根本冇對運作做成影響!

jabberwock624

引用:

原帖由 rho837 於 25-4-2012 12:28 發表
明白! 只係小小見不到的外表問題! 根本冇對運作做成影響!

都唔係架師兄,見不到的外表問題唔代表無問題!
如果你話件件都係咁我直頭唔會買離試! ( 對於我來講都幾貴!   但認同某師兄所講" 物有所值" )
不過事實上比我簡果3件都無呢件禁大個洞.
希望其他廠商都明白開發產品既同時,產品既質量問題亦好重要!

Armourer

引用:

原帖由 jabberwock624 於 25-4-2012 11:52 發表
拆過trigger box 就知呢個係咩位置.
http://thumbp1-sg3.thumb.mail.ya ... h=478&httperr=1
見到呢 ...

jabberwock624 師兄，聽您咁講，佢哋 D 售後服務即係好唔好呢？其實係點同佢哋更換件有問題件呢？乜嘢係 "仲有得選擇" 呢？係咪您自己走去換呢？去邊度換？可唔可以分享吓？

Armourer

引用:

原帖由 jabberwock624 於 25-4-2012 13:17 發表

都唔係架師兄,見不到的外表問題唔代表無問題!
如果你話件件都係咁我直頭唔會買離試! ( 對於我來講都幾貴!   但認同某師兄所講" 物有所值" )
不過事實上比我簡果3件都無呢件禁大個洞.
希望其他廠商 ...

完全同意，外觀有問題其實都係一個問題，例如藝術品就係啦！即係睇女一樣，靚女梗係多 D 人睇加啦！ 只不過，人靚，佢嘅人品 (質量) 未必一樣好，呢方面個天好公平加。

我都係因為買咗 BT 個 Trigger Box，所以先至開呢個題目嚟吹吓水，同埋睇吓大家有乜特別遭遇之嘛！我反而無留意到您講嗰 D "洞穴"..........話時話，睇睇吓，我嗰件喺邊位就有兩點好似針頭尖位咁細嘅 "痕跡"，但又唔可以講係個 "窿 或 洞 或 穴" 大到咁誇張.......... 似乎又唔係好關件嘢嘅質量或品質嘅事，我個人覺得似乎係關佢哋手工問題多 D 唧，即係靚女和醜女嘅分別，外觀唔靚唔緊要，因為佢唔係藝術品，我當佢係件工具，係件强身健體嘅工具，我比千幾両银買佢件工具比我支槍補身，最緊要係買到以下幾樣嘢，1. 一定要真鋼材造 (可以揾人試吓 D 乜料)，2. 一定要 "襟" 用 (暫時似乎打到支槍爛，個 Box 都無 D 想爛嘅意思)，3. 造工的數值同位置一定要準 (暫時完全 100 % Plug and Play)，因為您裝件件落支槍嘅時候，同之後 "失控地" 試槍嘅時候，您都可以感受到佢哋 D 件得定唔得。

但其他次要嘢，比如手工呀、打磨呀、防銹呀、造色呀、包裝呀等門面嘢嚟唧，全部都係過眼雲煙，裝件件落支槍之後，您又睇佢唔到，又摸佢唔到，咁..........我哋大家開心最緊要 ，千祈唔好太執著 。

公平 D 講，只有玩家對支槍嘅 "瘋狂" 程度，加上 "時間" 嘅洗禮，最終才可以判定佢哋嘅質量或品質，係堅嘢定流嘢！D 朋友講過，BT 係用人手 (加機器) 製造個 Trigger Box 嘅，今時今日，"手作嘢" 嘅價錢其實可大可少，一定只有貴，唔會平，所以手工方面一定有 D 出入，一定件件唔同，又要 "揼"，又要焊，佢哋件嘢仲用好似用咗幾種焊法添，所以真係唔 "限量版" 至出奇。如果佢哋件件嘢分毫不差，一模一樣，但如果又話係 "手作嘢"，咁佢哋就肯定係揾 "機械人" 造加啦！

jabberwock624 師兄，您同我同上面幾個師兄呢鋪真係好好彩，買咗 (應該係講 "買到" 佢哋嘅 Trigger Box，唔知佢哋仲會唔會再出 D MP 5 嘅 "手作嘢" 呢？頭先 Send 咗個 email 去 BT 想買多一個 Trigger Box 送比住係台灣嘅表弟，BT 剛回覆話已經賣哂啦！ 仲話下一水唔知幾時再番飛喎？

siudaku

引用:

原帖由 Armourer 於 25-4-2012 18:28 發表


完全同意，外觀有問題其實都係一個問題，例如藝術品就係啦！即係睇女一樣，靚女梗係多 D 人睇加啦！ 只不過，人靚，佢嘅人品 (質量) 未必一樣好，呢方面個天好公平加。

我都係因為買咗 ...

我早兩星期都係BT 買左十餘隻trigger case, lee 兩天放假終於抽到時間將全部組裝好。
安裝過程非常順利, 原全唔駛自己動工再花時間執位, 造工真係值得一讚
但現在最心急希望佢地快d 推出個carrier ,  咁我個MP5 family 又再更接近完美喇……
之後希望佢地會翻造trigger case, 好俾我日後d K仔有個靚靚既心臟
最好就再出埋真數frontsight 咁就大功告成喇,

Armourer

引用:

原帖由 siudaku 於 25-4-2012 19:23 發表


我早兩星期都係BT 買左十餘隻trigger case, lee 兩天放假終於抽到時間將全部組裝好。
安裝過程非常順利, 原全唔駛自己動工再花時間執位, 造工真係值得一讚
但現在最心急希望佢地快d 推出個carrier ,  咁我 ...

siudaku 師兄，嘩！買咗＋幾隻 Case..........咁咪要成個、十、百、千、萬、 嘩，成萬両銀？？？

不過我都睇您過 Post 出嚟 D MP 5 相片，真係好大塲面，您似乎係擁有最多支，最齊款式 MP 5 嘅師兄，查實您有幾多支成品呢？

我都好心急，好想佢哋快 D 出廣告接受 "預訂" 方式 買佢哋個 Bolt Carrier，費時一個唔留神，一時無上佢哋個網，突然比人買晒就仆街啦！ 上次 Send email 比佢哋，建議佢哋快 D 用 "預訂"，不過佢哋話要先訂好零售價後，才決定是否用 "預訂" 方式見光喎！

唔知會賣幾両銀呢？

jabberwock624

引用:

原帖由 Armourer 於 25-4-2012 15:51 發表


jabberwock624 師兄，聽您咁講，佢哋 D 售後服務即係好唔好呢？其實係點同佢哋更換件有問題件呢？乜嘢係 "仲有得選擇" 呢？係咪您自己走去換呢？去邊度換？可唔可以分享吓？

Armourer 師兄: 佢地既售後服務真係無得彈! ,( 但我仍對這購物型式有保留!  今次係好彩.唔係每度地方買野賣方比你簡到滿意而唔黑面! )
              我都係用E-MAIL 形式SEND 張相比佢地,之後佢地同我聯絡開既SALE直接約我更換那問題件.
              我起初以為佢攞番1件件同我更換就算,點知佢攞幾件比我簡,重講笑話以為我放大0左張相比佢地添.
              今時今日你去邊度買野比你簡到滿意為止? 去到2件唔0岩咀型, 係得禁多件. 我地唔會KEEP禁多貨.之類... ...
              我諗師兄大家都見唔少. 唔通師兄們覺得遇到呢D情況要自己硬食為之正常?
rho837 師兄:你係無要求就唔會換補品啦, 用呢個價錢買件件我唔可以有呢個要求?
            我自己整花果 D 叫戰績. 佢本身件件外觀有問題裝入去係睇唔到.就唔係問題?
            不過都係果句,一分錢一分貨.

rho837

個個人比錢買物品都有一定要求！只不過定義標準唔同！現在我買左四隻鋼BOX! 有一隻個面有一條粗machine mark 望見好以花左！應該係生產時一啲defects! 但對個box本身運作無做成任何問題！所以照用！別一隻在變位有小小的”砂眼”又係defect! 但都係與個box本身運作及耐用無關，同時個box係唔見光根本花唔花或有冇砂眼對我一啲都唔重要！最重要係尺寸是否精準！

當然買隻全新勞力士就掔係check有冇問題！但帶上手之後花左又如何！咪又係錶一隻！

各人定義唔同！不過BT真係好有心！